ကိုးကွယ်ယုံကြည်မှု
ရှမ်းပြည်နယ်နေ တိုင်းရင်းသားများအားလုံး၏ ၉၀ ရာခိုင်နှုန်းခန့်မှာ ဗုဒ္ဓဘာသာများ ဖြစ်၍ နတ်ကိုးကွယ်သူများနှင့် ခရစ်ယာန်ကိုးကွယ်သူများလည်းရှိသည်။ ဗုဒ္ဓဘာသာမှာ ဟိနယာနဂိုဏ်းဝင်များ၍ မဟာယနဆန်သော ဘုန်းကြီးများလည်း အချို့ဒေသတို့တွင် တွေ့ရှိနိုင်သည်။ ဟိနယာနပင်ဖြစ်သော်လည်း ဂိုဏ်းကွဲများစွာရှိသည်။ နတ်ကိုးကွယ် သော်လည်း အိမ်တွင် နတ်စင်ထားလေ့မရှိပေ။ ဗုဒ္ဓဘာသာဝင်ကလည်း နတ်ပူဇော်ပသမှုများ ရှိသေးသည်။
အုပ်ချုပ်မှုအစဉ်အလာ
ရှေးယခင်က ဒေသဆိုင်ရာ စော်ဘွားများရှိခဲ့ကြသည်။ စော်ဘွားများ အာဏာ စွန့်ပြီးသည်မှစ၍ ပြည်သူ့အုပ်ချုပ်ရေးအဖြစ် ပြောင်းလဲလာသည်။ ယခုအခါ တိုင်းဒေသကြီးနှင့် မြို့နယ်အလိုက် လုံခြုံရေးနှင့် အုပ်ချုပ်မှုကော်မတီများ ထားရှိ အုပ်ချုပ်သည်။ ပြည်နယ်ဦးစီးအဖွဲ့သည် အိမ်ထောင်စုတွင်မှု သက်ကြီးရွယ်အိုများကို အလေးအမြတ်ထား၍ လေးစားစွာ ဆင့်ကဲ နာခံကြသည်။
ရိုးရာယဉ်ကျေးမှု
နတ်ယုံကြည်မှု အစွဲအလန်းများ ရှိကြပြီး ဗေဒင်၊ ယတြာ၊ ဂါထာမန္တရားများကို အများအားဖြင့် လက်ခံလေ့ရှိကြသည်။ ဘာသာရေးကို အလေးအနက်ထားပြီး ဗုဒ္ဓဘာသာတရားအရ သက်ကြီးရွယ်ကြီးများကို ရိုသေလေးစားကြသည်။ လူမှုရေးပွဲများနှင့် ကောက်ပဲသီးနှံစိုက်ပျိုးချိန်၊ ရိတ်သိမ်းချိန်တို့အလိုက် နတ်ပွဲများ၊ ပျော်ပွဲများနှင့် ဘာသာရေးပွဲများ၊ ရှင်ပြုပွဲ၊ ရုပ်ပွားတော်လှူပွဲ၊ စာပေပုရပိုက်လှူပွဲသည့် ပွဲများကို အလေးထား၍ ကျင်းပလေ့ရှိသည်။
