ပြည်ထောင်စုသမ္မတမြန်မာနိုင်ငံတော်အစိုးရ
တိုင်းရင်းသားလူမျိုးများရေးရာဝန်ကြီးဌာန
တိုင်းရင်းသားလူမျိုးများရေးရာဝန်ကြီးဌာန
တိုင်းရင်းသားလူမျိုးများရေးရာဝန်ကြီးဌာန၊ တိုင်းရင်းသားအခွင့်အရေးများကာကွယ် စောင့်ရှောက်ရေးဦးစီးဌာန၊ မကွေးတိုင်းဒေသကြီး ညွှန်ကြားရေးမှူးရုံးမှ ဦးဆောင်၍ “တိုင်းရင်းသား ရေးရာ အသိပညာပေးခြင်းနှင့် ရပ်ရွာအခြေပြုအသက်မွေးဝမ်းကျောင်းပညာလိုအပ်ချက်တို့ကို ဆန်းစစ်စီမံခြင်း”အစီအစဉ်ကို ၂၀၂၄ ခုနှစ်၊ ဇွန်လ(၁၈)ရက်နေ့တွင် မကွေးတိုင်းဒေသကြီး၊ မင်းဘူး ခရိုင်၊ ပွင့်ဖြူမြို့နယ်၊ မြို့နယ်အထွေထွေအုပ်ချုပ်ရေးဦးစီးဌာန၊ အစည်းအဝေးခန်းမ၌ ကျင်းပပြုလုပ် ခဲ့ရာ အဆိုပါအခမ်းအနားသို့ မကွေးတိုင်းဒေသကြီးအစိုးရအဖွဲ့ဝင်၊ တိုင်းရင်းသားရေးရာဝန်ကြီး ဦးထွန်းခင်၊ ပွင့်ဖြူ မြို့နယ် မြို့နယ်အုပ်ချုပ်ရေးမှူး၊ မြို့နယ်ရဲတပ်ဖွဲ့မှူး၊ လူမှုဝန်ထမ်းဦးစီးဌာန၊ ပြန်ကြားရေးနှင့် ပြည်သူ့ဆက်ဆံရေးဦးစီးဌာန၊ ပတ်ဝန်းကျင်ထိန်းသိမ်းရေးဦးစီးဌာန၊ တိုင်းရင်းသား အခွင့်အရေးများ ကာကွယ်စောင့်ရှောက်ရေးဦးစီးဌာနမှ တာဝန်ရှိသူများ၊ တိုင်း/ ခရိုင်/ မြို့နယ် အဆင့် ဌာနဆိုင်ရာဝန်ထမ်းများနှင့် ဒေသခံ “ချင်း”တိုင်းရင်းသား/သူများ စုစုပေါင်း (၁၅၂) ဦး တက်ရောက်ကြပါသည်။အဆိုပါအခမ်းအနားတွင် မကွေးတိုင်းဒေသကြီးအစိုးရအဖွဲ့ဝင်၊ တိုင်းရင်းသားရေးရာဝန်ကြီး ဦးထွန်းခင်က အဖွင့်အမှာစကားပြောကြားခဲ့ပြီး ပွင့်ဖြူမြို့နယ်၊ မြို့နယ်အုပ်ချုပ်ရေးမှူးက ကြိုဆို နှုတ်ခွန်းဆက်စကား ပြောကြားခဲ့ပါသည်။ဆက်လက်၍ တိုင်းရင်းသားအခွင့်အရေးများကာကွယ်စောင့်ရှောက်ရေးဦးစီးဌာန၊ မကွေးတိုင်း ဒေသကြီး ညွှန်ကြားရေးမှူးရုံးမှ တာဝန်ခံ ညွှန်ကြားရေးမှူး ဒေါ်မြတ်သန္တာဝင်းက တိုင်းရင်းသားလူမျိုးများရေးရာဝန်ကြီးဌာန ပေါ်ပေါက်လာပုံ၊ ပြည်ထောင်စုစိတ်ဓာတ် ရှင်သန်ရေး၊ လူငယ်များဗလငါးတန်ဖွံ့ဖြိုးရေး၊ နိုင်ငံသားအခွင့်အရေးဆိုင်ရာများနှင့် စစ်တမ်းကောက် ယူမည့် အချက်အလက်များ၊ ရှေ့လုပ်ငန်းစဉ်များနှင့်ပတ်သက်၍လည်းကောင်း၊ တိုင်းရင်းသား အခွင့်အရေးများကာကွယ် စောင့်ရှောက်ရေးဦးစီးဌာန၊ မကွေးတိုင်းဒေသကြီး ညွှန်ကြားရေး မှူးရုံးမှ ဦးစီးအရာရှိ ဒေါ်အိဖြူခိုင်က တိုင်းရင်းသားလူမျိုးများ၏ အခွင့်အရေးကာကွယ် စောင့်ရှောက်သည့် ဥပဒေ၊ နည်းဥပဒေများ၊ တိုင်းရင်းသားအခွင့်အရေးဆိုင်ရာများကို အသိပညာ ပေးခြင်းနှင့်စပ်လျဉ်း၍လည်းကောင်း၊ လူမှုဝန်ထမ်း ဦးစီးဌာနမှ ဦးစီးအရာရှိ ဒေါ်မြင့်မြင့်သန်းက အမျိုးသမီးရေးရာ၊ မသန်စွမ်းရေးရာ၊ လူ့အခွင့်အရေး၊ ကလေးသူငယ်ရေးရာ၊ ကလေးအလုပ်သမား နှင့် သက်ဆိုင်သည့် ဥပဒေပြဋ္ဌာန်းချက်၊ ကောက်နုတ်ချက်များ၊ လူမှုရေးပင်စင်များအကြောင်း ကိုလည်းကောင်း၊ ပတ်ဝန်းကျင်ထိန်းသိမ်းရေးဦးစီးဌာနမှ လက်ထောက်ညွှန်ကြားရေးမှူး ဦးကျော်ဇေယျက သဘာဝပတ်ဝန်းကျင်ထိန်းသိမ်းရေးဆိုင်ရာ အသိပညာပေးကိစ္စရပ် များအကြောင်းကိုလည်းကောင်း၊တိုင်းရင်းသားအခွင့်အရေးများ ကာကွယ်စောင့်ရှောက်ရေး ဦးစီးဌာန၊ မကွေးတိုင်းဒေသကြီး ညွှန်ကြားရေးမှူးရုံးမှ ဦးစီးအရာရှိ ဦးကျော်ဇေယျာဦးက တိုင်းရင်းသား ကလေးငယ်များ ကျောင်းစတင်အပ်နှံချိန်တွင် မိမိတို့လူမျိုး၏ ဝိသေသရှေ့ဆောင် စကားလုံး များပါဝင်သည့်အမည်ဖြင့် ကျောင်းအမည်စာရင်းရေးသွင်းနိုင်ရေးနှင့်စပ်လျဉ်းသည့် အသိပညာပေး ကိစ္စရပ်များ၊ အမုန်းစကားနှင့်အကြမ်းဖက်မှုဖြစ်စေရန် လှုံ့ဆော်မှုကိုတားဆီးခြင်းဆိုင်ရာ အသိပညာ ပေးကိစ္စရပ်များ၊ လူမျိုးပြုန်းတီးမှုတားဆီးရေးနှင့် ပြစ်ဒဏ်ပေးရေး နိုင်ငံတကာသဘောတူစာချုပ်ကို လိုက်နာဆောင်ရွက်ရေးနှင့်စပ်လျဉ်းသည့် အသိပညာပေးကိစ္စရပ်များကိုလည်းကောင်း အသိ ပညာပေး ဟောပြောခဲ့ပါသည်။ထို့နောက် တက်ရောက်လာကြသော ဧည့်သည်တော်များနှင့် ဒေသခံတိုင်းရင်းသားများ အား ဥပဒေ/နည်းဥပဒေစာအုပ်များနှင့် အမှတ်တရလက်ဆောင်များ ပေးအပ်ခဲ့ပြီး ပွင့်ဖြူမြို့နယ်၊ ဥပ္ပူး ချင်းတိုင်းရင်းသားစာပေနှင့် ယဉ်ကျေးမှုအသင်းဥက္ကဋ္ဌက ကျေးဇူးတင်စကား ပြန်လည်ပြောကြားခဲ့ ပါသည်။ ၎င်းနောက် တက်ရောက်လာကြသော ဧည့်သည်တော်များနှင့် စုပေါင်းမှတ်တမ်းတင် ဓာတ်ပုံရိုက်ကူးခဲ့ကြပါသည်။ဆက်လက်၍ ရပ်ရွာအခြေပြုအသက်မွေးဝမ်းကျောင်းပညာ လိုအပ်ချက်တို့ကို ဆန်းစစ် ချက်စစ်တမ်းမေးခွန်းလွှာများအား ရှင်းလင်းပြောကြားပြီး စစ်တမ်းကောက်ယူခဲ့ရာ ဒေသခံ တိုင်းရင်းသား (၈၀) ဦး တို့မှ ရပ်ရွာအခြေပြု အသက်မွေးဝမ်းကျောင်းပညာလိုအပ်မှု ဆန်းစစ်ချက် စစ်တမ်းမေးခွန်းလွှာများကို ဖြေဆိုခဲ့ကြပြီးနောက် အခမ်းအနားကို ရုတ်သိမ်းခဲ့ပါသည်။
ဆက်လက်ဖတ်ရှုပါရန်
တိုင်းရင်းသားလူမျိုးများရေးရာဝန်ကြီးဌာန၊ “Computer Repair and Maintenance သင်တန်း (၁/၂၀၂၄)” ဖွင့်ပွဲအခမ်းအနားကို ယနေ့နံနက်ပိုင်းတွင် တိုင်းရင်းသားလူမျိုးများရေးရာ ဝန်ကြီးဌာန၊ အစည်းအဝေးခန်းမ၌ ကျင်းပပြုလုပ်ရာ ပြည်ထောင်စုဝန်ကြီး Jeng Phang နော်တောင်၊ ဒုတိယဝန်ကြီး ဦးဇော်အေးမောင်၊ အမြဲတမ်းအတွင်းဝန်၊ ညွှန်ကြားရေးမှူးချုပ်များ၊ ဒုတိယအမြဲတမ်းအတွင်းဝန်၊ ဒုတိယညွှန်ကြားရေးမှူးချုပ်၊ အရာထမ်း၊ အမှုထမ်းများ၊ သင်တန်း နည်းပြဆရာများနှင့် သင်တန်းသား၊ သင်တန်းသူများ တက်ရောက်ကြပါသည်။ ရှေးဦးစွာ ပြည်ထောင်စုဝန်ကြီးက အဖွင့်အမှာစကားပြောကြားရာတွင် ယနေ့မျက်မှောက် ကာလတွင် သတင်းအချက်အလက်နှင့် ဆက်သွယ်ရေးနည်းပညာ (ICT) တိုးတက်ထွန်းကားလာ သည်နှင့်အမျှ ကမ္ဘာပေါ်ရှိ နိုင်ငံအများအပြားသည် ဒစ်ဂျစ်တယ်နည်းပညာကို အသုံးပြု၍ နိုင်ငံ ခေတ်မီတိုးတက်ရေး အကျိုးပြုလုပ်ငန်းများကို ဆောင်ရွက်လျက်ရှိကြပါကြောင်း၊ ကွန်ပျူတာ အသုံးပြုပြီး ရုံးလုပ်ငန်းများကို လွယ်ကူလျင်မြန်စွာ ဆောင်ရွက်လာနိုင်သော်လည်း ကွန်ပျူတာနှင့် ဆက်စပ်ပစ္စည်းများအား ပြုပြင်ထိန်းသိမ်းမှု၊ ဆိုက်ဘာလုံခြုံမှုအပါအဝင် လိုအပ်သည့်စစ်ဆေးမှု များကို ပုံမှန်ပြုလုပ်ပေးခြင်းမရှိပါက ကွန်ပျူတာ windows မတက်ခြင်း၊ Windows error ၊ Hardware error ၊ Software error ၊ Virus ၊ အန္တရာယ်ရှိသော Software Code များ ပျံ့နှံ့ခြင်း၊ ဆိုက်ဘာလုံခြုံရေးဆိုင်ရာ တိုက်ခိုက်ခံရခြင်းများ စသည့်အကြောင်းအရာများ ကြုံတွေ့နေရပါ ကြောင်း၊ သို့ဖြစ်ရာ တိုးတက်ပြောင်းလဲနေသော ICT နည်းပညာများကို အသုံးပြု၍ ရုံးလုပ်ငန်းသုံး ကွန်ပျူတာများအား စနစ်တကျ ပြုပြင်ထိန်းသိမ်းတတ်စေရန်၊ ICT ဆိုင်ရာ လူ့စွမ်းအားအရင်း အမြစ် ဖွံ့ဖြိုးတိုးတက်စေရန် ရည်ရွယ်၍ ယခုသင်တန်းကို ဖွင့်လှစ်ပို့ချရခြင်းဖြစ်ပါကြောင်း၊ နိုင်ငံတော်စီမံအုပ်ချုပ်ရေးကောင်စီ၏ လူမှုရေးဦးတည်ချက်တွင် “နိုင်ငံတော်၏ဖွံ့ဖြိုးတိုးတက်ရေး လုပ်ငန်းစဉ်များ၌ လူငယ်များအနေဖြင့် အဓိကစွမ်းအားစုများအဖြစ် ပါဝင်နိုင်ရေးနှင့် ဗလ ငါးတန်နှင့် ပြည်စုံသောလူငယ်၊ လူရွယ်များဖြစ်စေရန်အတွက် လူငယ်ကဏ္ဍကို မြှင့်တင်ဆောင်ရွက်ရန်” ဟုပါရှိသဖြင့် ဝန်ထမ်းများ၏ လုပ်ငန်းခွင် စွမ်းဆောင်ရည်မြှင့်တင်ခြင်း သင်တန်းများကိုလည်းကောင်း၊ တိုင်းဒေသကြီး/ ပြည်နယ်အလိုက် သက်မွေးပညာ သင်တန်းများကိုလည်းကောင်း ဖွင့်လှစ်ပို့ချ ပေးလျက်ရှိပါကြောင်း၊ ထိုကဲ့သို့ သင်တန်းများ ဖွင့်လှစ်ပို့ချပေးခြင်းဖြင့် လူ့စွမ်းအားအရင်းအမြစ် ဖွံ့ဖြိုးတိုးတက်စေရေးတွင် အထောက်အကူ ဖြစ်လာစေပြီး ဝန်ထမ်းများအနေဖြင့် မိမိတို့၏ လုပ်ငန်းခွင် စွမ်းဆောင်ရည်မြင့်မားရေးနှင့် မိမိဌာနတိုးတက်ရေးတို့ကို အစဉ်ရှေ့ရှုကာ နိုင်ငံတော်တည်ဆောက်ရေးလုပ်ငန်းစဉ်များတွင် မိမိတို့ကျရာကဏ္ဍမှ အပြုသဘောဆောင်၍ အားကြိုးမာန်တက် ပူးပေါင်းပါဝင် ဆက်လက် ကြိုးပမ်းဆောင်ရွက်သွားကြရန် တိုက်တွန်း ပြောကြားပါသည်။ယင်းနောက် ဒုတိယဝန်ကြီးက ယနေ့ Information Technology (IT) ခေတ်တွင် နည်းပညာများ တိုးတက်ထွန်းကားလာနှင့်အညီ ကွန်ပျူတာသည် ရုံးလုပ်ငန်းများတွင်သာမက ပြင်ပစီးပွားရေး လုပ်ငန်းများအတွက်ပါ မရှိမဖြစ်အသုံးဝင်လာသဖြင့် ကွန်ပျူတာနှင့် ဆက်စပ်သည့် နည်းပညာများကို သိရှိတတ်ကျွမ်း နားလည်ရုံမျှသာမက စနစ်တကျ ပြုပြင်ထိန်းသိမ်းတတ်ရန် လည်း အထူးပင်လိုအပ်လှပါကြောင်း၊ ယခုကဲ့သို့ လုပ်ငန်းခွင်မပျက် သင်တန်းများ ဖွင့်လှစ် ခြင်းဖြင့် ဝန်ထမ်းများအားလုံး ကွန်ပျူတာတတ်ကျွမ်းလာပြီး ရုံးလုပ်ငန်းစီမံခန့်ခွဲခြင်းနှင့် ပြည်သူ့ ဝန်ဆောင်မှုပေးခြင်းလုပ်ငန်းများတွင် အထောက်အကူပြုမည်ဖြစ်ပါကြောင်း၊ သင်တန်းမှ ပို့ချခဲ့သည့် သင်ခန်းစာများကို လက်တွေ့နယ်ပယ်တွင် စဉ်ဆက်မပြတ် ပြန်လည်အသုံးချခြင်းအားဖြင့် တစ်ဦးချင်းစီ၏ စွမ်းဆောင်ရည် ပိုမိုမြင့်မားလာမည်ဖြစ်ပြီး တတ်ကျွမ်းလာသည့် ပညာရပ်များကို လက်ဆင့်ကမ်းမျှဝေ သွားကြရမည်ဖြစ်ပါကြောင်း၊ ICT ပညာရပ်ဆိုင်ရာ ကျွမ်းကျင်သည့် ဝန်ထမ်းများ ပိုမိုထွက်ပေါ်လာပါက ဝန်ကြီးဌာန၏ ရည်မှန်းချက်၊ မျှော်မှန်းချက်များကို အကောင်အထည်ဖော်ရာတွင် ပိုမိုအထောက်အကူပြုနိုင်မည်ဖြစ်သဖြင့် အထူးကြိုးစား သင်ယူသွားကြရန် အလေးအနက်ထား မှာကြားလိုပါကြောင်း ပြောကြားပါသည်။ဆက်လက်၍ သင်တန်းနည်းပြဆရာများနှင့် သင်တန်းသား၊ သင်တန်းသူများက တစ်ဦးချင်း မိတ်ဆက်ကြပါသည်။ထို့နောက် ပြည်ထောင်စုဝန်ကြီး၊ ဒုတိယဝန်ကြီးနှင့် တာဝန်ရှိသူများသည် သင်တန်းနည်းပြ ဆရာများ၊ သင်တန်းသား၊ သင်တန်းသူများနှင့်အတူ စုပေါင်းမှတ်တမ်းတင်ဓာတ်ပုံ ရိုက်ကူးကြပြီး အခမ်းအနားကို ရုပ်သိမ်းခဲ့ပါသည်။အဆိုပါ သင်တန်းကာလမှာ ရက်သတ္တ (၃) ပတ် ကြာမြင့်မည်ဖြစ်ပြီး သင်တန်းသား၊ သင်တန်းသူ (၁၆) ဦး တက်ရောက်ကြကြောင်း သိရှိရပါသည်။
ဆက်လက်ဖတ်ရှုပါရန်
ကရင်ပြည်နယ်အစိုးရအဖွဲ့၊ တိုင်းရင်းသားရေးရာဝန်ကြီး၏ လမ်းညွှန်မှုဖြင့် ကရင်ပြည်နယ် တိုင်းရင်းသားအခွင့်အရေးများကာကွယ်စောင့်ရှောက်ရေးဦးစီးဌာန၊ ကရင်ပြည်နယ် ညွှန်ကြားရေးမှူးရုံးက ကြီးမှူး၍ (၁၈-၆-၂၀၂၄) ရက်နေ့တွင် တိုင်းရင်းသားလူမျိုးများ၏ လူမှုစီးပွားဘဝဖွံ့ဖြိုးတိုးတက်စေရန် ကရင်ပြည်နယ်၊ ဘားအံမြို့၊ မိန်းမလှကျွန်းကျေးရွာ၊ သုစိတာရာမဘုန်းတော်ကြီးကျောင်းဓမ္မာရုံ၌ “အခြေခံစားသောက်ကုန်ထုတ်လုပ်မှုနည်းပညာပေး သင်တန်းဖွင့်ပွဲအခမ်းအနား”ကျင်းပခဲ့ပါသည်။အဆိုပါဖွင့်ပွဲအခမ်းအနားတွင် တိုင်းရင်းသားရေးရာဝန်ကြီး ဦးစန်းကိုက ကရင်ပြည်နယ်အတွင်းရှိ တိုင်းရင်းသားလူမျိုးများ၏လူမှုစီးပွားဘဝဖွံ့ဖြိုးစေရေး၊ တစ်ရွာထုတ်ကုန်တစ်မျိုး ထုတ်လုပ်နိုင်သည့် လုပ်ငန်းငယ်များပေါ်ပေါက်ပြီး တိုင်းရင်းသားတို့၏ လူမှုစီးပွားကို အထောက်အကူပြုစေရန်နှင့် ဒေသခံတိုင်းရင်းသားများအနေဖြင့် မိမိတို့၏ ကျေးရွာတွင် ထွက်ရှိသော အသီးအနှံများကို လေလွင့်မှုနည်းပါးပြီး ဈေးကွက်ဝင်စားသောက်ကုန်ပစ္စည်းများ ထုတ်လုပ်နိုင်စေရန် ဖွင့်လှစ်ရခြင်းဖြစ်ကြောင်း ပြောကြား၍ သင်တန်းထောက်ပံ့ငွေနှင့် သင်တန်းအတွက်လိုအပ်သော ထောက်ပံ့ပစ္စည်းများ ပေးအပ်ခဲ့သည်။အခမ်းအနားသို့ တိုင်းရင်းသားရေးရာဝန်ကြီးဦးစန်းကို၊ တိုင်းရင်းသားအခွင့်အရေးများကာကွယ်စောင့်ရှောက်ရေးဦးစီးဌာနမှ ညွှန်ကြားရေးမှူးဦးကျော်စိုး၊ တိုင်းရင်းသားစာပေနှင့် ယဉ်ကျေးမှုဦးစီးဌာနမှ ညွှန်ကြားရေးမှူးဒေါ်ရီရီဝင်း၊ အသေးစားစက်မှုလက်မှုလုပ်ငန်းဦးစီးဌာန မှ လက်ထောက်ညွှန်ကြားရေးမှူး ဒေါ်ဖြူဖြူစိန်နှင့် ဌာနဆိုင်ရာမှ ဧည့်သည်တော်များ၊ ကျေးရွာသူ၊ ကျေးရွာသားများ တက်ရောက်ခဲ့ကြပါသည်။အဆိုပါအခြေခံစားသောက်ကုန်ထုတ်လုပ်မှုနည်းပညာပေးသင်တန်းကို (၇) ရက်ကြာ သင်ကြားပို့ချပေးသွားမည်ဖြစ်ပြီး မိန်းမလှကျွန်းကျေးရွာမှ သင်တန်းသား၊ သင်တန်းသူ (၃၀)ဦး တက်ရောက်လျက်ရှိကာ သစ်သီးယိုမျိုးစုံ၊ သစ်သီးဖျော်ရည်၊ နှမ်းယို၊ မြေပဲယိုနှင့် သစ်သီး ဂျယ်လီအမျိုးမျိုး ပြုလုပ်နည်းများကို သင်ကြားပို့ချပေးသွားမည်ဖြစ်ကြောင်းသိရှိရပါသည်။
ဆက်လက်ဖတ်ရှုပါရန်
တိုင်းရင်းသားလူမျိုးများရေးရာဝန်ကြီးဌာန၊ တိုင်းရင်းသားအခွင့်အရေးများကာကွယ်စောင့် ရှောက်ရေးဦးစီးဌာန၊ မွန်ပြည်နယ်၊ ညွှန်ကြားရေးမှူးရုံးမှ ဦးဆောင်ကျင်းပပြုလုပ်သော “ တိုင်းရင်း သားရေးရာအသိပညာပေးဟောပြောခြင်းနှင့် ရပ်ရွာအခြေပြုအသက်မွေးဝမ်းကျောင်းပညာလိုအပ်ချက်တို့ကို ဆန်းစစ်စီမံခြင်းအခမ်းအနား” ကို (၁၂-၆-၂၀၂၄) ရက်နေ့ နံနက် (၀၉:၀၀) နာရီအချိန် တွင် မွန်ပြည်နယ်၊ မော်လမြိုင်မြို့နယ်၊ မင်းရွာကျေးရွာ၊ တိုင်းရင်းသားလူမျိုးများရေးရာဝန်ကြီး ဌာန၊ ညွှန်ကြားရေးမှူးရုံး၊ အစည်းအဝေးခန်းမ၌ ကျင်းပပြုလုပ်ခဲ့ရာ အခမ်းအနားသို့ မွန်ပြည်နယ် အစိုးရအဖွဲ့ဝင် တိုင်းရင်းသားရေးရာဝန်ကြီး ဦးခင်မောင်ဦး၊ ပြည်နယ်/ မြို့နယ်အဆင့် ဌာနဆိုင်ရာ ဝန်ထမ်းများ၊ မင်းရွာကျေးရွာအုပ်ချုပ်ရေးမှူးနှင့်အဖွဲ့ဝင်များ၊ ဒေသခံတိုင်းရင်းသားများ တက်ရောက်ခဲ့ ပါသည်။အခမ်းအနားတွင် မွန်ပြည်နယ်အစိုးရအဖွဲ့ဝင် တိုင်းရင်းသားရေးရာဝန်ကြီး ဦးခင်မောင်ဦးမှ အဖွင့်အမှာစကားပြောကြားခဲ့ပါသည်။ ဆက်လက်၍ တိုင်းရင်းသားအခွင့်အရေးများကာကွယ်စောင့် ရှောက်ရေးဦးစီးဌာန၊ မွန်ပြည်နယ် ညွှန်ကြားရေးမှူးရုံးမှ လက်ထောက်ညွှန်ကြားရေးမှူး ဒေါ်လေးလေးနွယ်က တိုင်းရင်းသားလူမျိုးများရေးရာဝန်ကြီးဌာန၏ လုပ်ငန်းဆောင်ရွက်မှုများ၊ အမုန်းစကားနှင့် အကြမ်းဖက်မှု ဖြစ်စေရန် လှုံ့ဆော်မှုကို တားဆီးခြင်းဆိုင်ရာ အသိပညာပေးကိစ္စ ရပ်များအားလည်းကောင်း၊ ဦးစီးအရာရှိ ဒေါ်ဌေးမို့မို့က တိုင်းရင်းသားလူမျိုးများ၏ အခွင့်အရေးကာကွယ်စောင့်ရှောက်သည့် ဥပဒေ ၊ နည်းဥပဒေများတွင် ပြဋ္ဌာန်းထားရှိသည့် တိုင်းရင်းသားအခွင့် အရေးဆိုင်ရာကိစ္စရပ်များ၊ လူမျိုးပြုန်းတီးမှု တားဆီးရေးနှင့် ပြစ်ဒဏ်ပေးရေး နိုင်ငံတကာ သဘော တူစာချုပ်ကို လိုက်နာဆောင်ရွက်ရေးနှင့် စပ်လျဉ်းသည့် အသိပညာပေးကိစ္စရပ်များကို လည်းကောင်း၊ တိုင်းရင်းသားစာပေနှင့်ယဉ်ကျေးမှုဦးစီးဌာန၊ မွန်ပြည်နယ်၊ ညွှန်ကြားရေးမှူးရုံးမှ ဦးစီးအရာရှိ ဒေါ်တင်မမမျိုးက အခြေခံပညာကျောင်းများတွင် တိုင်းရင်းသားစာပေသင်ကြားသည့် ဆရာ၊ ဆရာမ ခန့်ထားခြင်းဆိုင်ရာ ကိစ္စရပ်များကိုလည်းကောင်း၊ မော်လမြိုင်ခရိုင် လူဝင်မှုကြီး ကြပ်ရေးနှင့်ပြည်သူ့အင်အားဝန်ကြီးဌာနမှ ဒုတိယညွှန်ကြားရေးမှူး ဦးသန်းအေးက နိုင်ငံသား အခွင့်အရေးနှင့် တိုင်းရင်းသားလူမျိုးများ၏ အမည်ရှေ့တွင် ဝိသေသရှေ့ဆောင်စကားလုံးများ ပါဝင်ရေးသွင်းနိုင်ရေး ကိစ္စရပ်များကိုလည်းကောင်း၊ မွန်ပြည်နယ် လူမှုဝန်ထမ်းဦးစီးဌာနမှ လက်ထောက်ညွှန်ကြားရေးမှူး ဒေါ်ဝင်းဝင်းမာက အမျိုးသမီး အခွင့်အရေး၊ မသန်စွမ်းအခွင့်အရေး ၊ ကလေးသူငယ်အခွင့်အရေး၊ လူငယ်ရေးရာမူဝါဒ၊ လူမှုရေး ပင်စင်ဆိုင်ရာ ကိစ္စရပ်များကို လည်းကောင်း၊ မွန်ပြည်နယ် ပတ်ဝန်းကျင်ထိန်းသိမ်းရေးဦးစီးဌာနမှ လက်ထောက်ညွှန်ကြားရေးမှူး ဒေါ်အေးခိုင်ကျော်မှ ကမ်းရိုးတန်းဒေသများတွင် စွန့်ပစ်ပစ္စည်းများ စနစ်တကျ စီမံခန့်ခွဲ ခြင်းနှင့်ပတ်သက်၍ အသိပညာပေးခြင်းကိုလည်းကောင်း၊ လက်ထောက်ညွှန်ကြားရေးမှူး ဒေါ်လေးလေးနွယ်က စစ်တမ်းကောက်ယူရသည့် ရည်ရွယ်ချက်နှင့် စစ်တမ်းမေးခွန်းလွှာများတွင် ဖြေဆိုရမည့် ပုံစံများအား ရှင်းလင်းပြောကြားခဲ့ပါသည်။ထို့နောက် မွန်ပြည်နယ်တိုင်းရင်းသားအခွင့်အရေးများကာကွယ်စောင့်ရှောက်ရေးဦးစီးဌာနမှ ဝန်ထမ်းများမှ ရပ်ရွာအခြေပြုအသက်မွေးဝမ်းကျောင်းပညာလိုအပ်ချက်တို့ကို စစ်တမ်းကောက်ယူ ခဲ့ရာ တက်ရောက်လာကြသော ဒေသခံတိုင်းရင်းသား ( ၆၀ ) ဦး တို့မှ စစ်တမ်းမေးခွန်းလွှာများ ဖြေဆိုခဲ့ကြပြီး အခမ်းအနားသို့ တက်ရောက်လာကြသူများအား တိုင်းရင်းသားလူမျိုးများ၏ အခွင့်အရေးကာကွယ်စောင့်ရှောက်သည့် ဉပဒေနှင့်နည်းဉပဒေစာအုပ်များ၊ လက်ကမ်းစာစောင်များ နှင့် အမှတ်တရလက်ဆောင်ပစ္စည်းပေးအပ်ပြီး အခမ်းအနားကို ရုတ်သိမ်းခဲ့ပါသည်။
ဆက်လက်ဖတ်ရှုပါရန်
တိုင်းရင်းသားလူမျိုးများရေးရာဝန်ကြီးဌာနနှင့် ရန်ကုန်တိုင်းဒေသကြီးအစိုးရအဖွဲ့တို့၏ လမ်းညွှန်မှုဖြင့် တိုင်းရင်းသားအခွင့်အရေးများကာကွယ်စောင့်ရှောက်ရေးဦးစီးဌာန၊ ရန်ကုန်တိုင်းဒေသကြီး ညွှန်ကြားရေးမှူးရုံးက ကြီးမှူးကျင်းပသော “ဂဟေဆက်သင်တန်း” ဖွင့်ပွဲအခမ်းအနားကို ၁၂-၆-၂၀၂၄ ရက်နေ့တွင် တိုက်ကြီးမြို့နယ်၊ ဖလုဘူတာကျေးရွာ၌ ကျင်းပပြုလုပ်ခဲ့ပါသည်။ အခမ်းအနားတွင် တိုင်းရင်းသားအခွင့်အရေးများကာကွယ်စောင့်ရှောက်ရေးဦးစီးဌာန ရန်ကုန်တိုင်းဒေသကြီးညွှန်ကြားရေးမှူးရုံးမှ ညွှန်ကြားရေးမှူး ဒေါ်ဖြူဖြူဝင်းက အဖွင့်အမှာစကား ပြောကြားခဲ့ပြီးနောက် အလုပ်သမားညွှန်ကြားရေးဦးစီးဌာနမှ သင်တန်းနည်းပြ ဦးလှမျိုးက သင်တန်းနှင့်ပတ်သက်သည့် အကြောင်းအရာများ ရှင်းလင်းပြောကြားခဲ့ပါသည်။ ထို့နောက် စုပေါင်း မှတ်တမ်းတင်ဓါတ်ပုံများ ရိုက်ကူးခဲ့ကြပါသည်။အဆိုပါအခမ်းအနားသို့ တိုင်းရင်းသားအခွင့်အရေးများ ကာကွယ်စောင့်ရှောက်ရေးဦးစီးဌာနမှ ညွှန်ကြားရေးမှူး ဒေါ်ဖြူဖြူဝင်းနှင့်ဝန်ထမ်းများ၊ အလုပ်သမားညွှန်ကြားရေးဦးစီးဌာနမှ သင်တန်းနည်းပြ ဦးလှမျိုး၊ တိုင်းရင်းသားစာပေနှင့် ယဉ်ကျေးမှုဦးစီးဌာနမှ ဦးစီးရာရှိ ဦးသန်းဇော်ထွန်း၊ ကရင်စာပေနှင့် ယဉ်ကျေးမှုအသင်းမှ တာဝန်ရှိသူများ တက်ရောက်ခဲ့ကြပြီး အဆိုပါ “ဂဟေဆက် သင်တန်း” ကို (၁၂-၆-၂၀၂၄) ရက်နေ့မှ (၂၅-၆-၂၀၂၄) ရက်နေ့အထိ ရက်သတ္တပတ် (၂)ပတ်ကြာ ဖွင့်လှစ်ပို့ချသွားမည်ဖြစ်ပြီး သင်တန်းသား (၂၀)ဦး တက်ရောက်သင်ကြားသွားမည်ဖြစ်ကြောင်း သိရှိရပါသည်။
ဆက်လက်ဖတ်ရှုပါရန်
မဲခေါင်-လန်ချန်းပူးပေါင်းဆောင်ရွက်မှုအစီအစဉ်ဖြင့် “ရှမ်းပြည်နယ်တိုင်းရင်းသားရေးရာနှင့် သက်မွေးပညာသင်တန်းစင်တာ”ကို ရှမ်းပြည်နယ်၊ တောင်ကြီးမြို့နယ်၊ အေးသာယာမြို့၊ အမှတ်(၂) ရပ်ကွက်၊ အကွက်အမှတ်(၂၂)၊ ခပေါင်းရေကြည်ရပ်၌ ဖွင့်လှစ်လျက်ရှိပါသည်။ရှမ်းပြည်နယ်အစိုးရအဖွဲ့ဝင်၊ တိုင်းရင်းသားရေးရာဝန်ကြီး ဦးအောင်ကြည်ဝင်းသည် တိုင်းရင်းသားအခွင့်အရေးများကာကွယ်စောင့်ရှောက်ရေးဦးစီးဌာန၊ ညွှန်ကြားရေးမှူးချုပ် ဦးမင်းအေးကိုနှင့် တိုင်းရင်းသားလူမျိုးများရေးရာဝန်ကြီးဌာန၊ ရှမ်းပြည်နယ်ညွှန်ကြားရေးမှူးရုံးမှ တာဝန်ရှိသူများလိုက်ပါလျက် ဇွန်လ(၁၀)ရက်နေ့ နံနက်ပိုင်းတွင် ရှမ်းပြည်နယ်၊ တောင်ကြီးမြို့နယ်၊ အေးသာယာမြို့ရှိ တိုင်းရင်းသားလူမျိုးများရေးရာဝန်ကြီးဌာန၊ ရှမ်းပြည်နယ်တိုင်းရင်းသားရေးရာ နှင့်သက်မွေးပညာသင်တန်းစင်တာ၌ ဖွင့်လှစ်ခဲ့သည့် မော်တော်ဆိုင်ကယ်စက်ပြင်သင်တန်း (၃/၂၀၂၄) နှင့် အခြေခံကွန်ပျူတာသင်တန်း(၂/၂၀၂၄) သင်တန်းဆင်းပွဲအခမ်းအနားသို့ တက်ရောက် ခဲ့ပါသည်။ ပထမဦးစွာ ရှမ်းပြည်နယ်အစိုးရအဖွဲ့ဝင်၊ တိုင်းရင်းသားရေးရာဝန်ကြီး ဦးအောင်ကြည်ဝင်းက သင်တန်းဆင်းအမှာစကားပြောကြားရာတွင် ရှမ်းပြည်နယ်တိုင်းရင်းသားရေးရာနှင့်သက်မွေးပညာ သင်တန်းစင်တာ၌ မော်တော်ဆိုင်ကယ်စက်ပြင်သင်တန်း ၃ ကြိမ် နှင့် အခြေခံကွန်ပျူတာသင်တန်း ၂ ကြိမ် ဖွင့်လှစ်ခဲ့ပြီး သင်တန်းသားဦးရေ (၁၀၀) ဦး တက်ရောက်ခဲ့ပါကြောင်း၊ ယခု ဖွင့်လှစ်ပေး ခဲ့သည့် သင်တန်းများသည် ရပ်ရွာအကျိုး၊ နိုင်ငံအကျိုးများကို အသေးအဖွဲ့မှအစ အကျိုးပြုနိုင် ပါကြောင်း၊ ကွန်ပျူတာသင်တန်းသည် အခြေခံဖြစ်သော်လည်း မိမိတို့ကိုယ်တိုင် လေ့လာသင်ယူ ကြရန်နှင့် အဆင့်မြင့်ကွန်ပျူတာစာရင်းကိုင်သင်တန်းများသို့ ဆက်လက်တက်ရောက်စေလို ကြောင်း၊ ယင်းသို့တက်ရောက်ခြင်းအားဖြင့် ဌာန/ကုမ္ပဏီများသို့ အလုပ်သွားရောက်လျှောက်သည့် အခါ မျက်နှာမငယ်ရပါကြောင်း၊ မော်တော်ဆိုင်ကယ်စက်ပြင်သင်တန်းနှင့် ပတ်သက်၍လည်း ၁လအတွင်း မိမိကိုယ်ကိုယ် မည်မျှတတ်မြောက်နေပြီဖြစ်သည်ကို သုံးသပ်ပြီး အသက်မွေးဝမ်းကျောင်း အတွက် အထောက်အကူပြုနိုင်သည်အထိ ဆက်လက်လေ့လာရန်လိုပါကြောင်း၊ မော်တော်ဆိုင်ကယ်စက်ပြင်သင်တန်းကို အကြောင်းပြု၍ စက်များ၏ လည်ပတ်မှုအနေအထားကို လေ့လာခြင်းဖြင့် ကျွမ်းကျင်ပညာရှင်များဖြစ်လာနိုင်ပါကြောင်းနှင့် ကိုယ်စွမ်းဉာဏ်စွမ်းရှိသလောက် ကြိုးစားရမည် ဖြစ်ပါကြောင်းဖြင့် အမှာစကားပြောကြားခဲ့ပါသည်။ ထို့နောက် တိုင်းရင်းသားလူမျိုးများရေးရာဝန်ကြီးဌာန၊ တိုင်းရင်းသားအခွင့်အရေးများ ကာကွယ်စောင့်ရှောက်ရေးဦးစီးဌာန၊ ညွှန်ကြားရေးမှူးချုပ် ဦးမင်းအေးကိုက အမှာစကားပြောကြားရာ တွင် တိုင်းရင်းသားလူမျိုးများရေးရာဝန်ကြီးဌာနသည် တိုင်းရင်းသားရေးရာကိုအဓိကဆောင်ရွက်သည့် ဌာနဖြစ်ပါကြောင်း၊ တိုင်းရင်းသားတို့၏ စကား၊ စာပေ၊ ယဉ်ကျေးမှု၊ အနုပညာ၊ ဓလေ့ထုံးစံတို့ကို မပျောက်ပျက်စေရန်နှင့် တိုင်းရင်းသားတို့ရပိုင်ခွင့်ရှိသည့် အခွင့်အရေးများကို ကာကွယ်စောင့်ရှောက် ပေးသည့်ဌာနဖြစ်ပါကြောင်း၊ ဤသင်တန်းစင်တာသည် မဲခေါင်-လန်ချန်း ပူးပေါင်းဆောင်ရွက်မှု အထူးရန်ပုံငွေနှင့် ပြည်ထောင်စုဘဏ္ဍာရန်ပုံငွေများဖြင့် တည်ဆောက်ရခြင်း ဖြစ်ကြောင်း၊ မဲခေါင်မြစ်စီးဆင်းရာလမ်းကြောင်းရှိ ရှမ်းပြည်နယ်မှ ဒေသခံတိုင်းရင်းသားများအား လူမှုစီးပွားဘဝ ဖွံ့ဖြိုးတိုးတက်ရန်ရည်ရွယ်ပြီး သင်တန်းများကို ဖွင့်လှစ်ရခြင်းဖြစ်ပါကြောင်း၊ မော်တော်ဆိုင်ကယ် သင်တန်းများကို ဖွင့်လှစ်လျက်ရှိရာ မွမ်းမံသင်တန်းကို ဆက်လက်ဖွင့်လှစ်ရန် ရည်ရွယ်ထားပါကြောင်း၊ ဖွင့်လှစ်ပြီးစီးခဲ့သည့် မော်တော်ဆိုင်ကယ်စက်ပြင်သင်တန်းများသို့ တက်ရောက်ခဲ့သည့် သင်တန်းသား များအနေဖြင့် အချို့မှာ ကိုယ်ပိုင်ဆိုင်ကယ်ပြင်ဆိုင် ဖွင့်လှစ်နိုင်ခြင်းနှင့် အချို့မှာ ကိုယ်ပိုင် ဆိုင်မဖွင့် နိုင်သော်လည်း မိမိတို့ရပ်ရွာအတွင်းရှိ ဆိုင်ကယ်များအား ပြင်ဆိုင်ပေးနိုင်ခြင်းတို့ ဆောင်ရွက်နိုင်သည်ကို သိရှိရပါကြောင်း၊ အခြေခံကွန်ပျူတာသင်တန်း တက်ရောက်ပြီးသူများအနေဖြင့်လည်း အခြေခံတတ်မြောက်ထားသည့်အတွက် အလုပ်လျှောက်ထားရာတွင် လွယ်ကူမှုရှိသည်ကို တွေ့ရှိရ ပါကြောင်း၊ ငယ်ရွယ်စဉ်သင်ကြားခဲ့သည့် အတတ်ပညာမှန်သမျှကို မမေ့လျော့သင့်ကြောင်း၊ ကွန်ပျူတာမရှိသော်လည်း ဖုန်းဖြင့် ဆက်လက်၍ လေ့လာ၍ ရပါကြောင်းနှင့် အတွေ့အကြုံက ပိုမိုကောင်းမွန်စွာ တတ်မြောက်အောင် ဆောင်ရွက်ပေးနိုင်ပါကြောင်း ပြောကြားခဲ့ပါသည်။ ယင်းနောက် တိုင်းရင်းသားလူမျိုးများရေးရာဝန်ကြီးဌာနမှ ထောက်ပံ့ပေးသည့် ပစ္စည်းများနှင့် သင်တန်းဆင်းလက်မှတ်များအား ရှမ်းပြည်နယ်အစိုးရအဖွဲ့ဝင်၊ တိုင်းရင်းသားရေးရာဝန်ကြီး ဦးအောင်ကြည်ဝင်းနှင့် တိုင်းရင်းသားအခွင့်အရေးများကာကွယ်စောင့်ရှောက်ရေးဦးစီးဌာန၊ ညွှန်ကြားရေးမှူးချုပ်တို့က ပေးအပ်ခဲ့ပြီး စုပေါင်းမှတ်တမ်းတင်ဓါတ်ပုံရိုက်ကူးခဲ့ပါသည်။ အဆိုပါ သင်တန်းများကို (၉-၅-၂၀၂၄)ရက်နေ့မှ (၉-၆-၂၀၂၄) ရက်နေ့အထိ ဖွင့်လှစ်ခဲ့ပြီး ရှမ်းပြည်နယ် အတွင်းရှိ ရှမ်း၊ ပအိုဝ်း၊ ဓနု၊ တောင်ရိုး၊ အင်းသား၊ ဗမာ၊ လားဟူ၊ ကရင်၊ ကချင် စသည့် တိုင်းရင်းသား မျိုးနွယ်စုမှ သင်တန်းသူ/သား(၄၀)ဦးတို့ တက်ရောက်သင်ကြားခဲ့ပါသည်။
ဆက်လက်ဖတ်ရှုပါရန်
တိုင်းရင်းသားလူမျိုးများရေးရာဝန်ကြီးဌာန ၂၀၂၃-၂၀၂၄ ပညာသင်နှစ် တက္ကသိုလ်ဝင်တန်း စာမေးပွဲအောင်မြင်သူများအား ဆုချီးမြှင့်ခြင်းနှင့် ၂၀၂၄-၂၀၂၅ ပညာသင်နှစ်အတွက် စာရေးကိရိယာများပေးအပ်ခြင်း အခမ်းအနားကို ယနေ့နံနက်ပိုင်းတွင် တိုင်းရင်းသားလူမျိုးများရေးရာ ဝန်ကြီးဌာန၊ အစည်းအဝေးခန်းမ၌ ကျင်းပပြုလုပ်ရာ ပြည်ထောင်စုဝန်ကြီး Jeng Phang နော်တောင်၊ ဒုတိယဝန်ကြီး ဦးဇော်အေးမောင်၊ အမြဲတမ်းအတွင်းဝန်၊ ညွှန်ကြားရေးမှူးချုပ်များ၊ ဒုတိယအမြဲတမ်းအတွင်းဝန်၊ ဒုတိယညွှန်ကြားရေးမှူးချုပ်၊ အရာထမ်း၊ အမှုထမ်းများနှင့် ကျောင်းသား၊ ကျောင်းသူများ တက်ရောက်ခဲ့ကြပါသည်။ ဦးစွာ ပြည်ထောင်စုဝန်ကြီးက အဖွင့်အမှာစကားပြောကြားရာတွင် နိုင်ငံတော် အကြီးအကဲက လူသားတိုင်းသည် ဘဝတိုးတက်မှုကို လိုလားကြပြီး အဓိကလိုအပ်ချက်ဖြစ်သည့် အသိပညာ၊ အတတ်ပညာများကို အမြဲမပြတ် လေ့လာကြိုးစားအားထုတ်ကြရမည်ဖြစ်ပြီး စာပေဗဟုသုတ၊ ဘာသာစကားနှင့် အခြားသောနည်းပညာပိုင်းဆိုင်ရာများကို လေ့လာသင်ယူ နေရမည်ဟု လမ်းညွှန်မှာကြားထားပါကြောင်း၊ နိုင်ငံတော်က ကျောင်းနေအရွယ် ကလေးများ အားလုံး ကျောင်းနေရေးနှင့် အနည်းဆုံး KG+9 ပြီးမြောက်အောင် ပညာသင်ယူရေး၊ ကျောင်းထွက်နှုန်း လျော့နည်းစေရေးတို့ကို စဉ်ဆက်မပြတ် ဦးစားပေးချမှတ် အကောင် အထည်ဖော် ဆောင်ရွက်လျက်ရှိပါကြောင်း၊ ပညာသည် နိုင်ငံ၏အနာဂတ်၊ နိုင်ငံ၏ မီးရှူး တန်ဆောင် အလင်းရောင်ဖြစ်ပြီး ပညာဖြင့် မိမိတို့ဘဝနှင့် နိုင်ငံတော်ကို တည်ဆောက်ရမည် ဖြစ်၍ တိုးတက်ဖြစ်ထွန်းလာသော ပညာရေးကို ဆက်လက်မြှင့်တင်အားပေးပြီး ဆုံးခန်းတိုင်အောင် သင်ယူပြီးမြောက်နိုင်ရေး မိဘများနှင့် ဆရာ၊ ဆရာမများအနေဖြင့် ဝိုင်းဝန်းကြိုးပမ်းဆောင်ရွက် ကြရန်နှင့် စံနမူနာပြဖြစ်သည့် မိခင်ကောင်း ဖခင်ကောင်းများအဖြစ် ပြုမူနေထိုင်ကြရမည် ဖြစ်ပါကြောင်း၊ ခေတ်မီဖွံ့ဖြိုးတိုးတက်သော ဒီမိုကရေစီနိုင်ငံတော် တည်ဆောက်ရာတွင် အသိပညာ၊ အတတ်ပညာ၊ ပင်ကိုယ်အရည်အသွေး၊ စွမ်းရည်များနှင့် ပြည့်စုံသည့် လူ့စွမ်းအား အရင်းအမြစ်များမွေးထုတ်ပေးနိုင်သည့် ဘက်စုံပညာရေးကဏ္ဍကို မြှင့်တင်နိုင်ရန် ဦးတည် ကြိုးပမ်းလျက်ရှိရာ သားငယ် သမီးငယ်များက ပညာရေးကို အစွမ်းကုန်ကြိုးစားဆောင်ရွက် ခြင်းဖြင့် နိုင်ငံတော်သစ် တည်ဆောက်ရေးတွင် တစ်တပ်တစ်အား ပါဝင်ကြစေလိုပါကြောင်း၊ ယခုကဲ့သို့ တက္ကသိုလ်ဝင်တန်းစာမေးပွဲ အောင်မြင်သူများအား ဂုဏ်ပြုချီးမြှင့်ခြင်းနှင့် အခြေခံ ပညာ ကျောင်းသား၊ ကျောင်းသူများအား ထောက်ပံ့ချီးမြှင့်ခြင်းသည် အနာဂတ်နိုင်ငံတော်၏ ပခုံးပြောင်းတာဝန်များကို လက်ဆင့်ကမ်းရယူကြမည့် ကျောင်းသား၊ ကျောင်းသူ မျိုးဆက်သစ်များ၏ ကြိုးစားအားထုတ်မှုများကို အသိအမှတ်ပြုခြင်းဖြစ်သည့်အပြင် ထူးချွန် ထက်မြက်သည့် အသိပညာရှင် အတတ်ပညာရှင်များ ပေါ်ထွက်လာစေရန် ခွန်အား တစ်ခုအနေဖြင့် တိုက်တွန်းနှိုးဆော်ခြင်းဖြစ်ပါကြောင်း၊ ပညာရည်ပြည့်ဝသော နိုင်ငံ့ သားကောင်းရတနာများ ပေါ်ထွက်လာမှသာ တိုင်းပြည်၏ အနာဂတ်သည်လည်း ထွန်းလင်း တောက်ပလာမည်ဖြစ်ပါကြောင်း၊ မျိုးဆက်သစ် ကျောင်းသား၊ ကျောင်းသူများအနေဖြင့် တိုးတက်ပြောင်းလဲနေသည့် အတတ်ပညာ၊ နည်းပညာသစ်များနှင့် ရင်ဘောင်တန်းနိုင်ရန် အစဉ်ကြိုးစားအားထုတ်နေကြရန်နှင့် အသိပညာ၊ အတတ်ပညာကြွယ်ဝပြီး အမှားအမှန်ကို ဝေဖန်ပိုင်းခြား သုံးသပ်နိုင်သော၊ နိုင်ငံတော်ကို အကျိုးပြုသည့် လူချွန်လူကောင်းများဖြစ်သည့် အပြင် တိုင်းပြည်ပြုစိတ်ဓာတ်၊ တိုင်းချစ်ပြည်ချစ်စိတ်ဓာတ်ဖြစ်သော စစ်မှန်သော ပြည်ထောင်စု စိတ်ဓာတ်ကို မွေးမြူနိုင်သည့် သားကောင်းရတနာ သမီးကောင်းရတနာများ ဖြစ်ကြပါစေကြောင်း တိုက်တွန်းပြောကြားပါသည်။ ဆက်လက်၍ ဒုတိယဝန်ကြီးက မိဘများအနေဖြင့် မိမိတို့၏ သားသမီးများကို ကောင်းမွန်သည့် ပညာအမွေပေးအပ်နိုင်ရန် အရေးကြီးပါကြောင်း၊ ထူးချွန်ထက်မြက်ပြီး ဘက်စုံတော်သော ကျောင်းသား ကျောင်းသူများ ဖြစ်လာစေရေးအတွက် မိဘ၊ ဆရာသမားနှင့် ကျောင်းသား၊ ကျောင်းသူများ ဟန်ချက်ညီညီ ပူးပေါင်းဆောင်ရွက်ကြရမည်ဖြစ်ပြီး ပညာကို မွေးဖွားသည်မှစ၍ သေဆုံးသည်အထိ လေ့လာသင်ယူနေကြရမည်ဖြစ်ပါကြောင်း၊ လေ့လာသင်ယူထားသည့် ပညာရပ်များကို မိမိကောင်းကျိုး၊ နိုင်ငံကောင်းကျိုး၊ လူသားများကောင်းကျိုးအတွက်သာ အသုံးချရန်ဖြစ်ပြီး မကောင်းသောနေရာများတွင် အသုံးမချမိစေရေးအတွက် သတိပြုရမည် ဖြစ်ပါကြောင်း၊ လူသားများ၏ ဘဝတွင် အရွယ် (၃) ပါးရှိပြီး ပထမအရွယ်သည် ပညာရှာရမည့် အရွယ်ဖြစ်သဖြင့် ပညာကို အပတ်တကုတ် ကြိုးစားလေ့လာ သင်ယူရမည်ဖြစ်ပါကြောင်း၊ အရွယ်(၃)ပါးတွင် သူ့နေရာနှင့်သူ ပညာကို ဆက်လက်သင်ယူရန်လိုအပ်ပါကြောင်း၊ ကျောင်းသူ၊ကျောင်းသားများအနေဖြင့် မိမိကိုယ်ကို ပညာရည်မြင့်မားစေရန် စဉ်ဆက်မပြတ် ကြိုးစား ဆောင်ရွက်ရန် လိုအပ်ပါကြောင်း၊ ထိုမှတစ်ဆင့် မိမိ၏ မိသားစု၊ နိုင်ငံသူ နိုင်ငံသားများအားလုံး ပညာရည်မြင့်မားလာမည်ဖြစ်ပြီး နိုင်ငံသူ၊ နိုင်ငံသားများအားလုံး ပညာရည်မြင့်မားမှသာလျှင် သာယာဝပြောသော နိုင်ငံတော်သို့ ရောက်ရှိလာမည်ဖြစ်ပါကြောင်း ပြောကြားပါသည်။ယင်းနောက် ပြည်ထောင်စုဝန်ကြီးက ၂၀၂၃-၂၀၂၄ ပညာသင်နှစ်၊ တက္ကသိုလ်ဝင်တန်း စာမေးပွဲတွင် အောင်မြင်ခဲ့သည့် ကျောင်းသူများအား ဂုဏ်ပြုချီးမြှင့်ပါသည်။ ထို့နောက် ဒုတိယဝန်ကြီးက ဝန်ထမ်းများ၏ သားသမီး၊ အခြေခံပညာအထက်တန်း ကျောင်းသား၊ ကျောင်းသူများအား ၂၀၂၄-၂၀၂၅ ပညာသင်နှစ်အတွက် စာရေးကိရိယာများ ပေးအပ်ပါသည်။ ၎င်းနောက် ပြည်ထောင်စုဝန်ကြီးရုံးမှ အမြဲတမ်းအတွင်းဝန်၊ တိုင်းရင်းသားစာပေနှင့် ယဉ်ကျေးမှုဦးစီးဌာနမှ ညွှန်ကြားရေးမှူးချုပ်နှင့် တိုင်းရင်းသားအခွင့်အရေးများကာကွယ် စောင့်ရှောက်ရေးဦးစီးဌာနမှ ညွှန်ကြားရေးမှူးချုပ်တို့က ဝန်ထမ်းများ၏ သားသမီး၊ အခြေခံ ပညာအလယ်တန်းနှင့် မူလတန်းကျောင်းသား၊ ကျောင်းသူများအား ၂၀၂၄-၂၀၂၅ ပညာသင်နှစ် အတွက် စာရေးကိရိယာများ ပေးအပ်ကာ အခမ်းအနားကို ရုပ်သိမ်းခဲ့ကြောင်း သတင်းရရှိပါသည်။
ဆက်လက်ဖတ်ရှုပါရန်
တိုင်းရင်းသားလူမျိုးများရေးရာဝန်ကြီးဌာန၊ တိုင်းရင်းသားအခွင့်အရေးများ ကာကွယ်စောင့်ရှောက်ရေးဦးစီးဌာနနှင့် သမဝါယမနှင့်ကျေးလက်ဖွံ့ဖြိုးရေးဝန်ကြီးဌာန၊ အသေးစားစက်မှု လက်မှုလုပ်ငန်းဦးစီးဌာနတို့ ပူးပေါင်း၍ ကျင်းပပြုလုပ်သည့် Snack & Bakery နည်းပညာ သင်တန်းဆင်းပွဲ အခမ်းအနားကို ယနေ့မွန်းလွဲပိုင်းတွင် တိုင်းရင်းသားလူမျိုးများရေးရာဝန်ကြီးဌာန၊ အစည်းအဝေးခန်းမ၌ ကျင်းပရာ တိုင်းရင်းသားလူမျိုးများရေးရာဝန်ကြီးဌာန၊ ပြည်ထောင်စုဝန်ကြီး Jeng Phang နော်တောင်၊ ဒုတိယဝန်ကြီး ဦးဇော်အေးမောင်၊ ညွှန်ကြားရေးမှူးချုပ်များ၊ ဒုတိယအမြဲတမ်းအတွင်းဝန်၊ ဒုတိယညွှန်ကြားရေးမှူးချုပ်များ၊ အရာထမ်း အမှုထမ်းများ၊ သင်တန်းနည်းပြများနှင့် သင်တန်းသား၊ သင်တန်းသူများ တက်ရောက်ကြပါသည်။ ရှေးဦးစွာ ပြည်ထောင်စုဝန်ကြီးက အဖွင့်အမှာစကားပြောကြားရာတွင် ယခုဖွင့်လှစ်သည့် သင်တန်းကို ဝန်ထမ်းနှင့် ဝန်ထမ်းမိသားစုများ သက်သာချောင်ချိရေးအတွက် တစ်ဖက်တစ်လမ်းမှ ဝင်ငွေရရှိစေရန်၊ ကိုယ်ပိုင်အသေးစား၊ အလတ်စားလုပ်ငန်းများ ထူထောင်လာနိုင်ရန်နှင့် လူမှုစီးပွားဘဝဖွံ့ဖြိုးတိုးတက်လာရန်ရည်ရွယ်၍ ဖွင့်လှစ်ခဲ့ခြင်းဖြစ်ပြီး ယနေ့တွင်သင်တန်းပြီးမြောက် အောင်မြင်ခဲ့ပြီဖြစ်ပါကြောင်း၊ “Snack and Bakery နည်းပညာသင်တန်း” ကို ပညာမချွင်းမချန်ဘဲ မေတ္တာ စေတနာအပြည့်အဝနှင့် လာရောက်သင်ကြားပို့ချပေးသည့် သမဝါယမနှင့် ကျေးလက် ဖွံ့ဖြိုးရေးဝန်ကြီးဌာနမှ နည်းပြဆရာမများ၊ ပံ့ပိုးကူညီ ဆောင်ရွက်ပေးသည့် တာဝန်ရှိပုဂ္ဂိုလ်များ အားလုံးကို ကျေးဇူးအထူးတင်ရှိပါကြောင်း၊ နိုင်ငံတော်၏ စီးပွားရေးဦးတည်ချက် (၄)ရပ်တွင် “တိုးတက်ကောင်းမွန်လာသည့် စီးပွားရေးမောင်းနှင်အားကို မဏ္ဍိုင်ပြု၍ MSME အသေးစား၊ အငယ်စား၊ အလတ်စား စက်မှုလုပ်ငန်းများကို အားပေးဆောင်ရွက်ကာ ပို့ကုန်ကဏ္ဍမြှင့်တင်ရေး” ဆိုသည့် လမ်းညွှန်ချက်ပါရှိပါကြောင်း၊ အဆိုပါလမ်းညွှန်ချက်နှင့်အညီ မိမိတို့ဝန်ကြီးဌာန သည်လည်း တိုင်းရင်းသားလူမျိုးများ၏ လူမှုစီးပွားဘဝဖွံ့ဖြိုးတိုးတက်စေရေး၊ MSME လုပ်ငန်းများကျယ်ပြန့်လာစေရေးအတွက် ရုံးချုပ်အပါအဝင် တိုင်းဒေသကြီး/ ပြည်နယ်များတွင်လည်း ရပ်ရွာအခြေပြု အသက်မွေးဝမ်းကျောင်း ပညာသင်တန်းများကို စဉ်ဆက်မပြတ် အကောင် အထည်ဖော်ပြီး လက်ဆင့်ကမ်းမျှဝေ ဖွင့်လှစ်ပို့ချ သွားကြရမည်ဖြစ်ပါကြောင်း၊ ဝန်ထမ်းများ အနေဖြင့် “တတ်သည့်ပညာ မလေ့လာ၊ မကြာမရှည်ပျောက်တတ်သည်”ဟူသည့် ဆိုရိုးစကားအတိုင်း သင်တန်းမှ သင်ကြား ပိုချပေးလိုက်သည့် မုန့်ဖုတ်လုပ်သည့် နည်းပညာများကို မူပိုင်ခွင့် ဥပဒေနှင့်အညီ အခြေခံ၍ မိမိဘာသာ ဆန်းသစ် တီထွင်ကာ ကိုယ်ပိုင် အသေးစား၊ အငယ်စား၊ အလတ်စား လုပ်ငန်းများကို ထူထောင်နိုင်ပြီး မိသားစုဝင်ငွေ တိုးပွားရုံသာမက နိုင်ငံ့ဝင်ငွေ တိုးပွားစေရန်လည်း ကျရာကဏ္ဍမှ ဆတက်ထမ်းပိုး ပါဝင်နိုင်အောင် ဆက်လက် အကောင် အထည် ဖော် ဆောင်ရွက်သွားနိုင်မည်ဟု မျှော်လင့်ပါကြောင်း တိုက်တွန်း ပြောကြားပါသည်။ထို့နောက် ဒုတိယဝန်ကြီးက အမှာစကားပြောကြားရာတွင် ယခုသင်တန်းသည် သက်မွေးဝမ်းကျောင်းဆိုင်ရာ ပညာရပ်ဖြစ်သည့်အတွက် မိသားစု တစ်ပိုင်တစ်နိုင် အလုပ်အကိုင်အခွင့်အလမ်းများ ရရှိလာမည်ဖြစ်ပြီး သင်ယူတတ်မြောက်လာသည့် နည်းပညာများကိုဆင့်ပွား ဆန်းသစ်တီထွင်ကာ အရည်အသွေးမြင့် ကုန်ပစ္စည်းများ ထုတ်လုပ်ပါက ဈေးကွက်တွင် မိမိ၏ ကုန်ပစ္စည်းအမှတ်တံဆိပ် နာမည်ရရှိလာမည်ဖြစ်ပါကြောင်း၊ သင်တန်းမှသင်ကြားပေးသည့် ပညာရပ်များကို ကောင်းစွာအသုံးချပြီး အလုပ်အကိုင်အခွင့်အလမ်းများ ဖန်တီးလာနိုင်သည်နှင့် အမျှ ဝင်ငွေလည်း တိုးပွားလာမည်ဖြစ်သည့်အတွက် နိုင်ငံတော်၏စီးပွားရေးဖွံ့ဖြိုးတိုးတက်ရေး လုပ်ငန်းစဉ်များတွင် အလွန်အရေးပါသော MSME အခန်းကဏ္ဍကို တစ်ဖက်တစ်လမ်းမှ မြှင့်တင် ဆောင်ရွက်ပေးနိုင်မည်ဖြစ်ပါကြောင်း ပြောကြားပါသည်။ ဆက်လက်၍ ပြည်ထောင်စုဝန်ကြီးက သင်တန်းဆင်းလက်မှတ်များကို သင်တန်းသား၊ သင်တန်းသူများအား ပေးအပ်ခဲ့ပြီး ဒုတိယဝန်ကြီးက သင်တန်းနည်းပြဆရာမများအား ဂုဏ်ပြု မှတ်တမ်းလွှာများ ပေးအပ်ပါသည်။ ထို့နောက် သင်တန်းသား၊ သင်တန်းသူများကိုယ်စား သင်တန်းသူတစ်ဦးက ကျေးဇူးတင်စကား ပြောကြားကာ အခမ်းအနားကို ရုပ်သိမ်းခဲ့ပါသည်။အခမ်းအနားအပြီးတွင် ပြည်ထောင်စုဝန်ကြီး၊ ဒုတိယဝန်ကြီးနှင့် တာဝန်ရှိသူများသည် သင်တန်းသား၊ သင်တန်းသူများ ပြုလုပ်ထားသည့် Butter Cake ၊ Banana Cake ၊ Chocolate Cake ၊ Chiffon Cake ၊ Cup Cake ၊ Cookies ၊ ကိတ်မုန့်ခြောက်၊ ပူတင်းပေါင်မုန့်၊ ပဲပေါင်မုန့်၊ စနိုးပူတင်း၊ ဆနွင်းမကင်း အစရှိသော မုန့်အမျိုးမျိုးကို လိုက်လံကြည့်ရှုပြီး သင်တန်းနည်းပြများက ရှင်းလင်းပြောကြားခဲ့ကြကြောင်း သိရှိရပါသည်။
ဆက်လက်ဖတ်ရှုပါရန်
တိုင်းရင်းသားအခွင့်အရေးများကာကွယ်စောင့်ရှောက်ရေးဦးစီးဌာန၊ ပဲခူးတိုင်းဒေသကြီး ညွှန်ကြားရေးမှူးရုံးမှ ၂၀၂၄-၂၀၂၅ ဘဏ္ဍာရေးနှစ်၊ ပြည်ထောင်စုရန်ပုံငွေဖြင့် တိုင်းရင်းသားရေးရာအသိပညာပေးခြင်းနှင့် ရပ်ရွာအခြေပြုအသက်မွေးဝမ်းကျောင်းပညာလိုအပ်ချက်တို့ကို ဆန်းစစ်စီမံခြင်း”အစီအစဉ်ကို ၆-၆-၂၀၂၄ ရက်နေ့တွင် ပဲခူးတိုင်းဒေသကြီး၊ ပဲခူးခရိုင်၊ ပဲခူးမြို့နယ်၊ ညောင်အင်းကျေးရွာအုပ်စု၊ ညောင်အင်းကျေးရွာ၊ ရွာဦးကျောင်းဓမ္မာရုံ၌ ကျင်းပပြုလုပ်ခဲ့ပါသည်။အခမ်းအနားတွင် တိုင်းရင်းသားအခွင့်အရေးများကာကွယ်စောင့်ရှောက်ရေးဦးစီးဌာန၊ ပဲခူးတိုင်းဒေသကြီး ညွှန်ကြားရေးမှူးရုံးမှ ညွှန်ကြားရေးမှူး ဒေါ်ခိုင်ရွှေဝါက အဖွင့်အမှာစကားပြောကြားခြင်း၊ အသိပညာပေးဟောပြောပွဲ ပြုလုပ်ရခြင်း၏ ရည်ရွယ်ချက်၊ ဝန်ကြီးဌာနအကြောင်း မိတ်ဆက်ခြင်း၊ တိုင်းရင်းသားများ၏ အမည်နာမရှေ့၌ ဝိသေသရှေ့ဆောင်စကားလုံးထည့်သွင်းရေးကိစ္စ၊ တိုင်းရင်းသားလူမျိုးများ၏ အခွင့်အရေးကာကွယ်စောင့်ရှောက်သည့်ဥပဒေ၊ နည်းဥပဒေများ နှင့် ကလေးအလုပ်သမားပပျောက်ရေးဆိုင်ရာဥပဒေ အစရှိသည့်ကိစ္စရပ်များအား ရှင်းလင်းပြော ကြားခဲ့ပါသည်။ဆက်လက်၍ ပဲခူးတိုင်းဒေသကြီးညွှန်ကြားရေးမှူးရုံး တိုင်းရင်းသားစာပေနှင့်ယဉ်ကျေးမှု ဦးစီးဌာနမှ ညွှန်ကြားရေးမှူး ဒေါ်နီနီဝင်းသန်းက ဌာနမှဆောင်ရွက်လျက်ရှိသော လုပ်ငန်းများအားလည်းကောင်း၊ ပဲခူးတိုင်းဒေသကြီး လူမှုဝန်ထမ်းဦးစီးဌာနမှ ညွှန်ကြားရေးမှူး ဒေါ်သန္တာထွေးက အမျိုးသမီးရေးရာကဏ္ဍ၊ ကလေးသူငယ်ကဏ္ဍများအားလည်းကောင်း၊ ပဲခူးတိုင်းဒေသကြီး စိုက်ပျိုး ရေးဦးစီးဌာနမှ လက်ထောက်ညွှန်ကြားရေးမှူး ဒေါ်အေးအေးမြင့်က စိုက်ပျိုးရေးဦးစီးဌာန၏ ဥပဒေ (၅)ရပ်နှင့် ဌာနမှ စီမံဆောင်ရွက်လျက်ရှိသော လုပ်ငန်းများအားလည်းကောင်း၊ အားကစားနှင့် ကာယပညာဦးစီးဌာန၊ ပဲခူးမြို့နယ်အားကစားမှူး ဦးဝင်းကျော်က လူငယ်ရေးရာ အားလည်းကောင်း အသီးသီးဆွေးနွေးပြောကြားခဲ့ပါသည်။ ထို့နောက် ညောင်အင်းကျေးရွာ အုပ်ချုပ်ရေးမှူး ဦးကြည်ရွှင်က ကျေးဇူးတင်စကားပြန်လည် ပြောကြားပြီးခဲ့ပြီးနောက် စုပေါင်းမှတ်တမ်းတင်ဓာတ်ပုံရိုက်ကူးခဲ့ကြပါသည်။ ထို့နောက် တိုင်းရင်းသားအခွင့်အရေးများကာကွယ်စောင့်ရှောက်ရေးဦးစီးဌာန၊ ပဲခူးတိုင်းဒေသကြီး ညွှန်ကြားရေးမှူးရုံးမှ ဝန်ထမ်းများက ရပ်ရွာအခြေပြုအသက်မွေးဝမ်းကျောင်းပညာလိုအပ်မှု ဆန်းစစ်ချက် စစ်တမ်းကောက်ယူခဲ့ရာ ဒေသခံတိုင်းရင်းသား(၈၀)ဦးတို့က စစ်တမ်း မေးခွန်းလွှာများကို ဖြေဆိုခဲ့ကြကြောင်း သိရှိရပါသည်။
ဆက်လက်ဖတ်ရှုပါရန်
ရှမ်းစာပေနှင့်ယဉ်ကျေးမှုသင်တန်းဆင်းပွဲ အခမ်းအနားကို (၃၀.၅.၂၀၂၄)ရက်နေ့၊ နံနက်ပိုင်းတွင် ကရင်ပြည်နယ် ဘားအံမြို့နယ်၊ မိန်းမလှကျွန်းကျေးရွာ၌ ကျင်းပပြုလုပ်ခဲ့ရာ ကရင်ပြည်နယ်ဝန်ကြီးချုပ်၊ ကရင်ပြည်နယ်အစိုးရအဖွဲ့ဝင်ဝန်ကြီးများ၊ တိုင်းရင်းသားစာပေနှင့် ယဉ်ကျေးမှုဦးစီးဌာန၊ ညွှန်ကြားရေးမှူးရုံး(ကရင်ပြည်နယ်)မှ တာဝန်ခံအရာရှိ၊ ကရင်ပြည်နယ် စာပေနှင့်ယဉ်ကျေးမှုအသင်းအဖွဲ့များမှ တာဝန်ရှိပုဂ္ဂိုလ်များ၊ ဌာနဆိုင်ရာများမှ တာဝန်ရှိပုဂ္ဂိုလ်များ၊ ဖိတ်ကြားထားသော ဧည့်သည်တော်များနှင့် ရှမ်းစာပေနှင့် ယဉ်ကျေးမှုသင်တန်းမှ သင်တန်းသား/သူများ တက်ရောက်ခဲ့ပါသည်။အခမ်းအနားတွင် ကရင်ပြည်နယ်အစိုးရအဖွဲ့ ပြည်နယ်ဝန်ကြီးချုပ်မှ အဖွင့်အမှာစကား ပြောကြားရာတွင် ရှမ်းစာပေနှင့် ယဉ်ကျေးမှုသင်တန်းသို့ တက်ရောက်လာသည့် သင်တန်းသား/ သူများအား မိမိတို့စာပေ၊ ဘာသာစကား၊ ယဉ်ကျေးမှုဓလေ့ထုံးတမ်းများအား ချစ်မြတ်နိုး တန်ဖိုးထားတတ်စေရေး စာပေ၊ ဘာသာစကား၊ ထွန်းကားပြန့်ပွါးရေးနှင့် ရိုးရာဓလေ့ထုံးတမ်းများ ယဉ်ကျေးမှုအမွေအနှစ်များ မတိမ်ကောမပျောက်ပျက်အောင် ထိန်းသိမ်းကြစေရန်နှင့် တိုးတက် မြှင့်မားအောင် ထိန်းသိမ်းရန်လိုအပ်ပါကြောင်း ပြောကြားခဲ့ပြီး ရှမ်းစာပေနှင့်ယဉ်ကျေးမှုစာပေ သင်တန်း ကျင်းပပြုလုပ်နိုင်ရေးအတွက် ကရင်ပြည်နယ်ဝန်ကြီးချုပ်မှ ထောက်ပံ့ကူညီငွေကျပ်သိန်း (၁၅၀)အား ပေးအပ်ချီးမြှင့်ခဲ့ရာ ရှမ်းစာပေနှင့်ယဉ်ကျေးမှုအသင်းအဖွဲ့ဝင် ဦးစိုင်းလှထွန်းမှ ကျေးဇူးတင်စကားပြောကြားခဲ့ပြီး ဂုဏ်ပြုမှတ်တမ်းလွှာပေးအပ်ခဲ့ပါသည်။ အခမ်းအနားတွင် ရှမ်းရိုးရာ အကအလှများဖြင့် ဖျော်ဖြေတင်ဆက် ခဲ့ပါသည်။အခမ်းအနားကို စုစုပေါင်းလူဦးရေ(၁၆၀)ကျော် တက်ရောက်ခဲ့ပါသည်။
ဆက်လက်ဖတ်ရှုပါရန်
တိုင်းရင်းသားအခွင့်အရေးများကာကွယ်စောင့်ရှောက်ရေးဦးစီးဌာန၊ ကရင်ပြည်နယ်၊ ညွှန်ကြားရေးမှူးရုံးမှ ၂၀၂၄-၂၀၂၅ ဘဏ္ဍာရေးနှစ် ပထမသုံးလပတ်အတွင်း ကရင်ပြည်နယ်အစိုးရ အဖွဲ့ခွင့်ပြုရန်ပုံငွေဖြင့် ၃-၆-၂၀၂၄ ရက်နေ့တွင် "အခြေခံလူသုံးကုန်ထုတ်လုပ်မှုနည်းပညာပေး သင်တန်းဖွင့်ပွဲအခမ်းအနား" ကို ဘားအံမြို့နယ်၊ အိန္ဒုကျေးရွာ၌ ကျင်းပပြုလုပ်ခဲ့ပါသည်။အခမ်းအနားတွင် တိုင်းရင်းသားအခွင့်အရေးများကာကွယ်စောင့်ရှောက်ရေးဦးစီးဌာန၊ ညွှန်ကြားရေးမှူး ဦးကျော်စိုးက အခြေခံလူသုံးကုန်ထုတ်လုပ်မှုနည်းပညာပေးသင်တန်းများမှ တဆင့် တစ်ရွာတစ်မျိုးထုတ်ကုန်များ၊ မိသားစုတစ်နိုင်တစ်ပိုင် စီးပွားရေးလုပ်ငန်းများလုပ်ကိုင် နိုင်သည်အထိ တိုင်းရင်းသားတို့၏ အကျိုးစီးပွားဖြစ်ထွန်းစေရေးကို အကောင်အထည်ဖော် ဆောင်ရွက်သွားမည်ဖြစ်ကြောင်းစသည်ဖြင့် အဖွင့်အမှာစကားပြောကြားခဲ့ပါသည်။ထို့နောက် သင်တန်းအတွက်လိုအပ်သော ထောက်ပံ့ပစ္စည်းများပေးအပ်ခဲ့ပြီး စုပေါင်း မှတ်တမ်းတင်ဓာတ်ပုံ ရိုက်ကူးခဲ့ပါသည်။ သင်တန်းကို (၃-၆-၂၀၂၄) ရက်နေ့မှ (၇-၆-၂၀၂၄) ရက်နေ့အထိ သင်တန်းသား / သင်တန်းသူ (၂၀) ဦးအား (၅)ရက်ကြာ သင်ကြားပို့ချသွားမည် ဖြစ်ပြီး ဘက်စုံသုံးဆပ်ပြာရည်၊ အဝတ်လျှော်ဆပ်ပြာရည်၊ ရေချိုးဆပ်ပြာရည်၊ ခေါင်းလျှော်ရည်၊ ဆပ်ပြာအကြည်ခဲ၊ Scrub စသည့် ဆပ်ပြာအမျိုးမျိုးထုတ်လုပ်မှုနည်းပညာရပ်များကို သင်ကြား ပို့ချပေးသွားမည်ဖြစ်ကြောင်း သိရှိရပါသည်။
ဆက်လက်ဖတ်ရှုပါရန်
မွန်စာပေနှင့်ယဉ်ကျေးမှုသင်တန်းဆုပေးပွဲ အခမ်းအနားကို (၃၀.၅.၂၀၂၄)ရက်နေ့၊ နေ့လည်ပိုင်းတွင် ကရင်ပြည်နယ် လှိုင်းဘွဲမြို့နယ်၊ ဒေါ်လန်းကျွန်းကျေးရွာ၌ ကျင်းပပြုလုပ်ခဲ့ရာ တိုင်းရင်းသားစာပေနှင့်ယဉ်ကျေးမှုဦးစီးဌာန၊ ညွှန်ကြားရေးမှူးရုံး (ကရင်ပြည်နယ်)မှ တာဝန်ခံအရာရှိ ဒေါ်ရီရီဝင်းနှင့် အရာထမ်းများ တက်ရောက်ခဲ့ပါသည်။ အခမ်းအနားတွင် တိုင်းရင်းသားစာပေနှင့်ယဉ်ကျေးမှုဦးစီးဌာန၊ ညွှန်ကြားရေးမှူးရုံး (ကရင်ပြည်နယ်)မှ တာဝန်ခံအရာရှိ ဒေါ်ရီရီဝင်းမှ အဖွင့်အမှာစကားပြောကြားရာတွင် မွန်စာပေနှင့်ယဉ်ကျေးမှုသင်တန်းသို့ တက်ရောက်လာသည့် သင်တန်းသား/ သူများအား မိမိတို့ရဲ့စာပေ ယဉ်ကျေးမှုဓလေ့ထုံးတမ်းများ တန်ဖိုးထားတတ်စေရန်၊ နယ်မြေဒေသအသီးသီးတွင် မွန်စာပေနှင့်ယဉ်ကျေးမှု ရေရှည်ဖွံ့ဖြိုးတိုးတက်စေရန်အတွက် မျိုးဆက်သစ်မွန်တိုင်းရင်းသား ကလေးငယ်များအား မိမိတို့စာပေ၊ ဘာသာစကား၊ ယဉ်ကျေးမှုဓလေ့ထုံးတမ်းများအား ချစ်မြတ်နိုးတန်ဖိုးထားတတ်စေရေး ဆောင်ရွက်ကြစေလိုကြောင်း ပြောကြားခဲ့ပြီး မွန်စာပေနှင့်ယဉ်ကျေးမှုသင်တန်း ဆုပေးပွဲအခမ်းအနားအတွက် ကရင်ပြည်နယ်အစိုးရအဖွဲ့၏ ကူညီထောက်ပံ့ငွေ ကျပ်သိန်း (၁၅၀)အား ပေးအပ်ချီးမြှင့်ခဲ့ပါသည်။ အခမ်းအနားကို စုစုပေါင်းလူဦးရေ(၁၈၀)ကျော် တက်ရောက်ခဲ့ပါသည်။
ဆက်လက်ဖတ်ရှုပါရန်
တနင်္သာရီတိုင်းဒေသကြီးအစိုးရအဖွဲ့မှ ဦးဆောင်ကျင်းပသော ဒေသခံတိုင်းရင်းသားများ၏ လူနေမှုဘဝဖွံ့ဖြိုးတိုးတက်ရေး အလုပ်ရုံဆွေးနွေးပွဲအခမ်းအနားကို ယနေ့နံနက် ၉ နာရီက ထားဝယ်မြို့၊ မြို့တော်ခန်းမ၌ ကျင်းပရာ ရှေးဦးစွာ တိုင်းရင်းသားများက စည်းလုံးခြင်းအတွက်သီချင်းတစ်ပုဒ် သီချင်းဖြင့် ဖျော်ဖြေတင်ဆက်ပါသည်။အခမ်းအနားတွင် တိုင်းဒေသကြီးဝန်ကြီးချုပ်က တနင်္သာရီတိုင်းဒေသကြီးအတွင်း မှီတင်း နေထိုင်လျက်ရှိသော ကရင်၊ မွန်၊ ထားဝယ်၊ မော်ကယ်(ဆလုံ)စသည့် ဒေသခံတိုင်းရင်းသားများ၏ အခွင့်အရေး နစ်နာဆုံးရှုံးမှုများ၊ လိုအပ်ချက်များကို ပွင့်လင်းမြင်သာစွာ တင်ပြဆွေးနွေးနိုင်ရေးနှင့် လိုအပ်ချက်များကို သက်ဆိုင်ရာဌာနများနှင့် ချိတ်ဆက်ညှိနှိုင်းဆောင်ရွက်ပေးခြင်းဖြင့် ဒေသခံ တိုင်းရင်းသားပြည်သူများ၏ လိုအပ်ချက်များကို ဖြည့်ဆည်းဆောင်ရွက်ပေးနိုင်ပြီး လူမှုစီးပွားဘဝ တိုးတက်မြင့်မားလာစေရန် ရည်ရွယ်၍ ကျင်းပပြုလုပ်ပေးခြင်းဖြစ်ကြောင်း၊ ဒေသခံတိုင်းရင်းသား များ၏ လူနေမှုဘဝ ဖွံ့ဖြိုးတိုးတက်ရေး အလုပ်ရုံဆွေးနွေးပွဲတွင် တိုင်းရင်းသားစာပေနှင့်ယဉ်ကျေးမှု အသင်း၊ အဖွဲ့များမှ ပုဂ္ဂိုလ်များ၊ တိုင်းရင်းသားကိုယ်စားလှယ်များနှင့် တွေ့ဆုံခွင့်ရရှိသည့်အတွက် ဝမ်းမြောက်မိပါကြောင်း၊ တိုင်းဒေသကြီးအစိုးရအဖွဲ့အနေဖြင့် တိုင်းရင်းသားလူမျိုးများ၏ စကား၊ စာပေ၊ အနုပညာ၊ ယဉ်ကျေးမှု၊ ရိုးရာဓလေ့ထုံးတမ်းအစဉ်အလာ၊ ကိုးကွယ်သည့် ဘာသာသမိုင်း အမွေအနှစ်တို့ကို ထိန်းသိမ်းကာကွယ်စောင့်ရှောက်ခြင်းနှင့် ဖွံ့ဖြိုးတိုးတက်ရေးတို့အတွက် ဘဏ္ဍာ ရန်ပုံငွေကို သာမာန်အသုံးစရိတ်တွင် ၃၈၂ သန်းကိုလည်းကောင်း၊ တိုင်းဒေသကြီးအတွင်းရှိ တိုင်းရင်းသားများ၏ လူမှုစီးပွားဘဝဖွံ့ဖြိုးတိုးတက်ရေးလုပ်ငန်းများအတွက် ငွေလုံးငွေရင်း အသုံး စရိတ်တွင် ကျပ်သန်း ၂၅၀ လျာထားထည့်သွင်းပြီး လုပ်ငန်းများဆောင်ရွက်လျက်ရှိကြောင်း၊ တိုင်းရင်းသားဘာသာစာပေသင်ကြားရေးအထောက်အကူပြု ဆရာ/ဆရာမများ (Teaching Assistant - TA)နှင့် တိုင်းရင်းသားစာပေသင်ဆရာ/ဆရာမများ (Language Teacher - LT) ကို ခန့်အပ်ရာတွင် အထောက်အကူပြု သင်တန်း/ဆွေးနွေးပွဲတက်ရောက်ပြီးမှသာ ခန့်ထားသည့် ပညာရေးဝန်ကြီးဌာန၏ မူဝါဒအရ တိုင်းရင်းသားဘာသာစာပေသင်ဆရာ/ဆရာမများအနေဖြင့် သင်တန်းများ မပျက်မကွက် တက်ရောက်နိုင်ရေးကိုလည်း ပူးပေါင်းဆောင်ရွက်ပေးစေကြောင်း၊ တိုင်းဒေသကြီးအတွင်းရှိ တိုင်းရင်းသားပြည်သူများ ဖွံ့ဖြိုးတိုးတက်မှုရရှိစေရန်အတွက် တိုင်းရင်းသား စာပေနှင့်ယဉ်ကျေးမှုအသင်းအဖွဲ့များ၊ တိုင်းရင်းသားကိုယ်စားလှယ်များက မိမိဒေသ၊ မိမိရပ်ရွာ တည်ငြိမ်အေးချမ်းရန် ဝိုင်းဝန်းဆောင်ရွက်ပေးကြရန်၊ မိမိ၏ စကား၊ စာပေ၊ ယဉ်ကျေးမှုနှင့် ရိုးရာ ဓလေ့ထုံးတမ်းအစဉ်အလာများကို ထိန်းသိမ်းမြှင့်တင်ရေးကိစ္စရပ်များ၊ ဒေသအသီးသီးရှိ တိုင်းရင်းသားပြည်သူများ၏ ပညာရေး၊ ကျန်းမာရေး၊ စီးပွားရေး၊ လမ်းပန်းဆက်သွယ်ရေး စသည်တို့ပါဝင်သော လူမှုစီးပွားဘဝများ ဖွံ့ဖြိုးတိုးတက်စေရေးဆိုင်ရာ ကိစ္စရပ်များနှင့် လိုအပ်ချက် များကို ဝိုင်းဝန်းဆွေးနွေးကြရန် လိုအပ်ကြောင်း၊ ဆွေးနွေးပွဲမှ ရရှိလာသည့် ရလဒ်ကောင်းများကို အောင်မြင်အောင် ဆက်လက်အကောင်အထည်ဖော် ဆောင်ရွက်ပေးစေလိုကြောင်း၊ မိမိတို့၏ ရပ်ရွာ ဒေသဖွံ့ဖြိုးတိုးတက်ရေးအတွက် စစ်မှန်သည့် ပြည်ထောင်စုစိတ်ဓါတ်ဖြင့် ဒို့တာဝန်အရေး (၃)ပါးကို မထိခိုက်စေဘဲ ဒီမိုကရေစီဖက်ဒရယ်စနစ်ကို အခြေခံသော ပြည်ထောင်စုတည်ဆောက်ရေး လုပ်ငန်း စဉ်များတွင် မိမိတို့အနေဖြင့် ကျရာအခန်းကဏ္ဍမှ အုတ်တစ်ချပ်၊ သဲတစ်ပွင့်အနေဖြင့် ကြိုးပမ်း ဆောင်ရွက်သွားကြရန် လိုအပ်ကြောင်း ပြောကြားခဲ့ပါသည်။ထို့နောက် တိုင်းဒေသကြီးတိုင်းရင်းသားကိုယ်စားလှယ် ဦးတင့်လွင်က ဒေသခံတိုင်းရင်းသား များ၏ လူနေမှုဘ၀ဖွံ့ဖြိုးတိုးတက်ရေး အလုပ်ရုံဆွေးနွေးပွဲနှင့်စပ်လျဉ်း၍ ရှင်းလင်းတင်ပြပြီး တိုင်းရင်းသားများက ပြည့်ရတနာသီချင်းဖြင့် ဖျော်ဖြေတင်ဆက်ကာ တိုင်းဒေသကြီးဝန်ကြီးချုပ်၊ တိုင်းဒေသကြီး တရားလွှတ်တော်တရားသူကြီးချုပ်၊ တိုင်းဒေသကြီး ဝန်ကြီးများ၊ ကမ်းရိုးတန်းဒေသ တိုင်းစစ်ဌာနချုပ် ဒုတိယတိုင်းမှူးနှင့် တာဝန်ရှိသူများက တက်ရောက်လာသော တိုင်းရင်းသား ကိုယ်စားလှယ်များအား ရင်းရင်းနှီးနှီး လိုက်လံနူတ်ဆက်ခဲ့ပါသည်။ဆွေးနွေးပွဲတွင် သက်ဆိုင်ရာဌာနဆိုင်ရာ တာဝန်ရှိသူများ၊ တိုင်းရင်းသားစာပေနှင့် ယဉ်ကျေးမှုအသင်းမှ တာဝန်ရှိသူများ၊ မွန်၊ ကရင်၊ ထားဝယ်၊ မော်ကယ် တိုင်းရင်းသား ကိုယ်စားလှယ်များ၊ တိုင်းရင်းသားလုပ်ငန်းရှင်များတို့က တိုင်းရင်းသားဒေသဖွံ့ဖြိုးကဏ္ဍ၊ တိုင်းရင်းသား ဒေသများတွင် ရင်ဆိုင်ကြုံတွေ့ရသည့် အခက်အခဲနှင့် စိန်ခေါ်မှုများ၊ တိုင်းရင်းသားများ၏ သက်မွေးဝမ်းကျောင်းပညာရပ်များ၊ ပညာရေး၊ ကျန်းမာရေး၊ စီးပွားရေး၊ လမ်းပန်းဆက်သွယ်ရေး ကဏ္ဍများ၊ ရှေ့ဆက်ဆောင်ရွက်မည့် လုပ်ငန်းစဉ်များကို အုပ်စုများဖွဲ့၍ ဆွေးနွေးမည်ဖြစ်ကြောင်း သတင်းရရှိပါသည်။
ဆက်လက်ဖတ်ရှုပါရန်
နယ်စပ်ဒေသနှင့်တိုင်းရင်းသားလူမျိုးများ၏ဖွံ့ဖြိုးတိုးတက်မှု အကောင်အထည်ဖော်ရေး လုပ်ငန်းကော်မတီ၊ သာသနာရေးနှင့်ယဉ်ကျေးမှုဆိုင်ရာလုပ်ငန်းဆပ်ကော်မတီ၏ လုပ်ငန်းညှိနှိုင်း အစည်းအဝေးအမှတ်စဉ် (၂/၂၀၂၄)ကို ၆-၆-၂၀၂၄ ရက်နေ့ မွန်းလွဲပိုင်းတွင် တိုင်းရင်းသားလူမျိုးများရေးရာဝန်ကြီးဌာန၊ ပြည်ထောင်စုဝန်ကြီးရုံး အစည်းအဝေးခန်းမတွင် ကျင်းပပြုလုပ်ခဲ့ရာ တိုင်းဒေသကြီးနှင့်ပြည်နယ်ဒေသဆိုင်ရာ သာသနာရေးနှင့်ယဉ်ကျေးမှုဆပ်ကော်မတီ၊ ဥက္ကဋ္ဌများ၊ လုပ်ငန်း ဆပ်ကော်မတီဝင် ပြည်သူ့ဆက်ဆံရေးနှင့် စိတ်ဓာတ်စစ်ဆင်ရေးညွှန်ကြားရေးမှူးရုံး၊ စစ်သမိုင်း ပြတိုက်နှင့် တပ်မတော်မော်ကွန်းတိုက်မှူးရုံး၊ နယ်စပ်ရေးရာဝန်ကြီးဌာန၊ ပညာရေးနှင့် လေ့ကျင့်ရေး ဦးစီးဌာန၊ စီမံကိန်းနှင့်ဘဏ္ဍာရေးဝန်ကြီးဌာန၊ စီမံကိန်းရေးဆွဲရေးဦးစီးဌာန၊ သာသနာရေးနှင့် ယဉ်ကျေးမှုဝန်ကြီးဌာန၊ ရှေးဟောင်းသုတေသနနှင့်အမျိုးသားပြတိုက်ဦးစီးဌာန၊ သာသနာရေးဦးစီးဌာန၊ သာသနာတော်ထွန်းကားပြန့်ပွားရေးဦးစီးဌာန၊ လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာန၊ အမျိုးသားမှတ်ပုံတင်နှင့်နိုင်ငံသားဦးစီးဌာနနှင့် တိုင်းရင်းသားလူမျိုးများရေးရာဝန်ကြီးဌာန၊ တိုင်းရင်းသားအခွင့်အရေးများ ကာကွယ်စောင့်ရှောက်ရေးဦးစီးဌာနတို့မှ တာဝန်ရှိသူများ တက်ရောက်ခဲ့ကြပါသည်။ အစည်းအဝေးတွင် သာသနာရေးနှင့် ယဉ်ကျေးမှုဆိုင်ရာလုပ်ငန်းဆပ်ကော်မတီဥက္ကဋ္ဌ၊ တိုင်းရင်းသားလူမျိုးများရေးရာဝန်ကြီးဌာန ဒုတိယဝန်ကြီး ဦးဇော်အေးမောင်က အဖွင့်အမှာစကားပြောကြားရာတွင် လုပ်ငန်းဆပ်ကော်မတီဝင် ဦးစီးဌာနများ၏ ၂၀၂၄-၂၀၂၅ ဘဏ္ဍာရေးနှစ် အတွင်းနယ်စပ်ဒေသဖွံ့ဖြိုးရေးအတွက် သာသနာရေးနှင့် ယဉ်ကျေးမှုဆိုင်ရာ လျာထား စီမံကိန်းလုပ်ငန်းများအား သတ်မှတ်ကာလအတွင်း အချိန်မီပြီးစီးအောင် ဆောင်ရွက်ကြရန်နှင့် လျာထား စီမံကိန်းလုပ်ငန်းများ အကောင်အထည်ဖော်မှုနှင့်ပတ်သက်၍ အခက်အခဲရှိပါကလည်း ဆွေးနွေးတင်ပြ ကြရန်ဖြစ်ကြောင်း၊ သာသနာရေးနှင့် ယဉ်ကျေးမှုဆိုင်ရာ စီမံကိန်းအသုံးစရိတ်များနှင့် ပတ်သက်၍လည်း ဒေသအတွက် ထိရောက်သည့် အသုံးစရိတ်ဖြစ်စေရေးနှင့် လျာထားချက်အတိုင်း အချိန်မီသုံးစွဲရေးကို အဆင့်ဆင့်တာဝန်ရှိသူများက အလေးထား ဆောင်ရွက်ပေးကြစေလိုကြောင်း၊ လုပ်ငန်းများ အကောင်အထည်ဖော် ဆောင်ရွက်ရာတွင် ဘဏ္ဍာရေးလုပ်ထုံးလုပ်နည်းများနှင့်အညီ ဆောင်ရွက်ကြရန် လိုကြောင်း၊ မိမိတို့လုပ်ငန်းဆပ်ကော်မတီကို ပေးအပ်ထားသည့်တာဝန် (၁၃) ရပ်သည် မိမိတို့ ပြည်ထောင်စုအတွင်းတွင် မှီတင်းနေထိုင်ကြသည့် တိုင်းရင်းသားလူမျိုးများ၏ ဘာသာသာသနာကို ထွန်းကားပြန့်ပွားစေရေးနဲ့ ရိုးရာဓလေ့ ယဉ်ကျေးမှုအမွေအနှစ်များကို ထိန်းသိမ်းစောင့်ရှောက်ရေး အတွက် သက်ဆိုင်ရာဝန်ကြီးဌာနအသီးသီးရဲ့ လုပ်ငန်းတာဝန်များကို ပေါင်းစပ်ထားခြင်းဖြစ်ပါကြောင်း၊ ဆပ်ကော်မတီဝင်ဦးစီးဌာနများ၏ နယ်စပ်ဒေသ တိုင်းရင်းသားလူမျိုးများ၏ သာသနာရေးနှင့်ယဉ်ကျေးမှု အမွေအနှစ် ထိန်းသိမ်းစောင့်ရှောက်ရေး လုပ်ငန်းများကို အကောင်အထည်ဖော် ဆောင်ရွက်ပေးနိုင် သည်နှင့်အမျှ နယ်စပ်ဒေသများဖွံ့ဖြိုးတိုးတက် လာမည်ဖြစ်ပါကြောင်း၊ ထို့ကြောင့် ဆပ်ကော်တီဝင် ဦးစီးဌာနများအနေဖြင့် မိမိတို့၏လျာထားလုပ်ငန်း စီမံကိန်းများကို သတ်မှတ်ကာလအတွင်း ပြီးမြောက်အောင် အကောင်အထည်ဖော် ဆောင်ရွက်သွားကြစေလိုကြောင်း စသည်ဖြင့် ပြောကြားခဲ့ ပါသည်။ ထို့နောက်အစည်းအဝေးသို့ တက်ရောက်လာသည့် တိုင်းဒေသကြီးနှင့်ပြည်နယ် ဒေသ ဆိုင်ရာ သာသနာရေးနှင့်ယဉ်ကျေးမှုဆပ်ကော်မတီဥက္ကဌများ၊ ဆပ်ကော်မတီဝင်ဌာနများက ၂၀၂၃-၂၀၂၄ ဘဏ္ဍာရေးနှစ်အတွင်း အကောင်အထည်ဖေါ် ဆောင်ရွက်ပြီးစီးသည့် လုပ်ငန်းအခြေအနေများနှင့် ၂၀၂၄-၂၀၂၅ ဘဏ္ဍာရေးနှစ်တွင် ဆောင်ရွက်ရန်လျာထားသည့် လုပ်ငန်းစီမံကိန်းများ စတင် ဆောင်ရွက်နေမှုအခြေအနေများအား ရှင်းလင်းတင်ပြကြရာ ဒုတိယဝန်ကြီးနှင့်အစည်းအဝေး တက်ရောက်လာသူများက အကြံပြုဆွေးနွေးကြပါသည်။ ထို့နောက် အစည်းအဝေးဆုံးဖြတ်ချက် (၈)ချက်ချမှတ်၍ တာဝန်ယူ အကောင်အထည်ဖော် ဆောင်ရွက်မည့် ဦးစီးဌာနများကို အတည်ပြုကြပြီး ဒုတိယဝန်ကြီးက နိဂုံးချုပ်အမှာစကားပြောကြားကာ လုပ်ငန်းညှိနှိုင်းအစည်းအဝေးကို ရပ်နားခဲ့ကြောင်း သိရှိရပါသည်။
ဆက်လက်ဖတ်ရှုပါရန်
တနင်္သာရီတိုင်းဒေသကြီးအတွင်း ဒေသခံတိုင်းရင်းသားများ၏လူနေမှုဘဝဖွံ့ဖြိုးတိုးတက်ရေး တွေ့ဆုံပွဲအခမ်းအနားကို ယနေ့နံနက် ၁၀ နာရီခွဲက ထားဝယ်မြို့၊ တိုင်းဒေသကြီးအစိုးရအဖွဲ့ရုံး အစည်းအဝေးခန်းမ၌ ကျင်းပခဲ့သည်။အခမ်းအနားတွင် တိုင်းဒေသကြီးဝန်ကြီးချုပ် ဦးမြတ်ကိုက တိုင်းဒေသကြီးအစိုးရအဖွဲ့အနေဖြင့် တိုင်းရင်းသားများ၏ လိုအပ်ချက်များကို ဖြည့်ဆည်းဆောင်ရွက်ပေးနိုင်ရန် တွေ့ဆုံရခြင်း ဖြစ်ကြောင်း၊ ယခုတွေ့ဆုံမှုသည် ဒုတိယကြိမ်ဖြစ်ကြောင်း၊ တိုင်းဒေသကြီးအတွင်းရှိ တိုင်းရင်းသားရေးရာ ကိစ္စရပ် များကို သက်ဆိုင်ရာ တာဝန်ရှိသူများနှင့် ညှိနှိုင်း၍ ဆောင်ရွက်ပေးလျက်ရှိကြောင်း၊ အဓိကအားဖြင့် ဆောင်ရွက်ပေးသည့်နေရာတွင် နယ်မြေဒေသ အေးချမ်းမူအပေါ် မူတည်၍ ဆောင်ရွက်ပေးလျက်ရှိပြီး တိုင်းရင်းသားများ၏ လိုအပ်ချက်များ တင်ပြလာမှုအပေါ်တွင်လည်း ညှိနှိုင်းဆောင်ရွက်ပေးလျက်ရှိကြောင်း၊ ပညာရေး၊ ကျန်းမာရေး၊ လမ်းပန်းဆက်သွယ်ရေးနှင့် လူနေမှုဘဝဖွံ့ဖြိုးတိုးတက်ရေး အတွက် ကုန်ထုတ်လမ်းများ၊ တာတမံများအပါအဝင် စီးပွားရေးလုပ်ငန်းများ ဆောင်ရွက်ပေးခဲ့သည်များရှိကြောင်း၊ ဘန်းချောင်းဒေသတွင် ဒေသဖွံ့ဖြိုရေးဖြစ်သည့် လမ်း၊ လျှပ်စစ်မီးများ ကြိုးစား ဆောင်ရွက်ထားသော်လည်း ယခုအခါတွင် များစွာစိတ်မကောင်းဖြစ်ရကြောင်း၊ တိုင်းဒေသကြီး အစိုးရအဖွဲ့ စတင်တာဝန်ယူစဉ်က ဖောင်းတောဒေသ၌ ဒေသခံတိုင်းရင်းသားများ သွားလာရေး အဆင်ပြေစေရေးအတွက် လမ်းများဖောက်လုပ်ထားပြီး ဖောင်းတောရေအားလျှပ်စစ် ပြန်လည် လည်ပတ်အောင် ဆောင်ရွက်ပြီး ဒေသအတွင်း လျှပ်စစ်ဓာတ်အားလုံလောက်စွာ သက်သာသော ဈေးနှုန်းများဖြင့် ဒေသဖွံ့ဖြိုးတိုးတက်ရေးအတွက် ကြိုးစားဆောင်ရွက်ခဲ့ကြောင်း၊ ယခုအချိန်အခါ သည် ဒေသအတွင်း လျှပ်စစ်မီးလုံလောက်စွာနှင့် ဒေသဖွံ့ဖြိုးတိုးတက်ရေးလုပ်ငန်းများ ဆောင်ရွက်ရမည့် အချိန်အခါဖြစ်ကြောင်း၊ တိုင်းရင်းသားကိုယ်စားလှယ်များနှင့် သက်ဆိုင်ရာဌာနဆိုင်ရာတာဝန် ရှိသူများတို့က နယ်မြေဒေသတည်ငြိမ်အေးချမ်းရေးနှင့် ဒေသဖွံ့ဖြိုးတိုးတက်ရေးအတွက် ဝိုင်းဝန်း အကောင်အထည်ဖော်ဆောင်ရွက်ပေးကြရန် လိုအပ်ကြောင်း ပြောကြားခဲ့ပါသည်။ထို့နောက် မွန်၊ ကရင်၊ ထားဝယ်၊ မော်ကယ် တိုင်းရင်းသားကိုယ်စားလှယ်များ၊ တိုင်းရင်းသားလုပ်ငန်းရှင်များတို့က လမ်း၊ တံတား၊ တာတမံ၊ ပညာရေး၊ ကျန်းမာရေး၊ လျှပ်စစ်မီး၊ ဆိုလာမီး၊ အဆောက်အဦ၊ ထောက်ပံ့ရေး၊ သားငါးသီးနှံကဏ္ဍ၊ စာသင်ကျောင်းနှင့် ဒေသဖွံ့ဖြိုး တိုးတက်ရေးအတွက် လိုအပ်ချက်များကို ရှင်းလင်းဆွေးနွေးတင်ပြရာ တိုင်းဒေသကြီးဝန်ကြီးများက ဖြည့်စွက်ဆွေးနွေးခဲ့ကြပြီး တိုင်းဒေသကြီးဝန်ကြီးချုပ်က ဆွေးနွေးတင်ပြချက်များအပေါ်တွင် ညှိနှိုင်း ဆောင်ရွက်ပေးခဲ့ကြောင်း သတင်းရရှိပါသည်။
ဆက်လက်ဖတ်ရှုပါရန်