• 20 July 2023
• ရှမ်းပြည်နယ်

မဲခေါင်လန်ချန်းပူးပေါင်းဆောင်ရွက်မှု အထူးရန်ပုံငွေဖြင့် ဆောင်ရွက်မည့် “ရှမ်းပြည်နယ် တိုင်းရင်းသားရေးရာနှင့် သက်မွေးပညာသင်တန်းစင်တာ”ရှိ  ထမင်းစားဆောင်နှင့် အလုပ်ရုံ အဆောက်အဦ ပန္နက်တင် မင်္ဂလာအခမ်းအနားကို (၁၂-၇-၂၀၂၃)ရက်နေ့၊ နံနက် (၈:၀၀)တွင် ရှမ်းပြည်နယ်၊ တောင်ကြီးမြို့နယ်၊ အေးသာယာမြို့၊ အမှတ်(၂)ရပ်ကွက်၊ ခပေါင်းရေကြည်ရပ်၌ ကျင်းပပြုလုပ်ခဲ့ရာ အခမ်းအနားသို့ ရှမ်းပြည်နယ် ဝန်ကြီးချုပ် ဦးအောင်ဇော်အေး၊ ရှမ်းပြည်နယ် တရားလွှတ်တော် တရားသူကြီးချုပ် ဦးသန်းဦးလွင်၊ ရှမ်းပြည်နယ်တိုင်းရင်းသားရေးရာဝန်ကြီး ဦးအောင်ကြည်ဝင် းနှင့် ရှမ်းပြည်နယ်အစိုးရအဖွဲ့ဝင်ဝန်ကြီးများ၊ မြန်မာနိုင်ငံဆိုင်ရာ တရုတ် ပြည်သူ့သမ္မတနိုင်ငံသံရုံးမှ Deputy Chief of Mission, Ms. Cao Jeng နှင့်တာဝန်ရှိသူများ၊ တိုင်းရင်းသားအခွင့် အရေးများ ကာကွယ်စောင့်ရှောက်ရေးဦးစီးဌာန ညွှန်ကြားရေးမှူးချုပ်နှင့် တာဝန်ရှိသူများ၊ နိုင်ငံခြားရေးဝန်ကြီးဌာန၊ မဲခေါင်-လန်ချန်း ပူးပေါင်းဆောင်ရွက်မှု ပူးပေါင်း ညှိနှိုင်းရေး အဖွဲ့(မြန်မာ)မှ တာဝန်ရှိသူများ၊ ပြည်နယ်အဆင့်ဌာန ဆိုင်ရာများ၊ တိုင်းရင်းသားစာပေနှင့် ယဉ်ကျေးမှု အသင်း/အဖွဲ့/ ကော်မတီများမှ ကိုယ်စားလှယ်များ တက်ရောက်ခဲ့ကြပါသည်။ အခမ်းအနားတွင် ရှမ်းပြည်နယ်၊ ဝန်ကြီးချုပ် ဦးအောင်ဇော်အေးက ရှမ်းပြည်နယ် တိုင်းရင်းသားရေးရာနှင့် သက်မွေးပညာသင်တန်းစင်တာ နှစ်ထပ်အဆောက်အဦကို မဲခေါင်-လန်ချန်း ပူးပေါင်းဆောင်ရွက်မှု အထူးရန်ပုံငွေ (၂၀၂၁) အထောက်အပံ့ဖြင့် ဆောက် လုပ်ခဲ့ပြီး ၁၀၀ ရာခိုင်နှုန်း ပြီးစီးပြီး ဖြစ်ပါကြောင်း၊ နိုင်ငံတော်စီမံအုပ်ချုပ်ရေးကောင်စီ ဥက္ကဋ္ဌ၏ လမ်းညွှန်ချက်ဖြင့် လေးထပ်အဆောက်အဦ တိုးမြှင့်ရန်အတွက် နိုင်ငံတော်ဘဏ္ဍာရန်ပုံငွေကျပ် (၇၈၅.၇၃၅) သန်းဖြင့် တင်ဒါအောင်မြင်သည့် မိုးယံဝင့်ချီကုမ္ပဏီလိမိတက်က တာဝန်ယူတည်ဆောက်သွားမှာ ဖြစ်ပါကြောင်း၊ မဲခေါင်-လန်ချန်း ပူးပေါင်းဆောင်ရွက်မှု အထူးရန်ပုံငွေ (၂၀၂၁)၏  ကျန်ငွေဖြစ်သည့် ကျပ်(၉၀.၂၃၈)သန်းဖြင့် စင်တာအဆောက်အဦအတွက် ဖြည့်စွက်လုပ်ငန်းများကို ဆောင်ရွက်သွားမှာ ဖြစ်ပါကြောင်း၊ မဲခေါင်-လန်ချန်း ပူးပေါင်းဆောင်ရွက်မှု အထူးရန်ပုံငွေ (၂၀၂၂) ၏ ထောက်ပံ့ရန်ပုံငွေ ကျပ် (၅၃၉.၅၁၅) သန်းဖြင့် ရှမ်းပြည်နယ် တိုင်းရင်းသားရေးရာနှင့် သက်မွေး ပညာသင်တန်းစင်တာ၏ ဖြည့်စွက်လုပ်ငန်းများ ဖြစ်သည့် ကားပါကင်၊  ကွန်ကရစ်လမ်း၊ အုတ်ရေမြောင်း၊ အုတ်ပလက်ဖောင်း၊ အုတ်တံတိုင်းကာရံခြင်း၊ အဝီစိတွင်းတူးဖော်ခြင်း၊ အလုပ်ရုံ အဆောက်အဦနှင့် ထမင်းစားဆောင်ဆောက်လုပ်ခြင်း စသည့်လုပ်ငန်းများကိုလည်း ဆောင်ရွက် သွားမှာ ဖြစ်ပါကြောင်း၊ စင်တာပါ ဆောက်လုပ်ရေးလုပ်ငန်းများကို ၂၀၂၃ ခုနှစ် ဒီဇင်ဘာတွင် အပြီးသတ်ရန် တွန်းအားပေး ဆောင်ရွက်သွားမှာဖြစ်ပြီး  ၂၀၂၄ ခုနှစ် ရှမ်းပြည်နယ်နေ့တွင် စင်တာ ဖွင့်ပွဲနှင့်အတူ သက်မွေးသင်တန်းများကိုလည်း စတင်ဖွင့်လှစ်သွားရန် စီစဉ်ထားရှိပါကြောင်း ပြောကြားခဲ့ပါသည်။ ဆက်လက်ပြီး မြန်မာနိုင်ငံဆိုင်ရာ တရုတ်ပြည်သူ့သမ္မတနိုင်ငံသံရုံးမှ Deputy Chief of Mission, Ms. Cao Jeng က“ရှမ်းပြည်နယ် တိုင်းရင်းသားရေးရာနှင့် သက်မွေးပညာသင်တန်းစင်တာ” မှ ရှမ်းပြည်နယ်နေ ပြည်သူများအတွက် အသက်မွေးဝမ်းကျောင်းပညာ စွမ်းရည် လေ့ကျင့်မှုပေးပြီး ပိုမိုကောင်းမွန်စွာ လုပ်ငန်းခွင်ဝင်နိုင်ကာ လူနေမှုဘဝကောင်းမွန်လာစေရန်နှင့် လူမျိုးစုများ ကူးလူးဖလှယ်ရေးအတွက် ပလက်ဖောင်း ထောက်ပံ့ပေးကာ အပြန်အလှန် နားလည်ယုံကြည်မှုနှင့် ပေါင်းစပ်ဖလှယ်မှုကို မြှင့်တင်ပေးနိုင်ကြောင်း ပြောကြားခဲ့ပါသည်။ထို့နောက် ရှမ်းပြည်နယ် ဝန်ကြီးချုပ် ဦးအောင်ဇော်အေးက မြန်မာနိုင်ငံဆိုင်ရာ တရုတ် ပြည်သူ့သမ္မတနိုင်ငံသံရုံးမှ Deputy Chief of Mission, Ms. Cao Jeng အား အမှတ်တရ လက်ဆောင်ပစ္စည်း ပေးအပ်ပြီး မှတ်တမ်းတင်ဓါတ်ပုံများ ရိုက်ကူးခဲ့ကြပါသည်။ဆက်လက်ပြီး ပန္နက်တင်မင်္ဂလာအခမ်းအနားကျင်းပရာ ထမင်းစားဆောင်နှင့် အလုပ်ရုံ အဆောက်အဦတို့ကို ရှမ်းပြည်နယ် ဝန်ကြီးချုပ် ဦးအောင်ဇော်အေး၊ ရှမ်းပြည်နယ် တရား လွှတ်တော် တရားသူကြီးချုပ် ဦးသန်းဦးလွင်၊ မြန်မာနိုင်ငံဆိုင်ရာ တရုတ်ပြည်သူ့သမ္မတနိုင်ငံ သံရုံးမှ Deputy Chief of Mission, Ms. Cao Jeng ၊ ရှမ်းပြည်နယ် တိုင်းရင်းသားရေးရာဝန်ကြီး ဦးအောင်ကြည်ဝင်း၊ တိုင်းရင်းသားအခွင့်အရေးများကာကွယ်စောင့်ရှောက်ရေးဦးစီးဌာန ညွှန်ကြား ရေးမှူးချုပ် ဦးမင်းအေးကိုတို့က မင်္ဂလာပန္နက်တိုင်များတွင် ပန္နက်ရိုက်၍ အမွှေးနံ့သာရည်များ ပက်ဖျန်းခဲ့ကြပြီးနောက် အဆောက်အဦအား လှည့်လည်ကြည့်ရှုခဲ့ကြပါသည်။ထို့နောက် တိုင်းရင်းသားအခွင့်အရေးများကာကွယ်စောင့်ရှောက်ရေးဌာန ညွှန်ကြားရေးမှူးချုပ် ဦးမင်းအေးကိုက မြန်မာနိုင်ငံဆိုင်ရာ တရုတ်ပြည်သူ့သမ္မတနိုင်ငံသံရုံးမှ Deputy Chief of Mission, Ms. Cao Jeng အား “ရှမ်းပြည်နယ် တိုင်းရင်းသားရေးရာနှင့်သက်မွေးပညာသင်တန်း စင်တာ” တည်ဆောက်ရေးလုပ်ငန်းများနှင့် စပ်လျဉ်း၍ ရှင်းလင်းတင်ပြခဲ့ပြီး နံနက်(၁၀:၀၀)တွင် အခမ်းအနားကို အောင်မြင်စွာရုတ်သိမ်းခဲ့ပါသည်။

• 13 July 2023
• တနင်္သာရီ

တိုင်းရင်းသားစာပေ၊ ယဉ်ကျေးမှုနှင့် လူမှုစီးပွားဖွံ့ဖြိုးရေးဆိုင်ရာတွေ့ဆုံဆွေးနွေးပွဲ ဖွင့်ပွဲ အခမ်းအနားနှင့် တိုင်းရင်းသားဘာသာကျောင်းသုံးပုံနှိပ်စာအုပ်ပေးအပ်ပွဲ အခမ်းအနားကို ဇူလိုင်လ (၄)ရက်နေ့ နံနက်ပိုင်းက ထားဝယ်မြို့၊ တိုင်းရင်းသားလူမျိုးများရေးရာဝန်ကြီးဌာန၊ တနင်္သာရီတိုင်းဒေသကြီး၊ ညွှန်ကြားရေးမှူးရုံး၌ ကျင်းပခဲ့ပါသည်။အခမ်းအနားတွင် တိုင်းဒေသကြီးဝန်ကြီးချုပ် ဦးမြတ်ကိုက တိုင်းရင်းသားစာပေ၊ ယဉ်ကျေးမှုနှင့် လူမှုစီးပွားဖွံ့ဖြိုးရေးဆိုင်ရာ တွေ့ဆုံဆွေးနွေးပွဲသည် တိုင်းရင်းသားဒေသရှိ လိုအပ်ချက်များ ပွင့်လင်းမြင်သာစွာတင်ပြဆွေးနွေးနိုင်ရန်နှင့် လိုအပ်သည်များကို သက် ဆိုင်ရာဌာနများနှင့် ချိတ်ဆက်ညှိနှိုင်းဆောင်ရွက်ရန်လိုအပ်ပါကြောင်း၊ တိုင်းရင်းသားဒေသရှိလိုအပ်ချက်များကို ဖြည့်ဆည်းဆောင်ရွက်ပေးနိုင်ပြီး လူမှုစီးပွားဘဝများမြင့်မားတိုးတက်လာစေရန် ရည်ရွယ်၍ ဆောင်ရွက်ခြင်းဖြစ်သည့်အတွက် အလွန်ကောင်းမွန်ပြီး ယခုတွေ့ဆုံဆွေးနွေးပွဲတွင် တနင်္သာရီတိုင်းဒေသကြီးအတွင်းရှိ ဒေသအသီးသီးမှ ကရင်၊မွန်၊ထားဝယ်နှင့်မော်ကယ်(ဆလုံ)တိုင်းရင်းသားကိုယ်စားလှယ်များစုံလင်စွာတွေ့ရသည့်အတွက်ဝမ်းသာပီတိဖြစ်ရပါကြောင်း၊တိုင်းဒေသကြီးအစိုးရအဖွဲ့အနေဖြင့် တိုင်းရင်း သားများ၏ ယဉ်ကျေးမှု မြှင့်တင်ရေးဆိုင်ရာလုပ်ငန်းများနှင့် လူမှုစီးပွားဖွံ့ဖြိုးတိုးတက်ရေးဆိုင်ရာလုပ်ငန်းများအတွက် အဘက်ဘက် မှ ဆောင်ရွက်ပေးလျက်ရှိပါကြောင်း ပြောကြားခဲ့ပါသည်။ထို့နောက် တနင်္သာရီတိုင်းဒေသကြီး ပညာရေးမှူးရုံး ညွှန်ကြားရေးမှူး ဦးဝင်းနောင်က ပညာရေးဝန်ကြီးဌာနမှထုတ်ဝေသည့် တိုင်းရင်းသားဘာသာကျောင်းသုံးပုံနှိပ်စာအုပ်များ ဖြန့်ဝေခြင်းကိစ္စနှင့်စပ်လျဉ်း၍လည်းကောင်း၊ တိုင်းဒေသကြီး တိုင်းရင်းသားရေးရာ ကော်မတီ ဒုတိယဥက္ကဌ ဦးတင့်လွင်က တိုင်းရင်းသားစာပေ၊ယဉ်ကျေးမှုနှင့် လူမှုစီးပွားဖွံ့ဖြိုးရေးဆိုင်ရာ တွေ့ဆုံဆွေးနွေးပွဲနှင့်စပ်လျဉ်း၍လည်းကောင်းရှင်းလင်းဆွေးနွေးပြောကြားပြီးတိုင်းဒေသကြီးဝန်ကြီးချုပ်က ပညာရေးဝန်ကြီးဌာနမှ ထုတ်ဝေသည့် တိုင်း ရင်းသားဘာသာကျောင်းသုံးပုံနှိပ်စာအုပ်များအား တိုင်းရင်းသားကိုယ်စားလှယ်များထံ ပေးအပ်ကာ တက်ရောက်လာကြသူများနှင့် စုပေါင်းမှတ်တမ်းဓါတ်ပုံ ရိုက်ကူးခဲ့ကြကြောင်း သတင်းရရှိ သည်။

• 13 July 2023
• တနင်္သာရီ

တိုင်းရင်းသားများအား ဥပဒေဆိုင်ရာအသိပညာဗဟုသုတများ ရရှိစေရန်ရည်ရွယ်၍ ဥပဒေအသိပညာပေးဟောပြောပွဲအခမ်းအနားကို ဇူလိုင်လ (၆) ရက်နေ့နံနက်ပိုင်းကထားဝယ်မြို့၊ တိုင်းရင်းသားလူမျိုးများရေးရာဝန်ကြီးဌာန၊ တနင်္သာရီတိုင်းဒေသကြီး ညွှန်ကြားရေးမှူးရုံး၌ ကျင်းပပြုလုပ်ခဲ့ပါသည်။အခမ်းအနားတွင် တိုင်းရင်းသားရေးရာဝန်ကြီး ဦးစောမာတင်လူသာက တိုင်းရင်းသားများအား ဥပဒေ ဆိုင်ရာအသိပညာများ ကျယ်ကျယ်ပြန့်ပြန့်သိရှိစေရန်နှင့် လူမှုစီးပွားဘဝများ မြင့်မားတိုးတက်လာစေရန် အတွက် ဥပဒေဆိုင်ရာသိမှတ်ဖွယ်ရာများကို လာရောက်ပို့ချပေးပါသော တိုင်းဒေသကြီးဥပဒေချုပ်ရုံးမှဥပဒေပညာရှင်များအား အထူးပင်ကျေးဇူးတင်ရှိပါကြောင်း၊ တိုင်းရင်းသားကိုယ်စားလှယ်များကလည်း စိတ်ပါဝင်စားစွာ တက်ရောက်ကြသည့်အတွက် ဝမ်းသာပီတိဖြစ်ရပါကြောင်း၊ ဆွေးနွေးပွဲမှ ရရှိလာသည့် အသိပညာဗဟုသုတများကို  မိမိတို့ရပ်ရွာ၊ မိမိတို့ဒေသရှိ  တိုင်းရင်းသားလူမျိုးများအား ပြန်လည်မျှဝေပြီး နိုင်ငံ့အကျိုးအတွက် ဝိုင်းဝန်းကြိုးပမ်းဆောင်ရွက်ကြရန် လိုအပ်ပါကြောင်း ပြောကြားခဲ့ပါသည်။ဆက်လက်ပြီး ဆွေးနွေးပွဲတွင် ဖွဲ့စည်းပုံအခြေခံဥပဒေ (၂၀၀၈) ခုနှစ်၊ တစ်လင်တစ်မယားစနစ်ကျင့်သုံးခြင်း ဆိုင်ရာဥပဒေ၊ ရာဇသတ်ကြီး၊ ဥပဒေဆိုင်ရာသိမှတ်ဖွယ်ရာနှင့်အထွေထွေ၊ တိုင်းရင်းသားလူမျိုးများ၏ အခွင့်အရေးကာကွယ်စောင့်‌ရှောက်သည့်ဥပဒေ၊ လယ်ယာမြေဥပဒေ၊ မူးယစ်ဆေးဝါးနှင့်စိတ်ကိုပြောင်းလဲ စေသော ဆေးဝါးများဆိုင်ရာဥပဒေ စသည့်အကြောင်းအရာများကို ဥပဒေပညာရှင်များမှ ဟောပြောပို့ချ ခဲ့ကြပါသည်။ ထို့နောက် တက်ရောက်လာသည့် တိုင်းရင်းသားများမှ သိရှိလိုသည်များကိုမေးမြန်းဆွေးနွေးခဲ့ကြပြီးဥပဒေပညာရှင်များက ပြန်လည်ဖြေကြားပေးခဲ့ပါသည်။ ၎င်းနောက် တက်ရောက်လာကြသူများနှင့် စုပေါင်းမှတ်တမ်းဓါတ်ပုံရိုက်ကူးပြီး အခမ်းအနားကို ရုပ်သိမ်းခဲ့ကြောင်း သတင်းရရှိပါသည်။

• 11 July 2023
• နေပြည်တော်

၂၀၂၃-၂၀၂၄ ဘဏ္ဍာရေးနှစ်တွင် နိုင်ငံတော်ဘဏ္ဍာရန်ပုံငွေ၊ မဲခေါင် - လန်ချန်း ပူးပေါင်းဆောင်ရွက်မှု အထူးရန်ပုံငွေ (၂၀၂၁၊ ၂၀၂၂) တို့ဖြင့် ရှမ်းပြည်နယ်တိုင်းရင်းသားရေးရာနှင့်သက်မွေးပညာသင်တန်း စင်တာစီမံကိန်းပါ ဆောက်လုပ်ရေးလုပ်ငန်းများ ဆောင်ရွက်နိုင်ရန်အတွက်  တိုင်းရင်းသားလူမျိုးများရေးရာဝန်ကြီးဌာန၊ တိုင်းရင်းသားအခွင့်အရေးများကာကွယ်စောင့်ရှောက်ရေးဦးစီးဌာနနှင့် မိုးယံဝင့်ချီ ကုမ္ပဏီလိမိတက်တို့အကြား လုပ်ငန်းအပ်နှံခြင်းသဘောတူစာချုပ်ချုပ်ဆိုသည့် အခမ်းအနားကို ၅-၇-၂၀၂၃ ရက်နေ့၊ နံနက် (၁၀ : ၀၀) နာရီအချိန်တွင် တိုင်းရင်းသားလူမျိုးများရေးရာဝန်ကြီးဌာန၊ ဝန်ကြီးရုံး အစည်းအဝေးခန်းမ၌ ကျင်းပပြုလုပ်ခဲ့ပါသည်။ ပထမဦးစွာ တိုင်းရင်းသားလူမျိုးများရေးရာဝန်ကြီးဌာန၊ ပြည်ထောင်စုဝန်ကြီး Jeng Phang နော်တောင်က အဖွင့်အမှာစကားပြောကြားရာတွင် ရှမ်းပြည်နယ် တိုင်းရင်းသားရေးရာနှင့်သက်မွေး ပညာသင်တန်းစင်တာစီမံကိန်းပါ ဆောက်လုပ်ရေးလုပ်ငန်းများ ဆောင်ရွက်နိုင်ရန်အတွက် တင်ဒါအောင်မြင်သည့် မိုးယံဝင့်ချီကုမ္ပဏီလိမိတက်အတွက် ဂုဏ်ယူဝမ်းမြောက်မိပါကြောင်း၊ တည်ဆောက်ရေး လုပ်ငန်းများဆောင်ရွက်ရာတွင် အရည်အသွေးပြည့်မီစွာဆောင်ရွက်ရန် လိုအပ်ပါကြောင်း၊ နိုင်ငံတော် စီမံအုပ်ချုပ်ရေးကောင်စီဥက္ကဋ္ဌ၏ လမ်းညွှန်ချက်အရ ယခုအဆောက်အဦသည် နှစ်ထပ်အဆောက်အဦမှ လေးထပ်အ‌ဆောက်အဦအဖြစ်သို့ တိုးမြှင့်ဆောက်လုပ်မည်ဖြစ်ပါကြောင်း၊ အဆောက်အဦကို ဆောက်လုပ်ရာတွင် အရည်အသွေးပြည့်မီစွာနှင့် အချိန်မီပြီးစီးအောင် ဆောက်လုပ်ရန် လိုအပ်ပါကြောင်း မှာကြား ခဲ့ပါသည်။ ဆက်လက်၍ ဒုတိယဝန်ကြီး ဦးဇော်အေးမောင်မှ အမှာစကားပြောကြားရာတွင် တည်ဆောက်ရေးလုပ်ငန်းများ တင်ဒါဗဟိုကော်မတီဥက္ကဋ္ဌအနေဖြင့် တင်ဒါအောင်မြင်သည့် မိုးယံဝင့်ချီကုမ္ပဏီလိမိတက်အတွက် ဝမ်းသာပါကြောင်း၊ တင်ဒါလုပ်ငန်းစဉ်များကို အဂတိတရားကင်းရှင်းစွာဆောင်ရွက်ခဲ့ပြီး ကောင်းမွန်သည့် ကုမ္ပဏီကို ရွေးချယ်နိုင်ခဲ့သည်ဟု ယူဆပါကြောင်း၊ ယခုအဆောက်အဦသည် နိုင်ငံတော်ဘဏ္ဍာရန်ပုံငွေနှင့် မဲခေါင်-လန်ချန်းပူးပေါင်းဆောင်ရွက်မှုအထူးရန်ပုံငွေဖြင့် ဆောင်ရွက်သည့် စီမံကိန်းဖြစ်သောကြောင့် မိမိတို့ဝန်ကြီးဌာနနှင့် နိုင်ငံတော်အတွက် အရေးကြီးပါကြောင်း၊ ယခင်နှစ်ထပ်အဆောက်အအုံကို မိုးယံဝင့်ချီကုမ္ပဏီမှပင် ဆောက်လုပ်ခဲ့သည်ဖြစ်သောကြောင့် ယခုဆက်လက်ဆောင်ရွက်မည့် လုပ်ငန်းများအတွက်လည်း အကောင်းဆုံးဖြစ်မည်ဟု မျှော်လင့်ပါကြောင်းပြောကြားခဲ့ပါသည်။ ထို့နောက် မိုးယံဝင့်ချီကုမ္ပဏီလိမိတက်မှ မန်နေးဂျင်းဒါရိုက်တာ ဦးမြတ်ဟိန်းတိုးက ကျေးဇူးတင်စကားပြောကြားခဲ့ပါသည်။  ဆက်လက်၍ တိုင်းရင်းသားအခွင့်အရေးများကာကွယ်စောင့်ရှောက်ရေးဦးစီးဌာနမှ တာဝန်ရှိသူများနှင့် မိုးယံဝင့်ချီကုမ္ပဏီလိမိတက်မှ တာဝန်ရှိသူတို့သည် လုပ်ငန်းအပ်နှံခြင်း သဘောတူစာချုပ်များကို ပြည်ထောင်စုဝန်ကြီးနှင့် ဒုတိယဝန်ကြီးတို့၏ ရှေ့မှောက်တွင် လက်မှတ်ရေးထိုးချုပ်ဆိုခဲ့ပြီးနောက် စာချုပ်များကို ပေးအပ်ခဲ့ကြောင်း သိရှိရပါသည်။ 

• 04 July 2023
• ဧရာဝတီ

တိုင်းရင်းသားအခွင့်အရေးများကာကွယ်စောင့်ရှောက်ရေးဦးစီးဌာန၊ ဧရာဝတီတိုင်းဒေသကြီး၊ ညွှန်ကြားရေးမှူးရုံးက ဉီးဆောင်၍ “တိုင်းရင်းသားအခွင့်အရေးဆိုင်ရာ အသိပညာပေးဟောပြောခြင်းနှင့် ရပ်ရွာအခြေပြုအသက်မွေးဝမ်းကျောင်း ပညာလိုအပ်ချက်တို့ကို ဆန်းစစ်စီမံခြင်းအစီအစဉ်”ကို ၂၀၂၃ ခုနှစ်၊ ဇွန်လ ၂၄ ရက်နေ့တွင် ဧရာဝတီတိုင်းဒေသကြီး၊ လပွတ္တာခရိုင်၊ မော်လမြိုင်ကျွန်းမြို့၊ မြို့နယ် အထွေထွေအုပ်ချုပ်ရေးဦးစီးဌာန၊ အစည်းအဝေးခန်းမ၌ ကျင်းပပြုလုပ်ခဲ့ပါသည်။ အခမ်းအနားတွင် တိုင်းရင်းသားရေးရာဝန်ကြီး ဦးစောလင်းခယ်က အဖွင့်အမှာစကား ပြောကြား ခဲ့ပြီး လပွတ္တာခရိုင်အုပ်ချုပ်ရေးမှူး ဦးဇော်မျိုးညွန့်က မိတ်ဆက်စကားပြောကြားခဲ့ပါသည်။ ဆက်လက်၍ တိုင်းရင်းသားအခွင့်အရေးများကာကွယ်စောင့်ရှောက်ရေးဦးစီးဌာန၊ ဧရာဝတီတိုင်းဒေသကြီး၊ ညွှန်ကြား ရေးမှူးရုံးမှ ဒုတိယညွှန်ကြားရေးမှူး ဒေါ်စန်းက ဝန်ကြီးဌာနပေါ်ပေါက်လာပုံ၊ တိုင်းရင်းသားလူမျိုးများ ၏အခွင့်အရေးကာကွယ်စောင့်ရှောက်သည့် ဥပဒေ၊ နည်းဥပဒေများအကြောင်း၊ စစ်တမ်းကောက်ယူရ သည့် ရည်ရွယ်ချက်တို့ကိုလည်းကောင်း၊ လူမှုဝန်ထမ်းဦးစီးဌာန၊ တိုင်းဦးစီးမှူးရုံးမှ ဒုတိယညွှန်ကြားရေး မှူး ဒေါ်မိုးမိုးမင်းက အမျိုးသမီးအခွင့်အရေး၊ ကလေးသူငယ်အခွင့်အရေး၊ မသန်စွမ်းအခွင့်အရေးများနှင့် လူမှုရေးရာကိစ္စရပ်များကိုလည်းကောင်း၊ တိုင်းရင်းသားစာပေနှင့်ယဉ်ကျေးမှုဦးစီးဌာန၊ ဧရာဝတီတိုင်း ဒေသကြီး၊ ညွှန်ကြားရေးမှူးရုံးမှ လက်ထောက်ညွှန်ကြားရေးမှူး နန့်အေးအေးအောင်က ဦးစီးဌာန၏ လုပ်ငန်းဆောင်ရွက်ချက်များနှင့် TA/LT ခန့်ထားခြင်းဆိုင်ရာကိစ္စရပ်များကိုလည်းကောင်း အသိပညာ ပေးဟောပြောခဲ့ပါသည်။ ထို့နောက် တိုင်းရင်းသားအခွင့်အရေးများကာကွယ်စောင့်ရှောက်ရေးဦးစီးဌာန၊ ဧရာဝတီတိုင်း ဒေသကြီး၊ ညွှန်ကြားရေးမှူးရုံးမှ ဦးစီးအရာရှိ ဦးမြင့်မောင်မောင်က နိုင်ငံသားအခွင့်အရေး၊ တိုင်းရင်းသား များ၏ ဝိသေသရှေ့ဆောင် စကားလုံးများမှန်ကန်စွာ ရေးသွင်းဆောင်ရွက်နိုင်ရေး၊ အမုန်းစကားနှင့် အကြမ်းဖက်မှုဖြစ်စေရန် လှုံ့ဆော်မှုကို တားဆီးရေးဆိုင်ရာကိစ္စရပ်များ၊ လူမျိုးပြုန်းတီးမှု တားဆီးရေးနှင့် ပြစ်ဒဏ်ပေးရေး နိုင်ငံတကာသဘောတူစာချုပ်ပါ လိုက်နာဆောင်ရွက်ရန် အချက်များကို ရှင်းလင်း ပြောကြားခဲ့ပြီး စိုက်ပျိုးရေးဦးစီးဌာန၊ မော်လမြိုင်ကျွန်းမြို့နယ်ဦးစီးမှူး ဦးမောင်မောင်သွင်က စပါးသီးနှံ အထွက်တိုးစေရေးနှင့် ပိုးမွှားရောဂါကာကွယ်ရေးဆိုင်ရာ ကိစ္စရပ်များကိုလည်းကောင်း၊ မွေးမြူရေးနှင့် ကုသရေးဦးစီးဌာန၊ မော်လမြိုင်ကျွန်းမြို့နယ်ဦးစီးမှူး ဒေါက်တာဖြူဖြူဝင်းက တိုင်းရင်းကြက်မွေးမြူရေး နည်းစနစ်များကိုလည်းကောင်း အသိပညာပေးဟောပြောခဲ့ပါသည်။ ထို့နောက် တိုင်းရင်းသားအခွင့်အရေးများကာကွယ်စောင့်ရှောက်ရေးဦးစီးဌာန၊ ဧရာဝတီတိုင်း ဒေသကြီး၊ ညွှန်ကြားရေးမှူးရုံးမှ ဒုတိယညွှန်ကြားရေးမှူး ဦးဆောင်၍ ရပ်ရွာအခြေပြု အသက်မွေးဝမ်း ကျောင်းပညာ လိုအပ်မှုဆန်းစစ်ချက်စစ်တမ်းများကို ကောက်ယူခဲ့ရာ ဒေသခံတိုင်းရင်းသား (၉၂)ဦးတို့မှ ဖြေဆိုခဲ့ကြပြီး တက်ရောက်လာကြသူများအား တိုင်းရင်းသားလူမျိုးများ၏အခွင့်အရေးကာကွယ်စောင့် ရှောက်သည့် ဥပဒေ၊ နည်းဥပဒေများစာအုပ်များ၊ လက်ကမ်းစာစောင်များနှင့် အမှတ်တရ လက်ဆောင် ပစ္စည်းများပေးအပ်ခဲ့ပြီးနောက် အခမ်းအနားကို ရုတ်သိမ်းခဲ့ပါသည်။ အခမ်းအနားသို့ မြို့နယ်ကရင် စာပေနှင့်ယဉ်ကျေးမှုကော်မတီဝင်များလည်း တက်ရောက်ခဲ့ကြပါသည်။

• 04 July 2023
• ကရင်ပြည်နယ်

တိုင်းရင်းသားအခွင့်အရေးများကာကွယ်စောင့်ရှောက်ရေးဦးစီးဌာန၊ ကရင်ပြည်နယ် ညွှန်ကြား ရေးမှူးရုံးက ဦးစီး၍  တိုင်းရင်းသားအခွင့်အရေးဆိုင်ရာအသိပညာပေးဟောပြောခြင်းနှင့် ရပ်ရွာ အခြေပြုအသက်မွေးဝမ်းကျောင်းပညာလိုအပ်ချက်တို့ကို ဆန်းစစ်စီမံ ခြင်းအစီအစဉ်ကို ၂၇-၆-၂၀၂၃ ရက်နေ့တွင် ကရင်ပြည်နယ်၊ ဘားအံမြို့နယ်၊ အိန္ဒုစံပြကျေးရွာ၌ ကျင်းပပြုလုပ်ခဲ့ပါသည်။  အခမ်းအနားတွင် တိုင်းရင်းသားအခွင့်အရေးများကာကွယ်စောင့်ရှောက်ရေးဦးစီးဌာန၊ ကရင် ပြည်နယ်၊ ညွှန်ကြားရေးမှူးရုံးမှ ဒုတိယညွှန်ကြားရေးမှူး၊ ဦးကျော်စိုးက  တိုင်းရင်းသားလူမျိုးများ၏ အခွင့်အရေးကာကွယ်စောင့်ရှောက်သည့်  ဥပဒေ၊ နည်းဥပဒေများ၊ ဝန်ကြီးဌာန၏ ရှေ့လုပ်ငန်းစဉ်များ၊ မဟာဗျူဟာများနှင့်ပတ်သက်၍လည်းကောင်း၊  တိုင်းရင်းသားစာပေနှင့် ယဉ်ကျေးမှုဦးစီးဌာန၊ ကရင် ပြည်နယ်၊ ညွှန်ကြားရေးမှူးရုံးမှ လက်ထောက်ညွှန်ကြားရေးမှူး ဦးမိုင်းညီသောင်းစိန်က တိုင်းရင်းသားဘာသာသင် ဆရာ/ ဆရာမ Teaching Assistant (TA)နှင့် Language Teacher (LT) များ ခန့်အပ်ထားမှုကိစ္စများ၊ တိုင်းရင်းသားစာပေနှင့်ယဉ်ကျေးမှုဦးစီးဌာန၊ ကရင်ပြည်နယ်ညွှန်ကြားရေး မှူးရုံး၏ လုပ်ငန်းဆောင်ရွက်နေမှုများကိုလည်းကောင်း၊ အသေးစားစက်မှုလက်မှုလုပ်ငန်းဦးစီးဌာနမှ လက်ထောက်ညွှန်ကြားရေးမှူး ဒေါ်ဖြူဖြူစိန်က ဦးစီးဌာနမှ ဖွင့်လှစ်ထားသော အသက်မွေးဝမ်း ကျောင်းပညာဆိုင်ရာသင်တန်းများဖြစ်သည့် အခြေခံစားသောက်ကုန်သင်တန်း၊ အခြေခံအိမ်တွင်းမှု သင်တန်းများ၊ ရိုးရာရက်ကန်းသင်တန်းများအကြောင်း ရှင်းလင်းပြောကြားခဲ့ပါသည်။ ထို့နောက် မြို့နယ်စီမံအုပ်ချုပ်ရေးကောင်စီအဖွဲ့ဝင်(၂)ဦးဝင်းတင်က ပြည်နယ်အတွင်း တိုင်းရင်းသားများ၏ ပညာရေးကဏ္ဍဆိုင်ရာကိစ္စများ၊ ဘားအံမြို့နယ်အတွင်း စိုက်ပျိုးသိပ္ပံကျောင်း ဖွင့်လှစ်ထားပြီးဖြစ်၍ ဒေသအတွင်းရှိ လူငယ်များ တက်ရောက် သင်ကြားနိုင်ပါကြောင်းနှင့် ဒေသ ဖွံ့ဖြိုးရေးဆိုင်ရာလုပ်ငန်းစဉ်များ အကြောင်းကိုလည်းကောင်း၊ လူမှုဝန်ထမ်းဦးစီးဌာနမှ ဦးစီးအရာရှိ ဒေါ်စန်းစန်းလှိုင်က ကလေးသူငယ်အခွင့်အရေးများ၊ ကလေးသူငယ်ကာကွယ်စောင့်ရှောက်ခြင်းဆိုင် ရာကိစ္စများ၊ အမျိုးသမီးအခွင့်အရေးများ၊ နိုင်ငံသားအခွင့်အရေးများ၊ မသန်စွမ်းအခွင့်အရေးများ၊ လူမှုရေးပင်စင်များ၊ ကိုယ်ဝန်ဆောင်အမျိုးသမီးများ ထောက်ပံ့ပေးမှုကိစ္စများအား ဒေသခံတိုင်းရင်း သားများ သိရှိစေရန် ရှင်းလင်းပြောကြားခဲ့ပါသည်။ ဆက်လက်၍ တိုင်းရင်းသားအခွင့်အရေးများကာကွယ်စောင့်ရှောက်ရေးဦးစီးဌာန၊ ကရင်ပြည်နယ်၊ ညွှန်ကြားရေးမှူးရုံးမှ ဒုတိယဦးစီးမှူး ဦးဟိန်းထက်ကျော်က အမုန်းစကားနှင့် အကြမ်းဖက်မှုဖြစ်စေရန် လှုံ့ဆော်မှုကို တားဆီးခြင်းဆိုင်ရာ အသိပညာပေးခြင်းကိစ္စများအကြောင်း ရှင်းလင်းပြောကြားခဲ့ပါသည်။ ထို့နောက် ရပ်ရွာအခြေပြုအသက်မွေးဝမ်းကျောင်းပညာလိုအပ်ချက်တို့ကို ဆန်းစစ်စီမံခြင်း စစ်တမ်းကောက်ယူရခြင်း ရည်ရွယ်ချက်နှင့် စစ်တမ်းဖြေဆိုပုံမေးခွန်းများကို ရှင်းလင်း ပြောကြားပြီးနောက် စစ်တမ်းကောက်ယူခဲ့ရာ ဒေသခံတိုင်းရင်းသား (၈၀) ဦးတို့မှ ဖြေဆိုခဲ့ကြပါ သည်။ အခမ်းအနားသို့ ကရင်ပြည်နယ်စာပေနှင့်ယဉ်ကျေးမှုအသင်းအဖွဲ့များမှ အဖွဲ့ဝင်များလည်း တက်ရောက်ခဲ့ကြပါသည်။ 

• 04 July 2023
• ရန်ကုန်

ရန်ကုန်တိုင်းဒေသကြီးအစိုးရအဖွဲ့၊ တိုင်းရင်းသားရေးရာဝန်ကြီး ဦးဆောင်၍ တိုင်းရင်းသား အခွင့်အရေးများကာကွယ်စောင့်ရှောက်ရေးဦးစီးဌာန၊ ရန်ကုန်တိုင်းဒေသကြီး၊ ညွှန်ကြားရေးမှူးရုံးမှ ကြီးမှူးကျင်းပသော “တိုင်းရင်းသားအခွင့်အရေးဆိုင်ရာအသိ ပညာပေးဟောပြောခြင်းနှင့် ရပ်ရွာ အခြေပြုအသက်မွေးဝမ်းကျောင်းပညာ လိုအပ်ချက်တို့ကို ဆန်းစစ်စီမံခြင်း အစီအစဉ်”နှင့် “ဆပ်ပြာရည်၊ ခေါင်းလျှော်ရည်၊ ဆပ်ပြာခဲ၊  လက်သန့်ဆေးရည် လူသုံးကုန်ထုတ်လုပ်မှုနည်း ပညာသင်တန်းဖွင့်ပွဲအခမ်းအနား”ကို (၃၀-၆-၂၀၂၃) ရက်နေ့တွင် ရန်ကုန်တိုင်းဒေသကြီး၊ မှော်ဘီမြို့ နယ်၊ လိပ္ပုတ်ကျေးရွာ၊ ဓမ္မာရုံ၌ ကျင်းပပြုလုပ်ခဲ့ပါသည်။ အခမ်းအနားတွင် ရန်ကုန်တိုင်းဒေသကြီး တိုင်းရင်းသားစာပေနှင့်ယဉ်ကျေးမှုဦးစီးဌာန၊ ညွှန်ကြားရေးမှူးရုံးမှ ညွှန်ကြားရေးမှူး ဦးပြေဟိန်းနိုင်က တိုင်းရင်းသားလူမျိုးများရေးရာဝန်ကြီး ဌာနအကြောင်း မိတ်ဆက်ခြင်း၊ တိုင်းရင်းသားဘာသာသင် TA/LT ဆရာများခန့်ထားခြင်းဆိုင်ရာ ကိစ္စရပ်များကိုလည်းကောင်း၊ တိုင်းရင်းသားအခွင့်အရေးများကာကွယ်စောင့်ရှောက်ရေးဦးစီးဌာနမှ ဒုတိယညွှန်ကြားရေးမှူး၊ ဒေါ်ဖြူဖြူဝင်းက တိုင်းရင်းသားလူမျိုးများ၏ အခွင့်အရေးကာကွယ်စောင့် ရှောက်သည့်ဥပဒေ၊ နည်းဥပဒေများအကြောင်း၊ စစ်တမ်းများကောက်ယူရခြင်း ရည်ရွယ်ချက်များ ကိုလည်းကောင်း ရှင်းလင်းပြောကြားခဲ့ပါသည်။ဆက်လက်၍ လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာနမှ မြောက်ပိုင်းခရိုင်မှူး ဒေါ်ဉမ္မာညွှန့်က လူဝင်မှုကြီးကြပ်ရေးဦးစီးဌာန၏ လုပ်ငန်းဆောင်ရွက်နေမှု အခြေအနေများအား လည်းကောင်း၊ လူမှုဝန်ထမ်းဦးစီးဌာန၊ လက်ထောက်ညွှန်ကြားရေးမှူး၊ ဒေါ်ခင်စန်းမြင့်က လူမှုဝန် ထမ်းဦးစီးဌာနမှ ဖွင့်လှစ်ထားရှိသည့် သင်တန်းကျောင်းများအကြောင်း၊ အမျိုးသမီးအခွင့်အရေး၊ ကလေး သူငယ်အခွင့်အရေးများအကြောင်းတို့ကို ရှင်းလင်းပြောကြားခဲ့ပါသည်။ ထို့နောက် အသေးစား စက်မှုလက်မှုဦးစီးဌာနမှ လက်ထောက်ညွှန်ကြားရေးမှူး၊ ဦးရဲဇော်ထွန်းက အသေးစားစက်မှု လက်မှုဦးစီးဌာန၏ သင်တန်းဖွင့်လှစ်ပေးမှုအခြေအနေနှင့် သင်တန်းဖွင့်လှစ်ရခြင်း၏ ရည်ရွယ် ချက်၊ သင်တန်းတွင် သင်ကြားပေးမည့် အကြောင်းအရာများနှင့် အမျိုးအစားတို့ကို ရှင်းလင်း ပြောကြားခဲ့ပါသည်။ ဆပ်ပြာရည်၊ ခေါင်းလျှော်ရည်၊ ဆပ်ပြာခဲ၊ လက်သန့်ဆေးရည် လူသုံးကုန်ထုတ်လုပ်မှု နည်းပညာသင်တန်းကို သင်တန်းသား(၃)ဦး၊  သင်တန်းသူ(၁၇)ဦး စုစုပေါင်း (၂၀) ဦး တက် ရောက်ကြမည်ဖြစ်ပြီး (၃၀-၆-၂၀၂၃) ရက်နေ့မှ (၄-၇-၂၀၂၃) ရက်နေ့ထိ (၅) ရက်ကြာ စာတွေ့၊ လက်တွေ့ သင်ကြား ပို့ချသွားမည်ဖြစ်ပါသည်။ ဆက်လက်၍ တိုင်းရင်းသားအခွင့်အရေးများကာကွယ်စောင့်ရှောက်ရေးဦးစီးဌာနမှ ဝန်ထမ်းများက တိုင်းရင်းသားဒေသများ၏ ရပ်ရွာအခြေပြုအသက်မွေးဝမ်းကျောင်းပညာ လိုအပ်မှုဆန်းစစ်ချက် စစ်တမ်းမေးခွန်းလွှာများအား ရှင်းလင်း၍  စစ်တမ်းကောက်ယူခဲ့ရာ တက် ရောက်လာသူ(၆၀) ဦးတို့မှ ဖြေဆိုခဲ့ကြပါသည်။ 

• 04 July 2023
• နေပြည်တော်

တိုင်းရင်းသားလူမျိုးများရေးရာဝန်ကြီးဌာန ၂၀၂၂-၂၀၂၃ ပညာသင်နှစ် ထူးချွန်ကျောင်းသား ဂုဏ်ပြုခြင်းနှင့် ၂၀၂၃-၂၀၂၄ ပညာသင်နှစ်အတွက် ပညာသင်ထောက်ပံ့ကြေးနှင့် စာရေးကိရိယာများပေးအပ်ခြင်း အခမ်းအနားကို ယနေ့နံနက်ပိုင်းတွင် တိုင်းရင်းသားလူမျိုးများရေးရာ ဝန်ကြီးဌာန အစည်းအဝေးခန်းမ၌ ကျင်းပပြုလုပ်ရာ ပြည်ထောင်စုဝန်ကြီး Jeng Phang နော်တောင်၊ ဒုတိယဝန်ကြီး ဦးဇော်အေးမောင်၊ အမြဲတမ်းအတွင်းဝန်၊ညွှန်ကြားရေးမှူးချုပ်များ၊ဒုတိယအမြဲတမ်းအတွင်း ဝန်၊ ဒုတိယညွှန်ကြားရေးမှူးချုပ်များနှင့် အရာထမ်း၊ အမှုထမ်းများ တက်ရောက်ခဲ့ကြပါသည်။                                                 ဦးစွာပြည်ထောင်စုဝန်ကြီးက အဖွင့်အမှာစကားပြောကြားရာ၌ လူသားတိုင်းသည် ဘဝတိုးတက်မှုကို လိုလားကြပြီး အဓိက လိုအပ်ချက်ဖြစ်သည့် အသိပညာ၊အတတ်ပညာများကိုအမြဲမပြတ်လေ့လာကြိုးစားအားထုတ်ကြရမည်ဖြစ်ပါကြောင်း၊ စာပေဗဟုသုတ၊ဘာသာစကားနှင့်နည်းပညာပိုင်းဆိုင်ရာများကို အချိန်နှင့်အမျှ အကျိုးရှိစွာ လေ့လာသင်ယူနေရမည်ဖြစ်ပါကြောင်း၊ နိုင်ငံတော်ကကျောင်းနေအရွယ် ကလေးများအားလုံးကျောင်းနေရေးနှင့် အနည်းဆုံး KG+9 ပြီး မြောက်အောင်ပညာသင်ယူရေး၊ကျောင်းထွက်နှုန်းလျော့နည်းစေရေးတို့ကိုစဉ်ဆက်မပြတ် ချမှတ်အကောင်အထည်ဖော် ဆောင်ရွက်လျက်ရှိပါကြောင်း၊ ပညာသည် နိုင်ငံ၏အနာဂတ်၊ နိုင်ငံ၏ မီးရှူးတန်ဆောင် အလင်းရောင်ဖြစ်ပြီး ပညာဖြင့် မိမိတို့ဘဝနှင့် နိုင်ငံ တော်ကိုတည်ဆောက်ရမည်ဖြစ်၍ မိဘများအနေဖြင့်မိမိတို့၏သားသမီးများ၏ပညာရေးကိုဆုံးခန်းတိုင်အောင် သင်ယူ ပြီး မြောက်နိုင်ရေး ဝိုင်းဝန်းကြိုးပမ်းဆောင်ရွက်ကြရန်နှင့် စံနမူနာပြဖြစ်သည့်မိခင်ကောင်း ဖခင်ကောင်းများအဖြစ် ပြုမူနေထိုင် ကြရမည်ဖြစ်ပါကြောင်း၊ခေတ်မီဖွံ့ဖြိုးတိုးတက်သောဒီမိုကရေစီနိုင်ငံတော် တည်ဆောက်ရာတွင် အသိပညာ၊ အတတ်ပညာ၊ပင်ကိုယ်အရည်အသွေး၊ စွမ်းရည်များနှင့်ပြည့်စုံသည့် လူ့စွမ်းအားအရင်းအမြစ်များ မွေးထုတ်ပေးနိုင်သည့် ဘက်စုံပညာရေးကဏ္ဍကို မြှင့်တင်နိုင်ရန် ဦးတည်ကြိုးပမ်းလျက်ရှိရာ သားငယ်သမီးငယ်များက ပညာရေးကိုအစွမ်းကုန်ကြိုးစားဆောင် ရွက်ခြင်းဖြင့်နိုင်ငံတော်သစ်တည်ဆောက်ရေးတွင်တစ်တပ်တစ်အားပါဝင်ကြစေလိုပါကြောင်း၊ထို့အပြင် သက်ဆိုင်ရာ စာသင်ကျောင်းများ ၌ပညာသင်ကြားရာတွင်ကိုဗစ်-၁၉ရောဂါ၊ သွေးလွန်တုပ်ကွေးရောဂါများကို ညွှန်ကြားချက်များနှင့်အညီ လိုက် နာ ဆောင်ရွက်ကြရမည်ဖြစ်ပါကြောင်း၊ မျိုးဆက်သစ် ကျောင်းသား၊ ကျောင်းသူများအနေဖြင့် တိုးတက်ပြောင်းလဲနေသည့် အတတ်ပညာ၊ နည်းပညာသစ်များနှင့် ရင်ဘောင်တန်းနိုင်ရန် အစဉ် ကြိုးစားပြီး  အမှားအမှန်ကို ဝေဖန်ပိုင်းခြား သုံးသပ်နိုင်သော တိုင်းပြည်ကို အကျိုးပြုမည့် သားကောင်းရတနာ သမီးကောင်းရတနာများ ဖြစ်စေရေး ကြိုးစားအားထုတ်ကြစေလိုပါကြောင်း ပြောကြား ပါသည်။  ဆက်လက်၍ ဒုတိယဝန်ကြီးက ယခုကဲ့သို့ထောက်ပံ့ပေးအပ်ခြင်းသည်ဝန်ထမ်းများ၏သားသမီးများကိုရုပ်ပိုင်းဆိုင်ရာနှင့်  စိတ်ဓာတ်ပိုင်းဆိုင်ရာ ခွန်အားပေးခြင်းဖြစ်ပါကြောင်း၊ ပညာကို မွေးဖွားသည်မှစ၍ သေဆုံးသည်အထိ လေ့လာသင်ယူနေကြရမည်ဖြစ်ပါကြောင်း၊ပညာကိုလေ့လာသင်ယူ၍ မိမိကောင်းကျိုး၊ နိုင်ငံကောင်းကျိုး၊ လူသားများကောင်းကျိုးအတွက် အသုံးချရန်လိုအပ်ပြီး မကောင်းသောနေရာများတွင် အသုံးမချမိစေရေးအတွက် သတိပြုရမည် ဖြစ်ပါကြောင်း၊  လူသားများ ၏ဘဝတွင်အရွယ်(၃)ပါးရှိပြီးပထမအရွယ်သည်ပညာရှာရမည့် အရွယ်ဖြစ်သဖြင့် ပညာကိုအပတ်တကုတ် ကြိုးစားလေ့လာ သင်ယူရမည်ဖြစ်ပါကြောင်း၊ အရွယ်(၃)ပါးတွင် သူ့နေရာနှင့်သူ ပညာကို ဆက်လက်သင်ယူရန်လိုအပ်ပါကြောင်း၊မိမိ ဆောင် ရွက်ရမည့် တာဝန်နှင့်ဝတ္တရားများကိုလည်းကျွမ်းကျင်ပြီး မိမိသင်ကြားတတ်မြောက်ထားသည့်ပညာပေါ်တွင်သတိ၊ သမာဓိ၊ သီလ၊သဒ္ဓါ၊ ဝီရိယများထား၍ နိုင်ငံတော်ကို အကျိုးပြုသည့်နိုင်ငံ့သားကောင်းသမီးကောင်းများဖြစ်အောင် လေ့လာကြိုးစား ကြရမည် ဖြစ်ပါကြောင်း ပြောကြားပါသည်။ယင်းနောက် ပြည်ထောင်စုဝန်ကြီးက ၂၀၂၂-၂၀၂၃ ပညာသင်နှစ်၊ တက္ကသိုလ်ဝင်တန်း စာမေးပွဲတွင် (၄) ဘာသာ ဂုဏ်ထူးရရှိသော ထူးချွန်ကျောင်းသားအား ဂုဏ်ပြုချီးမြှင့်ပါသည်။ ထို့နောက်ပြည်ထောင်စုဝန်ကြီးကပြည်ထောင်စုဝန်ကြီးရုံးမှဝန်ထမ်းများ၏သားသမီးအခြေခံပညာ ကျောင်းသား  ကျောင်း သူ  များ ကိုယ်စား အမြဲတမ်းအတွင်းဝန်အားလည်းကောင်း၊ ဒုတိယဝန်ကြီးက ဦးစီးဌာနများမှ ဝန်ထမ်းများ၏ သားသမီး အခြေခံပညာ ကျောင်းသားကျောင်းသူများ ကိုယ်စားတိုင်းရင်းသားစာပေနှင့်ယဉ်ကျေးမှုဦးစီးဌာနမှ ညွှန်ကြားရေးမှူးချုပ်နှင့် တိုင်းရင်းသားအခွင့်အရေးများ ကာကွယ်စောင့်ရှောက်ရေး ဦးစီးဌာနမှ ညွှန်ကြားရေးမှူးချုပ်အားလည်းကောင်း ပညာ သင်ထောက်ပံ့ကြေးနှင့်စာရေးကိရိယာများ ပေးအပ်ကာ အခမ်းအနားကို ရုပ်သိမ်းခဲ့ကြောင်း သတင်းရရှိပါသည်။

• 04 July 2023
• စစ်ကိုင်း

တိုင်းရင်းသားအခွင့်အရေးများကာကွယ်စောင့်ရှောက်ရေးဦးစီးဌာန၊စစ်ကိုင်းတိုင်းဒေသကြီး ညွှန်ကြားရေးမှူးရုံးက ကြီးမှူး၍ “တိုင်းရင်းသားအခွင့်အရေးဆိုင်ရာ အသိပညာပေးဟောပြောခြင်းနှင့် ရပ်ရွာအခြေပြု အသက်မွေးဝမ်းကျောင်းပညာလိုအပ်ချက်တို့ကို ဆန်းစစ်စီမံခြင်းအစီအစဉ်” ကို ၂၀၂၃ခုနှစ်၊ ဇွန်လ (၁၉) ရက်နေ့တွင်စစ်ကိုင်းတိုင်းဒေသကြီး၊ နာဂကိုယ်ပိုင်အုပ်ချုပ်ခွင့်ရဒေသ၊ လဟယ်မြို့၊ နာဂရိုးရာယဉ်ကျေးမှု ပြတိုက်၌ ကျင်းပပြုလုပ်ခဲ့ပါသည်။ အခမ်းအနားတွင် နာဂကိုယ်ပိုင်အုပ်ချုပ်ခွင့်ရဒေသ၊ ဒေသစီမံအုပ်ချုပ်ရေးအဖွဲ့ဥက္ကဋ္ဌ ဦးထွန်းထွန်းဝင်းက နှုတ်ခွန်းဆက်စကားပြောကြားခဲ့ပြီး တိုင်းရင်းသားအခွင့်အရေးများကာကွယ် စောင့်ရှောက်ရေးဦးစီးဌာန၊ စစ်ကိုင်းတိုင်းဒေသကြီး၊ ညွှန်ကြားရေးမှူးရုံးမှ ဒုတိယညွှန်ကြားရေးမှူး ဒေါက်တာဝင့်မြတ်သီက  တိုင်းရင်းသားလူမျိုးများ၏ အခွင့်အရေးကာကွယ်စောင့်ရှောက်သည့် ဥပဒေ၊နည်းဥပဒေများပါအကြောင်းအရာများ၊အမုန်းစကားနှင့် အကြမ်းဖက်မှုဖြစ်စေရန်လှုံ့ဆော်မှု ကိုတားဆီးခြင်းဆိုင်ရာကိစ္စရပ်များကိုလည်းကောင်း၊စစ်ကိုင်းတိုင်းဒေသကြီးလူမှုဝန်ထမ်းဦးစီးဌာန မှ ညွှန်ကြားရေးမှူး ဒေါ်လှိုင်မိုးမြတ်ကလူမှုဝန်ထမ်းဦးစီးဌာနမှ အကောင်အထည်ဖော် ဆောင်ရွက် လျက်ရှိသော လူမှုအခွင့်အရေးများနှင့် ပတ်သက်၍လည်းကောင်း ရှင်းလင်းပြောကြားခဲ့ကြပါသည်။ဆက်လက်၍ တိုင်းရင်းသားအခွင့်အရေးများ ကာကွယ်စောင့်ရှောက်ရေးဦးစီးဌာန၊ စစ်ကိုင်း တိုင်းဒေသကြီး၊ ညွှန်ကြားရေးမှူးရုံးမှ ဒုတိယညွှန်ကြားရေးမှူး ဒေါက်တာဝင့်မြတ်သီက “ရပ်ရွာ အခြေပြုအသက်မွေးဝမ်းကျောင်း ပညာလိုအပ်ချက်တို့ကို ဆန်းစစ်စီမံခြင်း စစ်တမ်းကောက်ယူ ရခြင်းရည်ရွယ်ချက်နှင့် စစ်တမ်းဖြေဆိုပုံမေးခွန်းများ”ကိုရှင်းလင်းပြောကြားခဲ့ပြီးနောက် စစ်တမ်း ကောက်ယူခဲ့ရာ တက်ရောက်လာကြသောဒေသခံတိုင်းရင်းသား (၆၆) ဦးတို့မှ ဖြေဆိုခဲ့ကြပါသည်။ထို့နောက် တိုင်းရင်းသားအခွင့်အရေးများကာကွယ်စောင့်ရေှာက်ရေးဦးစီးဌာနမှ တက်ရောက်လာကြသော တိုင်းရင်းသားစာပေနှင့်ယဉ်ကျေးမှုအဖွဲ့များသို့ တိုင်းရင်းသားလူမျိုးများ၏ အခွင့်အရေးကာကွယ်စောင့်ရှောက်သည့် ဥပဒေ၊ နည်းဥပဒေစာအုပ်များ၊ လက်ကမ်းစာစောင်များ ပေးအပ်ခဲ့ပြီးနောက် တက်ရောက်လာကြသူများနှင့် စုပေါင်းမှတ်တမ်းတင် ဓါတ်ပုံရိုက်ကူးကာ အခမ်းအနားကို ရုတ်သိမ်းခဲ့ပါသည်။ 

• 04 July 2023
• ရှမ်းပြည်နယ်

တိုင်းရင်းသားအခွင့်အရေးများကာကွယ်စောင့်ရှောက်ရေးဦးစီးဌာန၊ရှမ်းပြည်နယ်ညွှန်ကြားရေးမှူးရုံးမှဦးဆောင်၍ တိုင်းရင်းသားအခွင့်အရေးဆိုင်ရာ အသိပညာပေးဟောပြောခြင်းနှင့် ရပ်ရွာအခြေပြုအသက်မွေးဝမ်းကျောင်းပညာ လိုအပ်ချက်တို့ကို ဆန်းစစ်စီမံခြင်းအစီအစဉ်ကို ၃၀-၆-၂၀၂၃ ရက်နေ့တွင် ရှမ်းပြည်နယ်၊ ညောင်ရွှေမြို့နယ်၊ အင်းတိုင်းရင်းသားစာပေယဉ်ကျေးမှုနှင့်ဒေသဖွံ့ဖြိုးရေး အသင်းခန်းမ၌ ကျင်းပပြုလုပ်ခဲ့ပါသည်။ အခမ်းအနားတွင် ရှမ်းပြည်နယ်အစိုးရအဖွဲ့ဝင်၊ တိုင်းရင်းသားရေးရာဝန်ကြီး ဦးအောင်ကြည်ဝင်း က အဖွင့်အမှာစကားပြောကြားခဲ့ပါသည်။ ထို့နောက်  တိုင်းရင်းသားအခွင့်အရေးများကာကွယ်စောင့်ရှောက်ရေးဦးစီးဌာန၊ ရှမ်းပြည်နယ်ညွှန်ကြားရေးမှူးရုံးမှ ဒုတိယညွှန်ကြားရေးမှူး ဦးချစ်ဇော်လင်းက တိုင်းရင်းသားလူမျိုးများ၏ အခွင့်အရေးကာကွယ်စောင့်ရှောက်သည့် ဥပဒေ၊ နည်းဥပဒေများပါအချက် အလက်များနှင့် တိုင်းရင်းသားအခွင့်အရေးဆိုင်ရာမဟာဗျူဟာတို့ကိုလည်းကောင်း၊ အမှတ်(၂၅) မူးယစ် ဆေးဝါးတားဆီးနှိမ်နင်းရေးရဲတပ်ဖွဲ့မှ ရဲမှူးမျိုးမင်းလှိုင်က မူးယစ်ဆေးဝါးနှင့် စိတ်ကို ပြောင်းလဲစေ တက်သော ဆေးဝါးများဆိုင်ရာအန္တရာယ်တို့ကိုလည်းကောင်း၊ လူကုန်ကူးမှုတာဆီးနှိမ်နင်းရေးရဲတပ်ဖွဲ့ တပ်ခွဲစု (၁၅) တောင်ကြီးမှ ရဲအုပ်ဖြိုးဝေက လူကုန်ကူးမှုတားဆီးနှိမ်နင်းရေးဆိုင်ရာ ကိစ္စရပ်များ အကြောင်းကိုလည်းကောင်း၊ ညောင်ရွှေမြို့နယ်၊ လူမှုဝန်ထမ်းဦးစီးဌာနမှ ဦးစီးအရာရှိ ဒေါ်ခင်မာလာ ဝင်းက အမျိုးသမီးအခွင့်အရေး၊ မသန်စွမ်းအခွင့်အရေး၊ ကလေးသူငယ်အခွင့်အရေး၊ အဆိုးရွားဆုံး ပုံစံဖြင့်ခိုင်းစေ ခံရသော ကလေးအလုပ်သမားများ ဖယ်ရှားရေးကိစ္စရပ်များနှင့် လူမှုရေးပင်စင်တို့နှင့် စပ်လျဉ်းသည့် ကိစ္စရပ်များကိုလည်းကောင်း ရှင်းလင်းပြောကြားခဲ့ပါသည်။ဆက်လက်၍ တိုင်းရင်းသားစာပေနှင့် ယဉ်ကျေးမှုဦးစီးဌာနမှ ဦးစီးအရာရှိ ဦးစိုင်းဖုန်းကျော်က တိုင်းရင်းသားဘာသာသင် ဆရာ/ ဆရာမ Teaching Assistant (TA)နှင့် Language Teacher (LT) များခန့်အပ်ထားမှုကိစ္စများ၊ တိုင်းရင်းသားစာပေနှင့်ယဉ်ကျေးမှုဦးစီးဌာန၏ လုပ်ငန်းဆောင်ရွက်နေမှု များကိုလည်းကောင်း၊  တိုင်းရင်းသားအခွင့်အရေးများ ကာကွယ်စောင့်ရှောက်ရေးဦးစီးဌာန၊ ရှမ်းပြည် နယ်ညွှန်ကြားရေးမှူးရုံးမှ ဒုတိယဦးစီးမှူး ဦးစိုင်းသန့်ဇင်ဝင်းက လူမျိုးပြုန်းစေမှုကိုတားဆီးရေးနှင့် ပြစ်ဒဏ်ပေးရေး ဆိုင်ရာအကြောင်းအရာများနှင့် အမုန်း စကားနှင့်အကြမ်းဖက်မှုဖြစ်စေရန် လှုံဆော်မှု ကိုတားဆီးခြင်းနှင့် စပ်လျဉ်းသည့်အကြောင်းအရာ များကိုလည်းကောင်း အသီးသီးအသိပညာပေး ရှင်းလင်းပြောကြားခဲ့ပြီးနောက်  ရပ်ရွာအခြေပြုအသက်မွေးဝမ်းကျောင်းပညာလိုအပ်ချက်တို့ကို စစ်တမ်းကောက်ယူခဲ့ရာ အခမ်းအနားသို့ တက်ရောက်လာကြသော ညောင်ရွှေမြို့နယ်အတွင်းရှိ “အင်းသား” တိုင်းရင်းသား  (၁၀၀) မှ စစ်တမ်းမေးခွန်းလွှာများအား ဖြေဆိုခဲ့ကြပါသည်။ 

• 30 June 2023
• နေပြည်တော်

 တိုင်းရင်းသားလူမျိုးများရေးရာဝန်ကြီးဌာန ၂၀၂၃ ခုနှစ် မိုးရာသီသစ်ပင်စိုက်ပျိုးပွဲ  အခမ်းအနားကို ယနေ့ နံနက်ပိုင်းတွင် နေပြည်တော်ရှိ တိုင်းရင်းသားလူမျိုးများရေးရာဝန်ကြီး ဌာန ပရဝုဏ်၌ ကျင်းပသည်။ အဆိုပါ အခမ်းအနားသို့ တိုင်းရင်းသားလူမျိုးများရေးရာဝန်ကြီးဌာန ပြည်ထောင်စုဝန်ကြီး   Jeng Phang နော်တောင်၊ ဒုတိယဝန်ကြီး ဦးဇော်အေးမောင်၊ အမြဲတမ်းအတွင်းဝန်၊ ညွှန်ကြားရေးမှူးချုပ်များ၊ ဒုတိယအမြဲတမ်းအတွင်းဝန်၊ ဒုတိယညွှန်ကြားရေးမှူးချုပ်များနှင့် အရာထမ်း၊ အမှုထမ်းများ တက်ရောက်ကြသည်။ရှေးဦးစွာ ပြည်ထောင်စုဝန်ကြီး Jeng Phang နော်တောင်၊ ဒုတိယဝန်ကြီး ဦးဇော်အေးမောင်၊ တို့က ၂၀၂၃ ခုနှစ်၊ မိုးရာသီသစ်ပင်စိုက်ပျိုးပွဲ အထိမ်းအမှတ်အဖြစ် အပင်များကို ဦးဆောင် စိုက်ပျိုးပေးကြပြီး အမြဲတမ်းအတွင်းဝန်၊ ညွှန်ကြားရေးမှူးချုပ်များ၊ ဒုတိယအမြဲတမ်းအတွင်းဝန်၊ ဒုတိယညွှန်ကြားရေးမှူးချုပ်များနှင့် အရာထမ်း၊ အမှုထမ်းများက သတ်မှတ်နေရာအသီးသီးတွင် သစ်ပင်များကို စိုက်ပျိုးကြပါသည်။ထို့နောက် ပြည်ထောင်စုဝန်ကြီးနှင့်အတူ ဒုတိယဝန်ကြီး၊ အမြဲတမ်းအတွင်းဝန်၊ ညွှန်ကြားရေးမှူးချုပ်များ၊  ဒုတိယအမြဲတမ်းအတွင်းဝန်၊ ဒုတိယညွှန်ကြားရေးမှူးချုပ်များက သစ်ပင်ပျိုးပင်များ စိုက်ပျိုးနေမှုများကို လိုက်လံကြည့်ရှု အားပေးခဲ့ကြပါသည်။ ယနေ့အခမ်းအနားတွင် ကံ့ကော်၊ ခရေ၊ အုန်းပင်၊ ကျွန်း၊ ပျဉ်းကတိုး၊ ပိတောက်၊ မန်ဂျန်ရှားပင်နှင့် နှစ်ရှည်ပင်များအပါအဝင် စုစုပေါင်း (၁၆၉) ပင် စိုက်ပျိုးခဲ့ကြကြောင်း သတင်း ရရှိသည်။

• 21 June 2023
• ဧရာဝတီ

တိုင်းရင်းသားအခွင့်အရေးများကာကွယ်စောင့်ရှောက်ရေးဦးစီးဌာန၊ ဧရာဝတီတိုင်းဒေသကြီး၊ ညွှန်ကြားရေးမှူးရုံးမှဦးစီး၍ “တိုင်းရင်းသားအခွင့်အရေးဆိုင်ရာ အသိပညာပေးဟောပြောခြင်းနှင့် ရပ်ရွာအခြေပြုအသက်မွေးဝမ်းကျောင်းပညာလိုအပ်ချက်တို့ကို ဆန်းစစ်စီမံခြင်းအစီအစဉ်”ကို ဧရာဝတီတိုင်းဒေသကြီး၊ မြန်အောင်ခရိုင်၊ အင်္ဂပူမြို့၊ မြို့နယ်အထွေထွေအုပ်ချုပ်ရေးဦးစီးဌာန၊ အစည်းအဝေးခန်းမ၌ ၁၇-၆-၂၀၂၃ ရက်နေ့တွင် ကျင်းပပြုလုပ်ခဲ့ပါသည်။ အခမ်းအနားတွင် တိုင်းဒေသကြီးအစိုးရအဖွဲ့ဝင် တိုင်းရင်းသားရေးရာဝန်ကြီး ဦးစောလင်းခယ် က အဖွင့်အမှာစကားပြောကြားခဲ့ပြီး မြန်အောင်ခရိုင်အုပ်ချုပ်ရေးမှူး ဦးမျိုးလှိုင်က မိတ်ဆက်စကား ပြောကြားခဲ့ပါသည်။ ဆက်လက်၍ လူဝန်မှုကြီးကြပ်ရေးဦးစီးဌာန၊ မြန်အောင်ခရိုင်ဦးစီးမှူး ဦးတင်မြိုင်က အိမ်ထောင်စုလူဦးရေစာရင်းနှင့် နိုင်ငံသားမှတ်ပုံတင်ဆိုင်ရာ သိမှတ်ဖွယ်ရာများကို လည်းကောင်း၊ တိုင်းရင်းသားအခွင့်အရေးများကာကွယ်စောင့်ရှောက်ရေးဦးစီးဌာန၊ ဧရာဝတီတိုင်းဒေသကြီး၊ ညွှန်ကြားရေးမှူးရုံးမှ ဒုတိယညွှန်ကြားရေးမှူး ဒေါ်စန်းက တိုင်းရင်းသားလူမျိုးများရေးရာဝန်ကြီးဌာန မိတ်ဆက်နှင့် တိုင်းရင်းသားလူမျိုးများ၏ အခွင့်အရေးကာကွယ်စောင့်ရှောက်သည့် ဥပဒေ၊ နည်းဥပဒေများအကြောင်းနှင့် စစ်တမ်းကောက်ယူရသည့် ရည်ရွယ်ချက်များကိုလည်းကောင်း၊ တိုင်းရင်းသားစာပေနှင့်ယဉ်ကျေးမှုဦးစီးဌာန၊ ဧရာဝတီတိုင်းဒေသကြီး၊ ညွှန်ကြားရေးမှူးရုံးမှ လက်ထောက်ညွှန်ကြားရေးမှူး ဒေါ်အေးကျော့ရီက ဦးစီးဌာန၏ လုပ်ငန်းဆောင်ချက်များနှင့် TA/LT ခန့်ထားခြင်း ဆိုင်ရာကိစ္စရပ်များကိုလည်းကောင်း အသိပညာပေး ဟောပြောခဲ့ပါသည်။ ဆက်လက်၍ လူမှုဝန်ထမ်းဦးစီးဌာန၊ ဟင်္သာတခရိုင်ဦးစီးမှူး ဦးဒိုင်ဒိုဒါးလ်က ကလေးသူငယ် အခွင့်အရေး၊ မသန်စွမ်းအခွင့်အရေးများနှင့် လူမှုရေးရာကိစ္စရပ်များကိုလည်းကောင်း၊ တိုင်းရင်းသား အခွင့်အရေးများကာကွယ်စောင့်ရှောက်ရေးဦးစီးဌာန၊ ဧရာဝတီတိုင်းဒေသကြီး၊ ညွှန်ကြားရေးမှူးရုံးမှ ဦးစီးအရာရှိ ဦးမြင့်မောင်မောင်က နိုင်ငံသားအခွင့်အရေး၊ တိုင်းရင်းသားအခွင့်အရေး၊ တိုင်းရင်းသား များ၏ ဝိသေသရှေ့ဆောင်စကားလုံးများမှန်ကန်စွာ ရေးသွင်းဆောင်ရွက်နိုင်ရေး၊ အမုန်းစကားနှင့် အကြမ်းဖက်မှုဖြစ်စေရန် လှုံ့ဆော်မှုကို တားဆီးရေးဆိုင်ရာကိစ္စရပ်များ၊ လူမျိုးပြုန်းတီးမှု တားဆီးရေးနှင့်ပြစ်ဒဏ်ပေးရေး နိုင်ငံတကာသဘောတူစာချုပ်ပါ လိုက်နာဆောင်ရွက်ရန် အချက် များကိုလည်းကောင်း စိုက်ပျိုးရေးဦးစီးဌာန၊ အင်္ဂပူမြို့နယ်ဦးစီးမှူး ဦးအောင်သော်မြင့်က မိုးစပါး သီးနှံအထွက် တိုးစေရေးဆိုင်ရာ ကိစ္စရပ်များကိုလည်းကောင်း၊ မွေးမြူရေးနှင့်ကုသရေးဦးစီးဌာန၊ အင်္ဂပူမြို့နယ်ဦးစီးမှူး ဒေါက်တာဇာနည်အောင် က တပိုင်တနိုင်ဝက်မွေးမြူရေးနည်းစနစ်များကို လည်းကောင်း အသိပညာပေး ဟောပြောခဲ့ပါသည်။ ထို့နောက် ဒုတိယညွှန်ကြားရေးမှူးဦးဆောင်၍ ရပ်ရွာအခြေပြုအသက်မွေးဝမ်းကျောင်းပညာ လိုအပ်မှုဆန်းစစ်ချက်စစ်တမ်းများကို ကောက်ယူခဲ့ရာ ဒေသခံတိုင်းရင်းသား(၇၃)ဦးတို့မှ ဖြေဆိုခဲ့ ကြပြီး တိုင်းရင်းသားအခွင့်အရေးများကာကွယ်စောင့်ရှောက်ရေးဦးစီးဌာနမှ တက်ရောက်လာကြသူများအား တိုင်းရင်းသားအခွင့်အရေးများကာကွယ်စောင့်ရှောက်သည့် ဥပဒေ၊ နည်းဥပဒေ စာအုပ်များ၊ လက်ကမ်းစာစောင်များနှင့် အမှတ်တရလက်ဆောင်ပစ္စည်းများ ပေးအပ်ခဲ့ပြီးနောက် အခမ်းအနားကို ရုပ်သိမ်းခဲ့ပါသည်။ အခမ်းအနားသို့ တိုင်းဒေသကြီး ချင်းစာပေနှင့်ယဉ်ကျေးမှု ကော်မတီဝင်များ၊ မြို့နယ် ကရင်စာပေနှင့်ယဉ်ကျေးမှုကော်မတီဝင်များလည်း တက်ရောက်ခဲ့ကြပါသည်။

• 21 June 2023
• စစ်ကိုင်း

 တိုင်းရင်းသားလူမျိုးများရေးရာဝန်ကြီးဌာန၊ တိုင်းရင်းသားအခွင့်အရေးများကာကွယ်စောင့်ရှောက်ရေးဦးစီးဌာန၊ စစ်ကိုင်းတိုင်းဒေသကြီး ညွှန်ကြားရေးမှူးရုံးမှ ဦးစီး၍ “တိုင်းရင်းသား အခွင့်အရေးဆိုင်ရာအသိပညာပေးဟောပြောခြင်းနှင့် ရပ်ရွာအခြေပြုအသက်မွေးဝမ်းကျောင်းပညာ လိုအပ်ချက်တို့ကို ဆန်းစစ်စီမံခြင်းအစီအစဉ်”ကို ၂၀၂၃ ခုနှစ်၊ ဇွန်လ (၁၇)ရက်နေ့တွင် စစ်ကိုင်း တိုင်းဒေသကြီး၊ ခန္တီးခရိုင်၊ ခန္တီးမြို့၊ ခရိုင်အထွေထွေအုပ်ချုပ်ရေးဦးစီးဌာန အစည်းအဝေးခန်းမ၌ ကျင်းပပြုလုပ်ခဲ့ပါသည်။   အခမ်းအနားတွင် ခန္တီးခရိုင်စီမံအုပ်ချုပ်ရေးအဖွဲ့၊ အဖွဲ့ဝင် ဦးဉာဏ်လွင်က နှုတ်ခွန်းဆက် စကား ပြောကြားခဲ့ပြီးနောက် တိုင်းရင်းသားအခွင့်အရေးများကာကွယ်စောင့်ရှောက်ရေး ဦးစီးဌာန၊ စစ်ကိုင်းတိုင်းဒေသကြီး၊ ညွှန်ကြားရေးမှူးရုံးမှ ဦးစီးအရာရှိ ဦးကျော်ဇေယျာဦးက တိုင်းရင်းသား လူမျိုးများ၏ အခွင့်အရေးကာကွယ်စောင့်ရှောက်သည့် ဥပဒေအကြောင်းကို လည်းကောင်း၊ တိုင်းရင်းသားအခွင့်အရေးများကာကွယ်စောင့်ရှောက်ရေးဦးစီးဌာန၊ စစ်ကိုင်းတိုင်းဒေသကြီး၊ ညွှန်ကြားရေးမှူးရုံးမှ ဒုတိယညွှန်ကြားရေးမှူး ဒေါက်တာဝင့်မြတ်သီက တိုင်းရင်းသားလူမျိုးများ၏ အခွင့်အရေးကာကွယ်စောင့်ရှောက်သည့် နည်းဉပဒေများအကြောင်းကိုလည်းကောင်း၊ လူမှုဝန်ထမ်းဦးစီးဌာန ခန္တီးခရိုင်ဦးစီးမှူး ဒေါ်မူမူထွန်းက ကလေးသူငယ်အခွင့်အရေးများဆိုင်ရာ အကြောင်းအရာများကိုလည်းကောင်း အသိပညာပေးဟောပြောခဲ့ကြပါသည်။  ဆက်လက်၍ တိုင်းရင်းသားအခွင့်အရေးများကာကွယ်စောင့်ရှောက်ရေးဦးစီးဌာန၊ စစ်ကိုင်းတိုင်းဒေသကြီး၊ ညွှန်ကြားရေးမှူးရုံးမှ ဒုတိယညွှန်ကြားရေးမှူး ဒေါက်တာဝင့်မြတ်သီက “ရပ်ရွာ အခြေပြုအသက်မွေးဝမ်းကျောင်းပညာလိုအပ်ချက်တို့ကို ဆန်းစစ်စီမံခြင်း စစ်တမ်းကောက်ယူရခြင်း ရည်ရွယ်ချက်နှင့် စစ်တမ်းဖြေဆိုပုံ မေးခွန်းများ”ကို ရှင်းလင်းပြောကြားခဲ့ပြီး စစ်တမ်ကောက်ယူခဲ့ရာ တက်ရောက်လာကြသော ဒေသခံတိုင်းရင်းသား (၆၆) ဦးတို့မှ ဖြေဆိုခဲ့ကြပါသည်။    ထို့နောက် တိုင်းရင်းသားအခွင့်အရေးများကာကွယ်စောင့်ရှောက်ရေးဦးစီးဌာနမှ အခမ်းအနားသို့ တက်ရောက်လာကြသူများကို တိုင်းရင်းသားလူမျိုးများ၏ အခွင့်အရေးကာကွယ်စောင့်ရှောက်သည့် ဥပဒေ၊ နည်းဥပဒေစာအုပ်များနှင့် အမှတ်တရလက်ဆောင်ပစ္စည်းများ ပေးအပ်ခဲ့ပြီး နောက် စုပေါင်းမှတ်တမ်းတင် ဓါတ်ပုံရိုက်ကူးကာ အခမ်းအနားကို အောင်မြင်စွာ ရုပ်သိမ်းခဲ့ပါသည်။ အခမ်းအနားသို့ တိုင်းရင်းသားစာပေနှင့်ယဉ်ကျေးမှုကော်မတီအဖွဲ့ဝင်များနှင့် ရှမ်း၊ နာဂ၊ ချင်း၊ လီဆူတိုင်းရင်းသားများ တက်ရောက်ခဲ့ကြပါသည်။

• 21 June 2023
• ကရင်

တိုင်းရင်းသားအခွင့်အရေးများကာကွယ်စောင့်ရှောက်ရေးဦးစီးဌာန၊ ကရင်ပြည်နယ် ညွှန်ကြားရေးမှူးရုံးမှ ဦးစီး၍ ကရင်ပြည်နယ်အစိုးရအဖွဲ့၏ ခွင့်ပြုရန်ပုံငွေဖြင့် တိုင်းရင်းသားအခွင့်အရေးဆိုင်ရာအသိပညာပေးဟောပြောခြင်းနှင့် ရပ်ရွာအခြေပြုအသက်မွေးဝမ်းကျောင်းပညာ လိုအပ်ချက်တို့ကို ဆန်းစစ်စီမံခြင်းအစီအစဉ်ကို ၁၉-၆-၂၀၂၃ ရက်နေ့တွင် ကရင်ပြည်နယ်၊ ဘားအံမြို့နယ်၊ ကော့လာပလကျေးရွာ၌ ကျင်းပပြုလုပ်ခဲ့ပါသည်။ အခမ်းအနားတွင် တိုင်းရင်းသားအခွင့်အရေးများကာကွယ်စောင့်ရှောက်ရေးဦးစီးဌာန၊ ကရင်ပြည်နယ်၊ ညွှန်ကြားရေးမှူးရုံးမှ ဒုတိယညွှန်ကြားရေးမှူး ဦးကျော်စိုးက တိုင်းရင်းသား လူမျိုးများ၏ အခွင့်အရေးကာကွယ်စောင့်ရှောက်သည့် ဥပဒေ၊ နည်းဥပဒေများ၊ ဝန်ကြီးဌာန၏ ရှေ့လုပ်ငန်းစဉ်များ၊ မဟာဗျူဟာများနှင့်ပတ်သက်၍ ရှင်းလင်းပြောကြားခဲ့ပြီး တိုင်းရင်းသား စာပေနှင့် ယဉ်ကျေးမှုဦးစီးဌာနမှ ဦးစီးအရာရှိ ဒေါ်မြတ်သီရိအောင်က တိုင်းရင်းသားဘာသာသင် ဆရာ/ ဆရာမ Teaching Assistant (TA)နှင့် Language Teacher (LT) များခန့်အပ်ထားမှု ကိစ္စများ၊ တိုင်းရင်းသားစာပေနှင့်ယဉ်ကျေးမှုဦးစီးဌာန၏ လုပ်ငန်းဆောင်ရွက်နေမှုများကိုလည်း ကောင်း၊ ပြည်နယ်အသေးစားစက်မှုလက်မှုလုပ်ငန်းဦးစီးဌာနမှ လက်ထောက်ညွှန်ကြားရေးမှူး ဒေါ်ဖြူဖြူစိန်က ဦးစီးဌာနမှ ဖွင့်လှစ်ထားသော အသက်မွေးဝမ်းကျောင်းပညာဆိုင်ရာ သင်တန်း များအကြောင်း ရှင်းလင်းပြောကြားခဲ့ပါသည်။ ထို့နောက် မြို့နယ်စီမံအုပ်ချုပ်ရေးကောင်စီအဖွဲ့ဝင်(၂) ဦးဝင်းတင်က ပြည်နယ်အတွင်း တိုင်းရင်းသားများ၏ ပညာရေးကဏ္ဍဆိုင်ရာ ကိစ္စများနှင့် ဒေသဖွံ့ဖြိုးရေးဆိုင်ရာ လုပ်ငန်းစဉ်များ အကြောင်းကိုလည်းကောင်း၊ ပြည်နယ်လူမှုဝန်ထမ်းဦးစီးဌာနမှ ဦးစီးအရာရှိ ဒေါ်စန်းစန်းလှိုင်က ကလေးသူငယ်အခွင့်အရေးများ၊ အမျိုးသမီးအခွင့်အရေးများ၊ နိုင်ငံသားအခွင့်အရေးများ၊ မသန်စွမ်းအခွင့်အရေးများ၊ လူမှုရေးပင်စင်များ၊ ကိုယ်ဝန်ဆောင်အမျိုးသမီးများ ထောက်ပံ့ပေးမှုကိစ္စ ရပ်များအားလည်းကောင်း ရှင်းလင်းပြောကြားခဲ့ပါသည်။ ဆက်လက်၍ တိုင်းရင်းသားအခွင့်အရေးများကာကွယ်စောင့်ရှောက်ရေးဦးစီးဌာန၊ ကရင်ပြည်နယ်၊ ညွှန်ကြားရေးမှူးရုံးမှ ဒုတိယဦးစီးမှူး ဦးဟိန်းထက်ကျော်က  အမုန်းစကားနှင့် အကြမ်းဖက်မှုဖြစ်စေရန် လှုံ့ဆော်မှုကို တားဆီးခြင်းဆိုင်ရာ အသိပညာပေးခြင်းကိစ္စရပ်များအား ဆွေးနွေးပြောကြားခဲ့ပါသည်။ ထို့နောက် ရပ်ရွာအခြေပြုအသက်မွေးဝမ်းကျောင်းပညာလိုအပ်ချက်တို့ကို စစ်တမ်းကောက်ယူရခြင်း ရည်ရွယ်ချက်နှင့် စစ်တမ်းဖြေဆိုပုံမေးခွန်းများကို ရှင်းလင်း ပြောကြားပြီးနောက် စစ်တမ်းကောက်ယူခဲ့ရာ  တက်ရောက်လာကြသော ဒေသခံတိုင်းရင်းသား (၈၀) ဦးတို့မှ ဖြေဆိုခဲ့ကြပါသည်။ 

• 16 June 2023
• ရန်ကုန်

ရန်ကုန်တိုင်းဒေသကြီးအစိုးရအဖွဲ့၊ တိုင်းရင်းသားရေးရာဝန်ကြီး၏ ဦးဆောင်မှုဖြင့် တိုင်းရင်းသားအခွင့်အရေးများကာကွယ်စောင့်ရှောက်ရေးဦးစီးဌာန၊ ရန်ကုန်တိုင်းဒေသကြီး၊ ညွှန်ကြားရေးမှူးရုံးမှ ကြီးမှူးကျင်းပသော “တိုင်းရင်းသားအခွင့်အရေးဆိုင်ရာအသိပညာပေးဟောပြောခြင်းနှင့် ရပ်ရွာအခြေပြုအသက်မွေးဝမ်းကျောင်းပညာလိုအပ်ချက်တို့ကို ဆန်းစစ်စီမံခြင်း အစီအစဉ်” နှင့် “ဆပ်ပြာရည်၊ ခေါင်းလျှော်ရည်၊ ဆပ်ပြာခဲ၊  လက်သန့်ဆေးရည် လူသုံးကုန်ထုတ်လုပ်မှုနည်း ပညာသင်တန်းဖွင့်ပွဲအခမ်းအနား” ကို (၁၃-၆-၂၀၂၃) ရက်နေ့တွင် ရန်ကုန်တိုင်းဒေသကြီး၊ မှော်ဘီမြို့နယ်၊ ညောင်ရွာကျေးရွာ၊ မင်္ဂလာခန်းမ၌ ကျင်းပပြုလုပ်ခဲ့ပါသည်။        အခမ်းအနားတွင် ရန်ကုန်တိုင်းဒေသကြီး တိုင်းရင်းသားရေးရာဝန်ကြီး ဦးစောဂျက်ကော့ထူးက အဖွင့်အမှာစကား‌ပြောကြားခဲ့ပြီး တိုင်းရင်းသားစာပေနှင့်ယဉ်ကျေးမှုဦးစီးဌာန၊ ရန်ကုန်တိုင်းဒေသကြီး၊ ညွှန်ကြားရေးမှူးရုံးမှ ညွှန်ကြားရေးမှူး ဦးပြေဟိန်းနိုင်က တိုင်းရင်းသားလူမျိုးများရေး ရာဝန်ကြီးဌာနအကြောင်း မိတ်ဆက်ခြင်း၊ တိုင်းရင်းသားဘာသာသင် TA/LT ဆရာ/မ များခန့် ထားခြင်းဆိုင်ရာအကြောင်းတို့ကိုလည်းကောင်း၊  တိုင်းရင်းသားအခွင့်အရေးများကာကွယ်စောင့် ရှောက်ရေးဦးစီးဌာနမှ ဒုတိယညွှန်ကြားရေးမှူး၊ ဒေါ်ဖြူဖြူဝင်းက တိုင်းရင်းသားလူမျိုးများ၏ အခွင့် အရေးကာကွယ်စောင့်ရှောက်သည့်ဥပဒေ၊ နည်းဥပဒေများအကြောင်းနှင့် စစ်တမ်းကောက်ယူရ သည့် ရည်ရွယ်ချက်တို့ကိုလည်းကောင်း ရှင်းလင်းပြောကြားခဲ့ပါသည်။       ဆက်လက်၍ လူဝင်မှုကြီးကြပ်ရေးနှင့် ပြည်သူ့အင်အားဦးစီးဌာန၊ မြောက်ပိုင်းခရိုင်မှူး ဒေါ်ဉမ္မာညွှန့်က လူဝင်မှုကြီးကြပ်ရေးဦးစီးဌာန၏ လုပ်ငန်းဆောင်ရွက်နေမှု အခြေအနေများအား လည်းကောင်း၊ လူမှုဝန်ထမ်းဦးစီးဌာန၊ လက်ထောက်ညွှန်ကြားရေးမှူး၊ ဒေါ်ခင်စန်းမြင့်က လူမှု ဝန်ထမ်းဦးစီးဌာနမှ ဖွင့်လှစ်ထားရှိသည့် သင်တန်းကျောင်းများ၏ အခြေအနေ၊ အမျိုးသမီးအခွင့်အရေး နှင့်  ကလေးသူငယ်အခွင့်အရေးများအကြောင်းတို့ကို လည်းကောင်း၊ အသေးစားစက်မှုလက်မှုဦးစီးဌာနမှ ဦးစီးအရာရှိ ဒေါ်စန်းထွေးက ဦးစီးဌာန၏ သင်တန်းဖွင့်လှစ်ပေးမှု အခြေအနေနှင့် သင် တန်းဖွင့်လှစ်ရခြင်း၏ ရည်ရွယ်ချက်၊ သင်တန်းတွင် သင်ကြားပေးမည့် အကြောင်းအရာများနှင့် အမျိုးအစားတို့ကိုလည်းကောင်း၊  သမဝါယမဦးစီးဌာနမှ မြို့နယ်ဦးစီးမှူး ဦးကျော်သူစိုးက သမဝါယမဦးစီးဌာန၏ လုပ်ငန်းစဉ်များနှင့် သမဝါယမအသင်းချေးငွေအကြောင်း၊ အခြေခံစားသောက် ကုန်ရောင်းချပေးနေမှု အခြေအနေများကို လည်းကောင်း ရှင်းလင်းပြောကြားခဲ့ကြပါသည်။ ထို့နောက် တိုင်းရင်းသားအခွင့်အရေးများကာကွယ်စောင့်ရှောက်ရေးဦးစီးဌာနမှ ဝန်ထမ်း များက ရပ်ရွာအခြေပြုအသက်မွေးဝမ်းကျောင်းပညာ လိုအပ်မှုဆန်းစစ်ချက် စစ်တမ်းမေးခွန်း လွှာများအား ရှင်းလင်း၍  စစ်တမ်းကောက်ယူခဲ့ရာ တက်ရောက်လာကြသူများအနက် (၆၀) ဦး တို့မှ ဖြေဆိုခဲ့ပြီးနောက် အခမ်းအနားကို ရုပ်သိမ်းခဲ့ပါသည်။ အခမ်းအနားသို့ ရန်ကုန်တိုင်းဒေသကြီး ကရင်စာပေနှင့်ယဉ်ကျေးမှုအဖွဲ့ ဥက္ကဋ္ဌနှင့် တာဝန်ရှိသူများလည်း တက်ရောက်ခဲ့ကြပါသည်။