ကြက်ဆန်လှော်ဟင်း ချက်ပြုတ်နည်း

ကြက်ဆန်လှော်ဟင်း ချက်ပြုတ်နည်း

  • ကြက်သားကိုရေ‌ဆေးသန့်စင်ပြီး အတုံးသေးသေးတုံးထားကာ ချက်မည့်ဒယ်အိုးတွင်ထည့်ပါ
  • ကြက်သွန်ဖြူ၊ ချင်း၊ ငရုတ်သီးခြောက်၊ ဟွားကြောင်းစေ့၊ ပင်စိမ်း၊ ဖက်ဖယ်၊ ရှမ်းနံနံတို့ကို ငရုတ်ဆုံတွင် ထည့်ပြီး ထောင်းပါ။ (၎င်းအရွက်များကို မထောင်းလိုလျှင် တောက်တောက်စဉ်း၍ ထည့်နိုင်သည်။
  • ထောင်းထားသည့် အဆာပလာများကို ကြက်သားထည့်သည့် အိုးတွင်ထည့်၍ ဆား၊ ဆနွင်း၊ မှည့်လင်သီးခြောက်၊ ချဉ်ဆော်ခါးသီးခြောက် (မရှိလျှင် ရှမ်းမုန်ညင်းချဉ် အနည်းငယ်)ထည့်ပါ။
  • ခရမ်းချဉ်သီး တစ်လုံးကို ချေ၍ ထည့်ပါ။
  • အိုးတွင် ထည့်ထားသည်များကို သေချာစွာ နယ်ပြီးနောက် ကြက်သားမှ ထွက်လာသော အရည်များ ခမ်းခြောက်သည်ထိ လုံးချက်ပေးပါ။
  • ထို့နောက် ကြက်သားကျက်လောက်ရုံ ရေထည့်၍ ချက်ပါ။
  • ကြက်သားကျက်လျှင် ဆန်လှော်မှုန့်ထည့်၍ လိုအပ်သော အပျစ်အနေထားရရှိရန် ရေထည့်ပါ။
  • ပြီးလျှင် အရသာအပေါ့အငံ မြည်း၍ နံနံပင်၊ ပင်စိမ်းအုပ်ကာ သုံးဆောင်နိုင်ပါသည်။

ပါဝင်ပစ္စည်းနှင့် အချိုးအစား

မြန်မာကြက် –  တစ်ကောင် (တစ်ပိဿာလျော့လျော့)

မြန်မာပင်စိမ်း – ၁၀ ပင်

ဖက်ဖယ်ရွက် ၁၅ ပင်

ရှမ်းနံနံ (ကုလားနံနံ) – ၁၀ ပင်

ငရုတ်သီးခြောက် (အစပ်) – လက်တစ်ဆုပ်

မြန်မာကြက်သွန်ဖြူဥ – လက်တစ်ဆုပ်

ဟွားကြောင်းအစေ့ (အစေ့မရှိရင် အမှုန့်) – တစ်ဇွန်း

ချဉ်စော်ခါးသီးခြောက် – လက်တစ်ဆုပ် (အချဉ်အတွက် မရှိရင် မုန်လာဥဖြူမပါသည့် ရှမ်းမုန်ညင်းချဉ်)

ခရမ်းချဉ်သီးကြီးကြီး – တစ်လုံး

ရိုးရိုးနံနံပင် – အနည်းငယ်

ဆနွင်းမှုန့် – တစ်ဇွန်း

ချင်း – လက်တစ်ဆစ်

ဆား -၂ ဇွန်း

ဟင်းခပ်မှုန့် – တစ်ဇွန်း

ဆန်လှော်မှုန့် – တစ်ပန်းကန် (အပျစ်အကျဲချိန်ထည့်ပါ)

www.moea.gov.mm (beta) တွင် ဖော်ပြထားသည့် အချက်အလက်များနှင့် ပတ်သက်၍ အကြံပြုလိုသည်များရှိပါက webmaster@moea.gov.mm သို့ mail ဖြင့် ဖြစ်စေ ဖုန်း ၀၆၇၃၄၀၉၅၀၄ သို့ ရုံးချိန်အတွင်းဖြစ်စေ ဆက်သွယ်နိုင်ပါကြောင်း ဖော်ပြအပ်ပါသည်။