e – Government

e-Government အကောင်အထည်ဖော်ရေးဆိုင်ရာ လုပ်ငန်းများကို ဆောင်ရွက်ရာတွင် သတင်းအချက်အလက်နည်းပညာဆိုင်ရာ လူ့စွမ်းအားအရင်းအမြစ်၊ အခြေခံအဆောက်အဦများဖွံ့ဖြိုးတိုးတက်ရေး၊ နည်းပညာအထောက်အကူဖြင့် ပြည်သူ့ဝန်ဆောင်မှုများ ပိုမို အားကောင်းလာစေရေးနှင့် ဌာန၏ သတင်းအချက်အလက်များကို ပြည်သူလူထုထံသို့ မှန်ကန်ထိရောက်စွာ မျှဝေဖြန့်ချိနိုင်ရေးတို့ကို ဦးတည် ဆောင်ရွက်လျက် ရှိရာ တိုင်းရင်းသားလူမျိုးများရေးရာဝန်ကြီးဌာန အနေဖြင့် e-Government အကောင်အထည်ဖော်ရေး လုပ်ငန်းများကို အောက်ပါအတိုင်း ဆောင်ရွက်နိုင်ခဲ့ပါသည် –

စွမ်းဆောင်ရည်မြှင့်တင်ခြင်း

၂၀၁၆ – ၂၀၁၇ ဘဏ္ဍာနှစ်။ ၂၀၁၆ ခုနှစ် ဧပြီလမှ ၂၀၁၇ ခုနှစ် မတ်လအတွင်း မတ်လအတွင်း ဌာနတွင်းကွန်ပျူတာနှင့် ရုံးလုပ်ငန်းမွမ်းမံ သင်တန်း ၁ ကြိမ်၊ EDMS (Electronic Document Management System) ဌာနတွင်း ဆင့်ပွားသင်တန်း ၁ ကြိမ်နှင့် GPMS (Government Personnel Management System) ဌာနတွင်း ဆင့်ပွားသင်တန်း ၁ ကြိမ်တို့ကို ဖွင့်လှစ်ပို့ချနိုင်ခဲ့ပါသည်။

၂၀၁၇ – ၂၀၁၈ ဘဏ္ဍာနှစ်။ ၂၀၁၇ ခုနှစ်၊ ဧပြီလမှ ၂၀၁၈ ခုနှစ် မတ်လအထိ ပို့ဆောင်ရေးနှင့် ဆက်သွယ်ရေး ဝန်ကြီးဌာနက ဖွင့်လှစ် ပို့ချပေးခဲ့သည့် ICT ကျွမ်းကျင်မှုဆိုင်ရာ သင်တန်းအမျိုးအစား ၉ ခု (၁၂ ကြိမ်) သို့ ဌာနမှ အရာထမ်း ၂ ဦးနှင့် အမှုထမ်း ၈ ဦးတို့ တက်ရောက်နိုင်ခဲ့ပါသည်။

၂၀၁၈ – ၂၀၁၉ ဘဏ္ဍာနှစ်။ ၂၀၁၈ ခုနှစ်၊ အောက်တိုဘာလမှ ၂၀၁၉ ခုနှစ် စက်တင်ဘာလအတွင်း ပို့ဆောင်ရေးနှင့် ဆက်သွယ်ရေးဝန်ကြီးဌာနမှ ဦးဆောင်ဖွင့်လှစ် ပို့ချခဲ့သည့် e-Government နှင့် ICT ဆိုင်ရာ သင်တန်းအမျိုးအစားပေါင်း ၅ မျိုး (၇ ကြိမ်) သို့ တိုင်းရင်းသားလူမျိုးများရေးရာဝန်ကြီးဌာနမှ အရာထမ်း ၃ ဦးနှင့် အမှုထမ်း ၈ ဦး၊ စုစုပေါင်း ၁၁ ဦး တက်ရောက်နိုင်ခဲ့ပါသည်။ ၂၀၁၈ ခုနှစ်၊ အောက်တိုဘာလမှ ၂၀၁၉ ခုနှစ် စက်တင်ဘာလအတွင်း ပို့ဆောင်ရေးနှင့် ဆက်သွယ်ရေးဝန်ကြီးဌာနမှ ဦးဆောင်ဖွင့်လှစ် ပို့ချခဲ့သည့် e-Government နှင့် ICT ဆိုင်ရာ သင်တန်းအမျိုးအစားပေါင်း ၁၇ ခု (၂၆ ကြိမ်) သို့ တိုင်းရင်းသားလူမျိုးများရေးရာဝန်ကြီးဌာနမှ အရာထမ်း ၈ ဦးနှင့် အမှုထမ်း ၁၀ ဦး၊ စုစုပေါင်း ၁၈ ဦး တက်ရောက်နိုင်ခဲ့ပါသည်။

၂၀၁၉ – ၂၀၂၀ ဘဏ္ဍာနှစ်။   နေပြည်တော်တွင် ပို့ဆောင်ရေးနှင့် ဆက်သွယ်ရေးဝန်ကြီးဌာန၊ သတင်းအချက်အလက်နည်းပညာနှင့် ဆိုက်ဘာလုံခြုံရေးဦးစီးဌာန၊ သင်တန်းကျောင်းတွင်ဖွင့်လှစ်ခဲ့သော e-Government နှင့် ICT သင်တန်း ၁၃ ခုသို့ အရာထမ်း ၇ ဦးနှင့် အမှုထမ်း ၁၁ ဦး စုစုပေါင်း ၁၈ ဦး  တို့တက်ရောက်နိုင်ခဲ့ပါသည်။ ထို့အပြင် ကယားပြည်နယ်၊ ကရင်ပြည်နယ်၊ ချင်းပြည်နယ်၊ စစ်ကိုင်းတိုင်းဒေသကြီး၊ မကွေးတိုင်းဒေသကြီး၊ မွန်ပြည်နယ်၊ ရခိုင်ပြည်နယ်၊ ရှမ်းပြည်နယ်၊ ဧရာဝတီတိုင် စသည့်ပြည်နယ်နှင့် တိုင်းအသီးသီးတို့တွင်လည်း အရာထမ်း ၁ ဦးနှင့် အမှုထမ်း ၁၄ ဦးတို့ကို သက်ဆိုင်ရာပြည်နယ်နှင့် တိုင်းဒေသကြီးများတွင် အစိုးရအဖွဲ့များ၏ အစီအစဉ်ဖြင့် ဖွင့်လှစ်ပို့ချခဲ့သည့် e-Government နှင့် IT သင်တန်းများသို့ စေလွှတ်တက်ရောက်စေနိုင်ခဲ့ပါသည်။

အခြေခံအဆောက်အဦများဖြည့်ဆည်းခြင်း

ရုံးစတင်ဖွင့်လှစ်စဉ်က ကျေးလက်ဦးစီးဌာနမှ Internet Access ကို မျှဝေရယူအသုံးပြုလျက် ရှိရာမှ ၂၀၁၇ – ၂၀၁၈ ဘဏ္ဍာနှစ်တွင် ဝန်ကြီးဌာနအတွက် သီးသန့် Fiber Internet Access လျှောက်ထားရယူခဲ့ပြီး၊ Server၊ Network Attached Storage -NAS နှင့် Firewall အပါအဝင် စက်ပစ္စည်းများ ဖြည့်ဆည်းခြင်းနှင့်အတူ ဝန်ကြီးဌာန Network (LAN) တည်ဆောက်ခြင်းကို စတင်ဆောင်ရွက်နိုင်ခဲ့ပါသည်။

၂၀၁၈-၂၀၁၉ ဘဏ္ဍာနှစ်တွင် ဝန်ကြီးရုံးနှင့် ဉီးစီးဌာန (ရုံးချုပ်) များအားလုံးကို လွှမ်းခြုံနိုင် မည့် အင်တာနက်ကွန်ရက် ဖြစ်စေရန် Network Cable လိုင်း တိုးချဲ့တပ်ဆင်ခြင်းကို ဆောင်ရွက်ခဲ့ပြီး Dell R740 Server တစ်လုံး အပါအဝင် လိုအပ်သော စက်ပစ္စည်းများကိုလည်း ဝယ်ယူဖြည့် ဆည်းခဲ့ပါသည်။ ထို့အပြင် အင်တာနက်အသုံးပြု ဆက်သွယ်ဆောင်ရွက်မှုများ အဆင်ပြေစေရန်အတွက် Internet Bandwidth ကို ယခင် 10 Mbps မှ 50 Mbps သို့ တိုးမြှင့်ရယူ သုံးစွဲနိုင်ခဲ့ပါသည်။ ဝန်ကြီးရုံးနှင့် ဦးစီးဌာန (ရုံးချုပ်) များအားလုံး လွှမ်းခြုံနိုင်မည့် အင်တာနက်ကွန်ရက် ဖြစ်စေရန် Network Cable လိုင်း တိုးချဲ့တပ်ဆင်ခြင်းကို ဆောင်ရွက်ခဲ့ပြီး Dell R740 Server တစ်လုံး အပါအဝင် ကွန်ပျူတာနှင့် ဆက်စပ်ပစ္စည်းများကိုလည်း ဝယ်ယူ ဖြည့်ဆည်းနိုင်ခဲ့ပါသည်။

၂၀၂၀ – ၂၀၂၁ ဘဏ္ဍာနှစ်တွင်မူ ပြည်နယ်နှင့်တိုင်းဒေသကြီးအားလုံးရှိ ညွှန်ကြားရေးမှူးရုံးများတွင် Network Access ရရှိခဲ့သည့်အပြင် ပြည်ထောင်စုဝန်ကြီးရုံးနှင့် ဦးစီးဌာနရုံးချုပ်များတွင် ယခုအခါ Internet Bandwidth ကို 140 Mbps အထိ တိုးမြှင့် အသုံးပြုနိုင်ခဲ့ပြီ ဖြစ်ပါသည်။

Application များအသုံးပြုခြင်း

၂၀၁၈ – ၂၀၁၉ ဘဏ္ဍာနှစ်တွင် Common Application များ အသုံးပြုခြင်း၊ Customized Application ရေးဆွဲ အကောင်အထည်ဖော်ခြင်းနှင့် သတင်းအချက်အလက်မျှဝေခြင်းလုပ်ငန်းများတွင် ပိုမို ထိရောက်စွာ ‌ဆောင်ရွက်နိုင်စေရန် Unicode စနစ် တစ်ပြေးညီ အသုံးပြုရေးကို e-Government ဦးဆောင် ကော်မတီ၏ လမ်းညွှန်ချက်နှင့်အညီ ဆောင်ရွက်နိုင်ခဲ့ပါသည်။ ၂၀၁၉ – ၂၀၂၀ ဘဏ္ဍာနှစ်တွင် တိုင်းရင်းသား လူမျိုးများရေးရာဝန်ကြီးဌာန၏ ရုံးကိစ္စများအတွက် သီးခြား အသုံးပြုနိုင်စေရန် ဝန်ကြီးဌာနပိုင် Webmail Account ၈၄ ခု သတ်မှတ် ဖြန့်ဝေခဲ့ပြီး ဝန်ကြီးဌာနအတွင်းအပြင် ဆက်သွယ်မှုများအတွက် အသုံးပြုနိုင်ခဲ့ပါသည်။

သတင်းအချက်အလက်စီမံခန့်ခွဲခြင်း

၂၀၁၈ – ၂၀၁၉ ဘဏ္ဍာနှစ်မှ ယနေ့အထိ ဝန်ကြီးဌာန၏ Facebook စာမျက်နှာ (Ministry of Ethnic Affairs Myanmar) နှင့် Website (moea.gov.mm) တို့တွင် ဝန်ကြီးဌာန၏ လုပ်ငန်းဆောင်ရွက်ချက်များ၊ သတင်းများနှင့် တိုင်းရင်းသားလူမျိုးများနှင့် သက်ဆိုင် သည့် အချက်အလက်များကို အချိန်နှင့်တစ်ပြေးညီ ဖော်ပြနိုင်ခဲ့သည်။

၂၀၂၀ – ၂၀၂၁ ဘဏ္ဍာနှစ် တွင်ဝန်ကြီးဌာနမှ ထွက်စာများအား ဌာနတွင်း NAS (Network Attached Storage) တွင် digital format အဖြစ် ပြောင်းလဲ သိမ်းဆည်းခြင်းလုပ်ငန်းကို ပြည်ထောင်စုဝန်ကြီးရုံးရှိ ဌာနခွဲ ၂ ခုတွင် ကျင့်သုံး အသုံးပြုနိုင်ခဲ့ပြီး ယင်းဌာနများ၏ ထွက်စာများကို ရုံးတွင်း LAN မှလည်းကောင်း၊ ရုံးပြင်ပမှ internet access ဖြင့်လည်းကောင်း လက်ခံရယူခြင်းနှင့် ဖတ်ရှု စစ်ဆေးခြင်းများကို ဆောင်ရွက်နိုင်ပြီ ဖြစ်ပါသည်။

www.moea.gov.mm (beta) တွင် ဖော်ပြထားသည့် အချက်အလက်များနှင့် ပတ်သက်၍ အကြံပြုလိုသည်များရှိပါက webmaster@moea.gov.mm သို့ mail ဖြင့် ဖြစ်စေ ဖုန်း ၀၆၇၃၄၀၉၅၀၄ သို့ ရုံးချိန်အတွင်းဖြစ်စေ ဆက်သွယ်နိုင်ပါကြောင်း ဖော်ပြအပ်ပါသည်။