မွန်

မွန်လူမျိုးများသည် မြန်မာနိုင်ငံတွင်းသို့ ဝင်ရောက်လာသော မျိုးနွယ်စုများအနက် အစောဆုံး အခြေချ နေထိုင်သူများဖြစ်သည်။ ရှေးခေတ် မွန်လူမျိုးတို့သည် ထေရဝါဒ ဗုဒ္ဓဘာသာအပြင် ကိုယ်ပိုင် ယဉ်ကျေးမှုများကို ဗမာလူမျိုးတို့ထံ သယ်ဆောင်လာကြသူများ ဖြစ်ကြသည်။ မွန်လူမျိုးတို့သည် သထုံနှင့် ဟံသာဝတီမင်းဆက်တို့ကို မြန်မာနိုင်ငံ အောက်ပိုင်းတွင်လည်းကောင်း၊ ဒွါရဘူရီလော့ဘူရီနှင့် အရိဘုဉ္ဇယ မင်းဆက်တို့ကို ထိုင်းနိုင်ငံတွင်လည်းကောင်း တည်ထောင်ခဲ့ကြသည်။ မွန်လူမျိုးတို့ တည်ထား ကိုးကွယ်ခဲ့သော တန်ခိုးကြီးဘုရား ၃ ဆူ ဖြစ်သည့် ရန်ကုန်မြို့ရှိ ရွှေတိဂုံဘုရား၊ မွန်ပြည်နယ်ရှိ ကျိုက်ထီးရိုးဘုရားနှင့် ပဲခူးမြို့ရှိ ရွှေမော်ဓောဘုရားတို့မှာ ထင်ရှားသည်။ ဗုဒ္ဓဘာသာဝင် မွန်လူမျိုးတို့သည် တပေါင်းလတွင် သဲပုံစေတီပွဲနှင့် တော်သလင်းလတွင် ဆွမ်းတစ်ထောင်ပွဲကို ကျင်းပကြသည်။ မွန်ပြည်နယ်၏ စက်စဲကမ်းခြေ၊ ကဗျာဝ ကမ်းခြေတို့သည် လှပပြီး အပန်းဖြေ လာရောက်လည်ပတ်သူ များပြားသည့် ကမ်းခြေများ ဖြစ်သည်။ ရွှေဟင်္သာယိမ်းနှင့် တစ်ပင်တိုင်အက တို့မှာ မွန်လူမျိုးတို့၏ အထင်ကရပွဲတော်တိုင်းတွင် ကပြကြသည့် အကများ ဖြစ်ကြသည်။ ရာဘာသည် မွန်ပြည်နယ်၏ အဓိက ထုတ်ကုန် ဖြစ်ပြီး ဒူးရင်း၊ ကြက်မောက်၊ မင်းကွတ်နှင့် ကျွဲကောသီးတို့မှာ လူကြိုက်များသော ဒေသထွက်အသီးအနှံများ ဖြစ်သည်။

လူမျိုးစုနှင့် နေထိုင်ရာဒေသများ

ရိုးရာအစားအစာများ

ရိုးရာဓလေ့ထုံးစံများ

ပွဲတော်နှင့် အထိမ်းအမှတ်နေ့များ

www.moea.gov.mm (beta) တွင် ဖော်ပြထားသည့် အချက်အလက်များနှင့် ပတ်သက်၍ အကြံပြုလိုသည်များရှိပါက wpreviewer.moea@gmail.com သို့ mail ဖြင့် ဖြစ်စေ ဖုန်း ၀၆၇၃၄၀၉၅၀၄ သို့ ရုံးချိန်အတွင်းဖြစ်စေ ဆက်သွယ်နိုင်ပါကြောင်း ဖော်ပြအပ်ပါသည်။