ကြက်ကချင်ချက် ချက်ပြုတ်နည်း

ကြက်ကချင်ချက် ချက်ပြုတ်နည်း

  • ပထမဆုံး ကြက်သားကို ရေစင်အောင်ဆေး၍ အရိုးထွင်ပြီး အတုံးလေးများဖြစ်အောင် လှီး၍ ပန်းကန်လုံးတစ်ခုထဲသို့ ထည့်ထားပါ။
  • ရှမ်းနံနံ၊ ပင်စိမ်းနှင့် ဖတ်ဖယ်ရွက်များကို ပါးပါးလှီးပါ။ ငရုတ်ဆုံထဲသို့ ကြက်သွန်ဖြူ၊ ချင်းနှင့် ကချင်ငရုတ်ကောင်းကို ညက်အောင် ထည့်ထောင်းပါ။
  • အတုံးတုံးထားသော ကြက်သားပန်းကန်ထဲသို့ ပါးပါးလှီးထားသော အရွက်များ၊ ထောင်းထားသော ကြက်သွန်နှစ်များ၊ ဆားအနည်းငယ်၊ သကြားအနည်းငယ်၊ ဆီအနည်းငယ်၊ မက်လင်ခြောက် အနည်းငယ်ထည့်၍ သမအောင် ဖိနယ်ပါ။
  • ပြီးလျှင် ငရုတ်သီးစိမ်းများကို ထက်ခြမ်းခွဲ ထည့်ပါ။ အစပ်ကြိုက်လျှင် များများထည့်နိုင်ပါသည်။
  • ဒယ်အိုးထဲသို့ ဆီထည့်ပြီး ဆီပူလာလျှင် သမအောင် နယ်ထားသော ကြက်သားများကို ထည့်ပါ။
  • ပြီးလျှင် ကြက်သွန်ထောင်းထားသော ငရုတ်ဆုံထဲသို့ ရေအနည်းငယ် ထည့်ကျင်း၍ ကျင်းရေကို ကြက်သား မြုပ်ရုံထည့်ပါ။
  • ကြက်သားနူးလျှင် ပန်းကန်ဖြင့် ထည့်၍ အပေါ်မှ နံနံပင်ဖြူးကာ သုံးဆောင်နိုင်ပါသည်။

ပါဝင်ပစ္စည်းနှင့် အချိုးအစား

ကြက်သား – ၃၀ ကျပ်သား

ကြက်သွန်ဖြူ (ဥတစ်လုံး) – ၂၀ လုံး

ချင်း – အနည်းငယ်

ကချင်ငရုတ်ကောင်း (မကျန်စေ့) – အနည်းငယ်

ရှမ်းနံနံ – ၂ စည်း

ပင်စိမ်း – အနည်းငယ်

နံနံပင် – အနည်းငယ်

ဖတ်ဖယ်ရွက် (မခေါနမ်) – အနည်းငယ်

ငရုတ်သီးစိမ်း – နှစ်သက်သလို

မက်လင်ခြောက် – အနည်းငယ်

ဆီ – ၂ ကျပ်ခွဲသား

ဆား – အနည်းငယ်

သကြား – အနည်းငယ်

www.moea.gov.mm (beta) တွင် ဖော်ပြထားသည့် အချက်အလက်များနှင့် ပတ်သက်၍ အကြံပြုလိုသည်များရှိပါက webmaster@moea.gov.mm သို့ mail ဖြင့် ဖြစ်စေ ဖုန်း ၀၆၇၃၄၀၉၅၀၄ သို့ ရုံးချိန်အတွင်းဖြစ်စေ ဆက်သွယ်နိုင်ပါကြောင်း ဖော်ပြအပ်ပါသည်။